Un jorn t'i tornaràs far !

Lancia Delta commercial with Richard Gere
par andybe29

Dins lo Marròc d'auèi, una pita istòria dau pòple Amazigh mai conegut jos lo nom de Berbère. Lo pòple siguet diabolisat per los regents. Lo protectorat françès fuguet metut ne'n plaça per aidar a la dominacion daus Berbères per los aujòus dau rei ; n'i a 'gut una partida jos dominacion espanhòla. Lo poder dau rei fuguet sietat per l'independença e dempuèi quauques annadas i a una fòrma d'islamisacion de la societat dintr'autre contra la majoritat berbère.

Lo negacionisme & la persecucion daus Berbères
Lo Marròc coma 'na granda partida dau Magrèb es un país berbère e non pas arabe coma d'aucuns o pretendon. Mas n'i a pas de cadena de televisions berbères, quitament pas de representant dins lo governament, pas lo drech de balhar un piti nom berbère a sos nanets(1). Los berberès son estranhiers dins lors país. Una granda part de tot quò ven de la colonisacion, de Lyautey (2) que a pres coma identitat dau Marròc lo sol islam botant defòra las fòrmas mai democraticas que lo sultanat. Los berbères eran organisats ne'n pitas amassadas. Los òmes e las femnas avian mai de drech avant la colonisacion.

Los temps presents.
Regulieraments los intellectuaus son 'restats, los jornaus brulats, sens obludar los tuats. Per "domesticar" los berbères, lo poder balhet l'autorisacion d'enseinhar la lenga dins quauques escolas, mas quò n'empaichet pas l'ONU de far un rapòrt sus l'illetrisme mantengut per los berbères. Adonc Ahmed explicet que dins quelas condicions quo es pas aisat de far naisser un eime berbère.

Ahmed Bouissan es refugiat politic, viu a Orleans, escriu dins daus jornaus e (crese) sus lo sit amazighworld.org

Ne'n mai d'aquò :
-L'aficha per la parladissa fuguet traitada per un dròlle de banlèga de «d'aquò de païsan», vergonha, vergonha !
-Per coneitre un pauc Ahmed, es un tipe clarament contre l'idèia panarabe, laidonc contre la suprematia d'una raça, d'una religion sus n'autre. Quò me plai ben.
-Queuques noms de resitant-a-s dins l'istòria : Dihia, Aksel, St Augustin
-un libre : "les berbères" Gabriel Camps.
-un joèb occitan-touareg

Notas :
1- ai dau mau per far compréner a un tipe dins la sala que la postièra voliá pas me balhar una letra ònte mon sol prenom era escrich ne'n occitan. Qup es pas lo vostre pitit nom dessur la carta d'identitat.
2- Gai e quò se sabiá, Clemenceau aguet 'quela paraula : « Vaiquí un òme remirable, coratgos, que a totjorn de las colhas au cuol... emai fugessa pas las soás ».

Aprep la parucion de queu bilhet, i a 'gut un planh e lo Val vouguèt que Siné balhessa de las excusas. Siné es un provocator e es pas lo meu dessinhator preferat dins Charlie mas la tonalitat escricha de sos bilhets a totjorn estada enchaison de rire o de me fotre dins de grands enratjaments perque n'era pas d'acòrd.

Siné aima pas grand monde : ni los gais (1) ni los musulmans (2), ni mai los josieus o b'etot los catolics, enquera mens los còrses o los soudars... Siné n'aima degun ren mai que los chats e lo bon vin.

Ne'n mai d'aquò, Siné es conegut per las soás posicions anti-israelienas o subretot pro-palestienas. Adonc vaiquí lo Siné virat per antisimetisme, òc-ben, los perpaus lo son, mas perqué pas l'aver virat per omophobia ne'n junh 1997 (3), per islamophobia (2), pense que lo Val e los autres avocats de la bona pensada an daus embalaments variables. 'N'autre rason est balhada dins Marianne2.fr autorn dau sosten de Siné (e Cavanna mai Polac) a Denis Robert dins l'afar Clearstream.

