D'aucuns fan lor publicitat entr'autre per lo FSL sus lo fòrum occitania. Quò es plan interessant mas coma ai l'esprit mau tornat, vaiquí la captura de l'ècran quant volètz auvir los intervenents.
;-) 29 de febrièr ;-) 29 de febrièr ;-) 29 de febrièr;-)
aprep èsser estat ne'n fotò dins una publicacion venduda a la propaganda, pòde gaire balhat de leiçons sus la propaganda que ven poluar las parolas.
D'aver legir la merda conspiracionista (1) sus lo siti de la fin dau monde m'a fach pensar a la banda dessenha dau Will Eisner, lo malordit ("le complot" en francais).
Eisner es un daus mai grands dessenhators de bede : dessenh, composicion, traitament de l'istòria, la descopa sequénciala...
Dins "le complot", Eisner restituís la vertat sus quela saloperia qu'es lo protocòl daus savis de Sion. La fòrma dau roman grafic es plan adaptada per menar l'enquesta sus queu meissonja. Dins queu libre se troba tota la cadena de la fabrica de l'aïssença jusca a tant que l'Express (en 1999) balha l'infò sus la manipulacion.
Lo protocòl es un faus.
Lo roman se 'chaba sus de las scènas ònte una version dau protocòl es distribudada dins un campus aus USA. Quante un tipe a fach la remarca que quò es un faus ! La responsa fuguet :
Los jusius l'an benleu pas escrit, mas aurian pogut lu far !!!
Lo tipe se'n torna davant tant de stupiditat.
Notas : Per mon perron, sabe pas se "lo complot" es un bon Eisner mas de segur, es de rangar just a costat de "Maus" (Spiegelman).
1- las conspiracions son fachas per : los franc-maçons, los gais, l'islam, Israel...
Sus lo siti se troba ben una casa "sion" mas ela es voida per lo moment. Se troba una case "som daus goiats de la matriça". Urosament per los occitanofones, los trepanats an pas legit lo Da Carcassona code, si que non serián bon per tornar èsser digne d'una crosada.
Ai legit maitot sus lo siti de la conaria universala, un article sus "coma plejar un bilhet de 20 $ per aver la vision dau 11 septembre" (l'article date de 2005 e l'ataca de 2001, mas quò ne fai ren, gratta la merda siderala).
Ai donc charchat las vertats cachadas dins los bilhets de banca e ai trobat quò :
Aquí la promocion de la natura
per aqui una revolta o una cauma de la marina 
e 'quí una imatge emb une femna la peitrina devetuda, 
mas sens chause, l'art, la cultura benleu...
Una breva dins Courrier International :
Cinquanta tonas quo es quò que fuguet estat largat per l'aviacion sus lo vilatge de Guernicà, lo 21 d'abri 1937.
Lequau act barbar, aviá provocat orror e indinhacion dins lo monde, e fuguet l'origina dau cap d'òbra eponime. Auèi, ren se passa dins le vejaire internacionala.
Queus crims nos estonan pus gaire.
segon son dire lo jornaliste tombat d'asard sus un entrefialat dins lo New York Times e lo Los Angeles Times.
Un collèga au trabalh me ditz quò :
-Sabes que la fin dau monde es per lo 20/12/2012 ?
-Non !!!!!
-Veja sus queu siti internet !
E me vaiquí per legir quò sus lo siti :
-Lo solelh se metrà de virar sus un autre orbita autorn de la terra...
Ai tornat esplicat a mon collèga las basas dau sistèma solar e que deuriá legir autre chausa que de las conarias sus lo oèb :-)
Per un tipe que va èsser un amic sus lo oèb , de segur.
Lo film (version corta) era presentat per lo Chiendent dins lo cinemà daus Carmes, classat "art e ensag".
Quò es lo prumier film de queu realisator que vise. E ben paubres pitits, queu film es un cap d'òbra. Tot es plasent, fantastic : l'idèia, la mesa en scèna dins 'quela remesa, los actors e maitot las actritz...
Sei benaise de veire que las nòstras questions sus las alternativas (1) semblan a las nòstras :
- quela societat e quela organisacion ?
- que se troba èsser lo mai democratique o b'etot lo mai representatiu dau pòple ? representat per qui ?
- democratiat directe o non ? dins queus domenis ?
Bon, 'reste 'quí per savorar mon bonur, sens doblidat de vos laissatz en mars 1871. Dotze annadas aprep tsarkosi Napoléon III, vaiquí un jornaliste de la television versaillaisa que balha una informacion, mas d'un autre biais, i a una television de la comuna que ne'n balha una autre...
1-ai botat aquí una connaria (de mai) perqué dins la corba "sinuzoidala" i a solament doas alternativas :-)
Una banda dessenhada de mai.
L'istòria d'un orfaneu quela vetz. Sem ne'n Corèa dins l'annada 1970 (laidonc aprep la guerra jamai 'chabada despuei 1953). Jung nos conta aquí coma sas aventuras per èsser adoptat se son passadas. Totas l'istòria depend dau seu punt de vuda, de segur, emb lo colador dau temps passat.
La mencion "color dau miau" es la debuta dau libre, l'orfelinat vendrá, los prumiers amics, las conarias... Puei, totjorn de venir, l'Euròpa, la Belgica, una novela familha, de noveus parents, fraires, sòrs.
Magasin général de Loisel & Tripp
J'en ai pogné un !!
'coudonc ! Maudits français !
