Un jorn t'i tornaràs far !
Lo joèb de Jan Peire

Dissabde, mon anciana veisina èra tornada per passar una partida de la longa dimenjada dins sa familha. De la mesma vetz qu'èra un biais per ela de far lo torn daus amics. M'aviá conhat dins la trencha dau dinnar.

Des lo mandin, ai preparat un pan, l'ai fach cueire a miedjorn. Ai 'chaptat au merchat dos pissalaits e daus granos (1), dau miau, de l'alh, de las pomas (la frucha), dau cabecon. Me vaiquí pres per far a minjar per ma Sonià.

Los granos son mes dins lo cuech-vapor, los pissalaits (durs amb lo boton de la flor, quò es ben tòst la fin) son metuts dins un topin amb una pinçada de sau e dau jus de citron.
De queu temps ai preparat una pasta brisada, ai copat las pomas, un peron, botat en dessur l'aparelh (calhet de sojà (2), uòus, farina) e vaiquí una tarta.
Aprep quò ai preparat las tartinas : una brava trancha de mon pan, de l'òli, dos pruneus, un albricòt. 'Quí, dau miau alhat, de la frigola, de l'espeluchas de cabecon e per 'chabat un pauc de parmesan. 15 minutas au forn (th 4/5).
Lo cuech-vapor tuat, ai surtit los granos, los ai posats dins una 'sieta per qu'ilhs fregiscan un pauc.

Quò es 20h00 quante Sonià 'ribèt. Ai 'gut lo temps de 'chabar las doas 'sietas composadas per auvir un : mon Jipi tu es lo rei de las pitas composicions fachas amb tres bocins de ren e quò sent bon.

Avèm pas beguts de vin perqué seguís un regim (arrest dau tabac e èsser comediana fan pas bon menatge per los abits). Sonià m'a mesma fach legir un pitit tèxt ne'n occitan (Jan Ganhaire dins las novèlas de l'estranh) per me balhar daus conselhs : respirar, bufar, articular, descopar...

Sabètz, nos avèm obludats las misèrias dau monde per profitar dau moment present !

notas :
1- sabe pas coma s'escriu queu mot. Per la gen de la campanha quò es de las testas de chaul (o caulet) copadas just'avant la florason (ma granda e ma mair fasián quò amb de la testas de chaul "campalié" (lo chaul per lo conilh e la lapina)).
2- lo calhadis es realisat amb dau lach de sojà e un pauc de quefir (kefir en francés). Vau botar la preparacion mas un autre jorn.

Bote 'quí totas las formas de justificacions qu'ai 'gut a trobar sus lo sosten dau Tibet.

Quò debutèt lo dimenc de ser, dins l'espèra daus resultats (1). Sei ribat e aivougut parlar dau Dalaï-Lama e de la revolta dau pòple tibetan. Dins lo desòrdre :
-Quò vai pas, quò es un gròs reac !
-Qu'es un cap religiós, quò es estonant un sosten de ta persona !
-Lo darrier combat daus bobòs gais !
-Vòl tornar a l'edat mejana, etc...

Bon, aquí deguèri esplicar que lo meu sosten es totjor estat per lo combat per la libertat contra totas formas de poder totalitari. Qu'ai començat de legir daus tèxtes sus lo Bodisme de l'atge de 15 an e que lo mot "bobo" existava mesme pas (2). Ai tornat remembrar que beucòp dins queu luòc son per sostener los palestinians contra los colons israelians (3), i a pas un pòple mai malurós que los autres. Ai tornat dire que lo Dalaï-Lama a 'chabat per ne voler qu'una forma d'autonomia e una societat d'union dintra lo marxisme e lo bodisme ; quò es pas mai en contradiccion qu'un tipe emplegat aus impots e militant per l'alternativa libertari...

Ier, diluns, jorn dau repaire de "la bas", ai volgut badinar emb tot quò en composant una aficha sus laquela se trabava l'imagte dau Dalaï-Lama e escrit emb la poliça "Disney" : vòle remercejar lo luòc per lo sosten dins nostre combat.
E paubres pitits, los gauchistas son pas per rire de tot. Ai tornat ne'n prendre una e laidonc, ai degut me justifiar ne'n esplicant que :

òc ben, queu tipe es un cap religiós e a escrit de las saloperias sus las femnas MAS queu tipe dins una conferénçia (4) a tornat dire que ònte lo bodisme es contra l'avortament, l'òme (dalaï dins queu perpaus) es contra balhar una vita de sufrança per un nanet non desirat e que laidonc, l'avortament deu èsser una possibilitat. Quò es totjorn queu tipe que a dich que l'omosexualitat per los religiós (los monges aquí) es defenduda MAS per la gen perqué non, quò es pas mau de se far dau plaser.

Merda, quant aviá 16 ans ai preferat legir quò que certanas tiradas dogmaticas.
Bon 'reste 'quí per pas romar de tròp e per preparar lo bilhet de deman, queuquí es sens fialat (sens preparar de borolhon).

Notas : las fotòs son per una de las prejairas dins los vents, per l'autre una font dau Lemosin, creiença per creiença.
1 - Grouard (dreita-dreita) contra Sueur (dreite, o b'etot modem, o b'etot socialchic).
2 - Ne'n ai 37 auèi e me'n fote pas d'èsser traitat. "bobo" es devengut un de queus mots per 'chabar totas discutidas (coma "nazi", "facista"...).
3 - Sens jamai tombat, urosament, dins queu sentiment mai antisemite que progressiste coma podèm l'auvir de las vetz a la radiò. En mai d'aquò sei pas segur que los regents de la Palestina se troban èsser de grands democrates.
4 - "Au-delà des dogmes" per lo Dalaï-Lama.