Notas : "l'enragé" dau Siné mas lo dessenh es dau Willem

(1) Siné era pertant un grand amic de Jean Genet.

(2) 11 de junh 2008, dins Charlie Hebdo : «Je n'ai jamais brillé par ma tolérance mais ça ne s'arrange pas et, au risque de passer pour politiquement incorrect, j'avoue que, de plus en plus, les musulmans m'insupportent et que, plus je croise les femmes voilées qui prolifèrent dans mon quartier, plus j'ai envie de leur botter violemment le cul !» e per contunhar «Leurs maris barbus embabouchés et en sarouel coranique sous leur tunique n'ont rien à leur envier point de vue disgracieux. Ils rivalisent de ridicule avec les juifs loubavitchs ! Je renverserais aussi de bon coeur, le plat de lentilles à la saucisse sur la tronche des mômes qui refusent de manger du cochon à la cantoche».

(3)l'article se trobarat aquí quand l'aura numerisat.

(4)secta ven de "secare" coupar. Lo cerveu es coupat de la rason dins una religion, non ?

Daus pirenèus jusca a Bostan, ne'n passant per París, Montréal o Toronto, Olivier Azam a filmat queu reportatge. A l'ora de las resinhacions lo trabalh dau Chomsky es un contrapoison radical :

Lo poder soata pas que la gen comprenon qu'ilhs pòdon provocar los chamjaments

De las diesenas de libres, tant d'articles dins los jorneus, de las parladissas, "l'autor lo mai citat dau monde" a bentòst 80 ans mas quò l'empacha pas de des'bilhar la mecanica de la dominacion. Un intellectuau es una persona que vòl nos far pensar coma se, Chomsky vòl nos far pensar per nos-mesma.

Nos balha daus utilhs per prendre dins nos-mesma las coneissenças e las informacion que son importantas per obrar e far cessar la dominacion que quauqu'uns sus la massa daus autres.

Longtemps metut de biais ne'n França per la cliqua daus pensors "vut dins la tele", las idèias de Chomsky tornan èsser interessantas per la jounessa. Dins quela direccion, avèm daus istorians, daus jornalistes, daus cherchors coma :
Max Wallace, Michael Albert, Andrew Bacevitch, Jean Bricmont o b'etot Normand Baillargeon (l'autor dau "Petit traité d'autodéfense intellectuel").

Per balhar mon vejaire e quitar una forma de revirada, brave monde, queu film es una miràudia. I a de las armas per luttar contra totas las fòrmas de dominacion, de las armas contra tots los totalitarismes e mesma contra quauques Pol Pots Occitans. Las rasons per las qualas s'es trobat de biais son pas cachadas. Ne'n mai d'aquò i a una bona explicacion sus la premsa, tot quò dins una lenga simpla e las imatges son pas 'quí per tustar un còp de mai los perpaus.

Lo film es produch per una cooperativa « Les Mutins de Pangée ».

L'autor (nascut ne'n 1934) es un ancian pastor, a publiat daus articles sus Lacan, sus Paul (lo sadò-masò misogine que se prend per un evangeliste) e sus Luther.
Los tèxtes son estats escrichs ne'n occitan e la revirada es balhada ne'n regard. Los tèxtes son pas gaire joiòs. Quò parla de sufrir per viure, de la mort maitot.

Ai una granda teoria sus los ratonlavors :

Son de las bestias conhadas dins la testa e que son 'quí per netiar totas las tentativas d'emancipacion d'una persona.

Per los omosexaus, per exemple mas quò marcha tanben emb las religions o d'autres formas d'opressions, quo es un d'aquò fòrça important per evitar de pensar sa vita sens far referença a la normalitat. M'esplique :

Dins sa prima jounessa lo gai, o la lesbiena, un jorn se trobe l'estre. Bon, li fau tot chamjar dins los plans de familha, d'aver daus goiats e tot e tot. Queu boiradis es de las vetz fòrt violent per lo tipe o la tipessa. Quò balha de las envias de suicidi, mas, quante ne'n sortem quò deuriái èsser un grand bonur de saber que tot pòt èsser remes ne'n causa, que la revolucion es possibla e pas que dins lo liech.