Quelas espressions son en quebequés dins lo libre.
Degun a protestat d'aver estat pres coma ostatge par la banda de nantits, de fortunats, de la gens totjorn pres per lo còp de fòrça emb lo poder...
Segur que vole parlar daus conductors de taxí.
Quò es estranh lo biais de dire sus los grevistes de la SNCF e los autres, non ?
Bon, per tot dire, voliái balhar un liam dinhat d'interès a Joan per l'aidar de chosir la soá veitura. Ai trobat quò :
Lo conductor d'una veitura que normalament poguèt gaire 'nar mai vite que 170 qm/o es estat enlutzat (flachat) a 324 qm/o...
Vut sus Sabe que se mocar es aisat mas lo chamin dins la vita es lo mesme passat de rire o de purar, laidonc perqué lo far en plorant. Queu bilhet es tanben l'ocasion de balhar l'adreça d'un siti d'informacion e de militantisme per los antiveituras e l'adreça d'un joèb consacrat au velò, peira que rodela. Ben escrit, fòrça plasent emb de belas fotòs, daus liams vers d'autres sitis, de las revistas en linha o daus jornaus au fòrmat *.pdf e mesma un film XXX 
e sus 
.
Especialiste de la lenga d'òc, Jan Roux es l'autor d'un vocabulari Occitan (Lemosin) / Francés e d'un precis de conjugason, entr'autre...
La seguida aquí sus "GoldPérigord" oèb tele.
Quela banda dessenhada (en francés) es una compilacion.
Mai de detz istòrias dins queu pitit recuelh. Libret sus los òmes e tanben las femnas que son daus fabricans. Emb sa man, l'uman farja un artifice que l'òbra es son motor. S'activar dins lo trabalh per lu far tornar mai vita dins la poschera.
Ai ben aimat :
-Journée dau LEIF TANDE. Quò conta l'istòria d'un dròlle que vòl surtir sa blonda per la menar minjar dins un parc (e pas chas Asterix coma l'autre). Ai subretot aimat l'epigrame dins quela bede.
-Auto bio dau DESBIENS. Aquela istòria es sus un cicliste, ben brave mas totjorn de romar contra las veituras, la polucion... Totas semblancas emb de las personas reelas o daus fachs vertadiers son lo fach dau asard.
-Une nuit dans la tête de Philesh Bruti dau ROUYERE. E ben, i a un brave boiradis aquí, dins queu casernet de viatge interior, e fis de garça, subitament, me trobe ben calme.
-Un souffle dau OLIVIER MARTIN. Una istòria sens paròlas per enlusir un conta de Jan Dau Melhau, tot s'i troba, tot : l'eime lemosina, lo tipe solitari, los lops...
En mai de quò, i a una bede que balha a veire lo dialecte quebequés emb-d una grafia originala.
Aicós acompanhats d'un dessenh quela vetz...
Emb l'AGV, fau 'nat totjorn mai vitat, perqué far. Per mon perron, pode postar lo bilhet dau 11 de febrier auèi. Vòs garentisse èsser colhon ben a l'òra. Coma se ditz en lemosin, un vertadier banturle.
Queu libre, l'ai minjat, l'ai devorat, ai begut totas las frasas en demain de quò ai daissat au fons dau veire los quauques mots los mai complicats, los qu'ai pas trobats dins "la palanqueta" (los mai ancians benleu per los trobar 'quí dedins o b'etot los mai tipiques d'un jos parlar nòrd-occitan)(1).
Queu libre es estat escrich en doas partidas. La prumiera es l'istòria d'un jòune òme bon a maridar. lo goiat voldriá ben mas solament emb una dròlla cerieisa pas emb una dròlla poma. Las pomas son bonas per tot lo monde, quò es juste una frucha a massar per lo minjar de la vesprada (en lengatges moderne : un 5 a 7). Las cerieisas, elas, son plena de promessas.
E vaiquí lo Marçaudon dins una estranh charcha (la segonda partida), charcha sus lo conselh d'un gardian de leberon (un drac lemosin), cercha jusca a las ribas dau temps. Degun nonmàs lo Marçaudon zo pòt far.
Ai aimat queu libre, totjorn a parlat de la vita, un pauc "passeiste" a la debuta mas jamai sens èsser dins lo "qu'era mai ben avant".
De temps en temps - Micheu Chapduelh. A TOTS IEO n°65. 1981
Nota : 1-vòle pas damandar a mon pròf per pas tornar me far "cridar dessur" a causa de las "formulas ancianas" (quò per aver utilisar "autres vetz" en luòc de "autres còps").Quò es terrible un professor, mas queu que ditz quò, qué sap daus elevas ? Vau far una lista per mos parents, ná :-)
Auèi ai 'chabat ma novela recèpta de tartinas, la "briare".
Vos fau : dau pan, de l'alh, de l'òli, quauques pruneus, de las erbas, dau miau, dau fromatge.
Alhetz lo pan (ai pres un "briare") copat en lesca e far colar un fialat d'òli. Copatz los pruneus en dos per tirar lo nogeu.
Adjunhetz un pauc d'erbas (frogola...), e en dessur un pauc de miau.
Per 'chabar lo tot, avant de botar au forn, persemnatz de fromatge (parmesan).
10/15 minutas miei·forn, termostat 7/8.
Categorias
digg it
del.icio.us
Un
joèb per usar de la lenga d'òc de la
charenta lemosina