Per balhar una possibilitat de combatre (1) la dictatura sens violença :

E doas associacions : França-Tibet o Solidaritat Tibet

ॐ

Om Mani Padme Um

Vejaire dau Canadà

Vejaire de la China

Notas : (1) simbolicament perqué se degun 'chaptava la merda "made in china", la dictatura se trobariá sens poder (coma per tots los "boycotts").

Dins un monde ònte la television dicta sa lei, la gen son estadas privadas de lor votz e laidonc pòdon pus comunicar.

La populacion es totjorn a visar los programas creats per Monsur Tele, la populacion deu maitot minjar daus Monsur Tele, deu pensar coma Monsur Tele. Mas Monsur ne'n vòl mai que mai e prepara una solucion finala per aver tota la gent jos sa bòta. La sola subreviva dins queu monde est una persona nomada "la Votz", ela sola pòt changar las chausas.

Nos an pres nos votz mas nos resta nos mots

Vaiquí per lo sinopsis. Queu film es un conta fòrça poètique. Tornat quai'ment tote'n negre e blanc, los mots son bailhats de veire dins una granda inventivitat. Quò es vertadierament contre lo catodisme actual.

Notas : Film argentin realisat per Esteban Sapir, emb Alejandro Urdapilleta, Valeria Bertuccelli, Julieta Cardinali...
Titre originau : La Antena
Surtida : genier 2008

De las vetz me damande ònte va l'art contemporan (?) dintre "pintura grisa sus una paret grisa" (ai ja vist quò) o "mesa ne'n espaci de 6 canas dins 200m²", mas la cruautat sus las bestias per "far de l'art" me semble mai que dobtos.

Las imatges e la peticion se troban sus queu siti

Un pau de propaganda per un siti oèb sus lo minjar dau cantal

e una videò de mai trobada aquí sus lo joèb.

Mai un liam de cosina

Sens comentaris

=

E quela imagte d'archivas perqué me sei fach traitar d'omofobe, n'importe qué, qu'es un jòc de mots sus la chamisa d'un cicliste.

La debuta d'aquel messatge es aquí °(^¿^)°

1) una pera madura aigada dins lo tè (verd o negre mas pas blanc).
2) Del pan amb un tròç de beaufort© mai un còp de roge.
3) Moleta : algas (espècia KOMBU) e camparòls.
4) Moleta : algas (espècia WAKAME) e rasim (mai un tròç de parmesan).
5) Moleta : prunels, mèl mai un tròç de parmesan.
6) Maquisochi (makizushi en japonés) riz mai prunel (o carròta, cotelet "manja-tot").
7) Mèsplas grilhadas un tròç de beaufort©.
8) Salicorne graissat amb un tròç de burre sul pan (fach a l'ostal).
9) Blat o quinoà mai algas (espècia KOMBU).
10) De las cabossas de caulet (abant las flòras) bolhidas amb de l'òli.
11) Alh dins un iaort.
12) Alh dins lo mèl.
13) Amètla dins lo mèl...

per crompar de las algas
per crompar del Beaufort©

Ai trobat chas los boquinistes sus los cais de la sèina un libret de PANAZO. E me vaiquí de legir lo calendier de 1956 e subretot las nhòrlas. Me vaiquí maitot portat a las velhadas l'estiu dins mon pitit vilatge. Pense que la grafia deviá ajudar los ancians per las legir e las reténer. Vos en bote una 'quí :

Fajez lous vous meimo
Moussur Grôssobourso qué s'oyo retira à lo campagno per vioré tranquiladamint dé sas rentas agué in beu jour l'edeio d'eileva daus gourets. O sé decidé à na à lo feiro dé Limogeis qué toumbo, autreis io sabei, lu darrei dijeus d'au mei, per li chata in pitit por et no pito treuio (in mâlé et no femo).
Sur lu champs de feiro ô n'agué pas dé peino à trouba soun affa. O sé planté davant in boun paisan qué vio mena no gouretado dé pitits pors.

« Prenez queu d'aqui, fagué lu marchand, aima-vous mier l'autré ? Chaussissez !»

Moussur Grôssobourso hesitavo :

« Queu qui ei trop gros... l'autre ei trop pitit...»

Lu paisan countuniavo à vanta sous pitits pors.

« Mo fé nou, fagué Grôssobourso, pas per queta vé. Vôtreis gourets né fant pas moun affa.»

Nôtré paisan s'eimaligué. Co li pourtavo sur lous nerfs dé vei parla per ré. O sé deiviré eimali et ô fagué veiré no grôsso treuio à Moussur Grôssobourso.

« Tenez Moussur, si mous gourets ré vous plasint pas veiqui lo maï... Et fajez lous vous-meimo vôtreis pors !»

Torne a una grafia mai aisada per dire que vau tachar de retranscriure queu tèxte (e d'autre) ne'n grafia normalisada. Quò devriá èsser un bon exercici.
Vaiquí un daus librets de PANAZO sus lo oèb sens oblidar lo siti de la memòria ponticauda.

Per dire vrai, ai debutat de clavardar queu bilhet (lo diluns 3 de març) tot en escotant sus França Cultura lo camin de la coneissença. Omar Berrada e Rachid Benzine son invitats per parlar d'identitat, diversitat, ensenhament plurilingüe. La prumiera question dau jornalista es qua'iment :

3 lengas parladas sens accent, coma quò se fai ?

Tolosa : los occitans son dins "le point" (bilhet de 2007).