Mas non, lo ratorlavor es 'quí dins l'ombra de la libertat lusenta que gaita lo mendre senhau d'una tròp granda libertat. Mee ! 'Questa bestia passa rapidament un còp de blanc per far tornar l'ovelha dins lo drech chamin de la normalitat. E vaiquí nostre gai o nostra lesbiena que torna raivar d'una vita de coble e mesme de las vetz, d'aver daus pitits dins una maison coma tota la gen, èsser normaus qué.

L'orlutz raiará benleu quante los antidepressors seron 'chabats.

'na pita videò ben brava per 'chabar. Lo "char UMP" es blocat per las tapetas rosas, nos fau far de mesma per los staracademicians :

Ela es 'chabada, lu sabe mas ai obludat d'en parlar 'quí per far l'interessant, e se de las vetz qauqu'un vòl segre lo meu conselh. Lo paubre !
Coma sei una persona replejada sus la cultura que pòt èsser trobada dintra la departementala D28b et la comunala C236f dins lo nòrd lemosin a la frontièra de las charentas, fau pas 'tendre 'quí beucop de finessa.
Adonc, sei 'nat veire dins l'ordre :

Valse avec Bachir - Ari FOLMAN (Israèl). un documentari animat sus la guerra dau Liban. L'imatge es animada lentament per daissar de la plaça a la parola. Quò es de veire ren que per quò. Las parolas son aquí per far sasir las mecanicas que on conduchas jusca aus massacras daus palestinians per los crestians dins los camps de Sabra e Chatila. Quela orror a estat comisa sens que lo Ariel Sharon botjes lo pitit det. Lo film parla maitot dau trabalh de la memòria.

Plus d'infos sur ce film

Eldorado - Bouli Lanners (Belgica). Un uís claus que se passa qua'iment tot lo film dins una Chevrolet que rodela sus de las pitas rotas bèlgas. Un vendor de veituras americanas tomba sus un raubaire e, accepta de l'acompanhar chas sos parents. Queu film es pas fòrça optimiste, mas lo jòune volor es estachant, pomat mas tocant.

Plus d'infos sur ce film

Affaire de famille - Claus Drexel (França). Una pita istòria d'un raubatòri e de las consequéncias dins una familha. L'istòria nos es contadas tres vetz, emb lo vejaire de la mair, pita borgeisa que l'orizon es lo magasin. Puei emb lo punt de vuda dau pair, ancian fotbalor e lo vejaire de la filha... Chascun daus personatges rintra dins lo raubatòri sens o saber, sens o voler.

Plus d'infos sur ce film

Sex and the city - Michael Patrick King (New York / Lost Angeles). vaiquí tornadas las eroinas de la seria realisada per la television. Bon ja que la seria m'era esta imposada per consolidar ma cultura de fòlas furiosas inocentas (las FFI son 'quí), lo film m'a justa tornar 'pelar quauques bonas replicas, ren de mai qu'una comèdia. Fau la veire ne'n englés, pas ne'n francés, la revirada es per l'ordre tsarkosiste.

Plus d'infos sur ce film

Les larmes du tigre noir - Wisit Sasanatienc (Tailàndia). Represa. Un film emb de las colors saturadas coma dins las annadas 60, una istòria emb una richa eiretièra, un paubre boier (cow-boy ne'n francés) e un maufasent mauplasent... Superbas imatges, musica un pauc aissabla, mas l'ensemble fond dins la testa coma un gasteu sucrat per temps de pluèia.

Plus d'infos sur ce film

Plus d'infos sur ce film

Mort à Venise - Visconti. Represa. Bon, sei pas enquera una vielha tapeta agra per me lamentar sus una videò de fola vergonhosa. Ne'n mai d'aquò fau supportar la musica de Mahler.

Bon, dau bon legir, mas descreissent perqué ? Perqué i a tres novelas que son dins quel esperit :

Far autrament e mielhs emb mens de mestier.

• "Los lutins, las chaiolas (1) e l'ANPE" - Chapduelh : conta la faiçon que sem 'ribats de minjar de la merda. Bon vos dise que quò es la fauta daus matematicians que son totjorn a comptar. L'istòria es vertadierament bona.

• "Albèrt" - Vernet : novela ònte un ordinator apren de la poësia, quò zo fai tombat ne'n amor d'una goiata. De notar per la jounessa des annadas 2008 que dins las annadas 80, msn©, lo pergaaurelha, lo balador MP3 quitament la mirga n'existavan pas ; adonc, jòune, l'istòria pòt te semblar estrannh ela es tipica d'aquelas annadas.

• "L'òmi qui avè esposat ua marquesa" - Barís. Se aviá legir quò dins los meus quinze ans, seriá estat benleu mens colhon d'escupir sus lo patrimoni. Quo es una istòria emb lo diable, un "praube òmi" e "ua hemna de grana beuta". Lo tipe rencrontret lo diable, lo diable tornet querre sa moneda... Per saber se i a una caissa de veire, de las fadas e perque pas un rei sus lo seu chavau vos fau legir la novela...

... e tanben las autres.

L'arquibaunobiliconofatz - Colleccion "A tots-a votz" IEO (1982)

nota : 1 - chaiolas o limaç, churga

De balhar auèi los libres ne'n cadeu per l'anniversari de mon ancian amorós, m'a tornat 'pelar l'episòdi de la librariá gai de Barcelona. Aí ! Aí ! 'quí ne vole pas jugar la tapeta "from Paris" que dins sa fòla consomacion riclanada es totjorn a escupir sortit dau "marais", mas bon, de las vetz...

Pensava que libraria voliá dire : luòc ònte se vendon daus libres. Dins Barcelona, pensava que librariá voliá dire : libres ne'n catalan, bon, 'quí n'i avia quauques unas. Laidonc, per 'chabar mon sillogisme, pensava pas que librariá gai dins Barcelona voliá dire : pila d'Harry Potter, libre ne'n francés, anglés...

Ja que la vila es trufada de fòlas vergonhosas, trobar tant de libres d'autors gais o lesbianas francés ne'n francés, d'autors anglés... d'autors espanhols ne'n castilhan... quo es "so" ridicul. 'Tencion, trobe que publiar e legir dins la lenga de l'autor quò es una bona chausa, per los gais e los autres, mas lo librari d'aquí deuriá 'nar veire alai "les mots à la bouche - París", 'na vertadiera maison que balha envéia de legidas.

'Quí, lo luòc es pitit e se 'na partida de l'espaci es ocupada per la grossa bagueta magica de l'Harry, 'n'autre per lo francés e l'anglés, mai benleu un pauc d'alemand, quela pòt èsser la plaça per los autors gais catalans e las autritz lesbienas catalanas ? Conhas dins un cuenh ? Jos la taula de las videòs sus la pètanca ?

Ai 'chabat maitot per trobar "El condó ataca" una banda dessenhada. Quò es pas d'un autor catalan, segur, mas quò es una badinada per mon ancian. Queu libre li ai 'chaptat ne'n neerlandés, ne'n francés, anglés... catalan.

Ai 'chaptat "Llengua abolida" de Maria-Mercè Marçal aprep l'aver dubert e èsser tombat sus quela frasa :

Una dona sense un home
és com un peix sens bicicleta.

Anònim

Ne'n mai d'aquò lo tipe darrier la caissa me cridet dessur perque los libres eran ne'n catalan. Ne balharai pas lo nom d'aquela botica de merda.

Lo mesma jorn, sei 'nat far un torn dins la FNac e 'quí, gràcia a mon superpoder de chivalièr de la rampeta jamai-contents-quilhs-lemosins, sei tombat dau prumier còp sus "El dia del client" dau Daniel O'Hara (una istòria dins un sauna...).

Me lo garde per quel estiu dins la campanha lemosina, emb "llengua abolida".

Je me suis fait accroire.

Les cerisiers, à mon départ, commençaient à défleurir...

Les animaux pâturent nos champs...

le campeur est posé là !

Le quoi ?