Emai lo lemosin te semblesse pas chausa aisada d'aprener, 'quò será totjorn la moscha que t'empacharàs de durmir la nuech.
'Queu filmonet es estat realisat per 'na difusion dins los collegís & liceus anglés. Los imatges son fòrça violents per sensibilisar a la resulta d'un tapatge d'un tèxtonet quante sem au volan.
Atencion, film bandit aus mens de 16 ans !
I a pas tant de mòrts sus las rotas alaï, marchatz saber perqué.
Ankoraŭ 5 tagoj.
Bon, lo filmonet es clafit d'imatges un pauc colhons coma l'avion dins lo ceu per nos creire liats los uns los autres de per la granda aiga, mas bon, l'initiative es de las bonas.
Enòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòrme
Un gendarma es acusat d'aver portat un chamisot « FUCK LA POLICE », aquò dins lo comissariá de Baiona. Lo tipe que fai lo secretari dau sindicat, lo mesma qu'esplica coma la poliça es genta coma los manifestants o b'etot la jounessa, lo mesma que reclamet quel estiu daus lum-balas per las miliças comunalas los condes comunaus, adonc lo secretari esplicet dins lo nuòu-gaitor o b'etot lo nuòu-gachaire se v'autres aimatz mielhs que : 'queu comportament es pas permis.
Segur, subretot quante aprenem que lo gendarma, capitani de la seccion recharchas de Pau, interogava « daus nacionaliste radicaus basques ».
Sem pertant pas lo prumier d'abriau mas dins la poliça seben rire.
Enòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòòrme ! lo chamisot !
°(O¡O)°
E aura un pauc de la societat de l'espectacla :
Aprep, lo mobile resta 'na merda telefonica, un besilha-moneda, un porta-onda e benleu un mena-cancer. 'Quò sens obludar que la propaganda originala es clafida de guimauva tant per la musica que per los imatges.
E per los o las que podan pas se parcir de pensar que fau-pas-se-mocar-de-la-desjòia-daus-autres, veiquí la propaganda de las annadas 2000 :
« La benvenguda dins la vita punt còm »
Filmonet raubat 'quí
Dins una entrevuda, Frêche ditz aquò :
« C'est ridicule, estima M. Frêche, J'ai entendu ses propos et je n'y trouve rien d'extraordinaire. Aujourd'hui, on demande à tous les hommes politiques de faire de la langue de bois sous peine d'être cloué au pilori. Hortefeux n'est pas raciste ! »
Ne'n mai d'aquò, traitet pas los auvernhats de sos-òmes.
Enquera un de tirat avant la soá musica ! Afè, resta la Milèna e la Sheilà dins lo radeu de las i-cònas gaias, 'las devrian sonjar jugar las papajalinetas e prendre un merti, daus cachiers per durmir...
Segur, 35 ans 'quò es pas un atge per murir, mas quò es pus nimai un atge per continuar de siular totjorn. Fau saber esser rasonable.
'Quo es pas tot de ramassar de las sauvatginas St Jan enquera fau-t-eu en far quauquaren. Alaidonc, ma prumièra confitura agra-doça.
Veiquí per 1 Kg de fruch, çò qu'ai 'massat :
Tuar lo fuòc e versar la confitura dins los pòts, pas sus los flancs, los barrar e los cuar tota 'na jornada.
Dins la seconda cueisson, podetz pebrar o metre un batonet de canela.
'Quò es la sason de 'chabar d'emplir lo confiturier, alaidonc 'n'avantura de mai per vòstre chaçorculhor bloguidor.
Fau massar las fruchas d'espina blancha, pitas bolas rojas 'peladas « poires à bon dieu » en francés, « pometas dau bargier » en occitan. Mesfiatz v'autres, i a un òs sos la peu. Aprep las aver 'massadas, fau las desgrapilhar, las escoatar avant de las far bonhar 'n'ora dins un demiei litre d'aiga freda e 'na culhera de vinagre (blanc o de citre, o sabe-iò qué me).
L'ora escolada, fau gietar l'aiga e gardar las fruchas ;-) per las botar dins una cassairòla emb un autre demiei litre d'aiga. Far chaufar dietz minutas. Aquí, i a doas faiçons per ostar los nogeus :
passar las fruchas e lo jus dins un molin a legums. 'Quò es pas aisat, segur, e fau i far dos o tres vetz per aver beucòp de « pulpa ».
far un colador emb 'na pelha, puèis passar las fruchas. 'Quò es mai autentica, segur, mas pas 'cepte dau tot.
Preparar las etiquetas per las jaspir.
Lo prumier, la prumièra que me balha la responsa o b'etot 'na responsa 'cepta aurá ma reconeissença e un topinon de confitura ; fau be balhar envèia a la gent de far 'na responsa ;-)
Coma iò ditz la Patricia© sus son joèb, quo es pus fort que me, pode pas far sens !
Lo film s'ubra sos 'na plujada, benleu d'un biais simbolica, las larmas daus dius, marchatz saber, e sus 'na porta qu'a dau mau per se dubrir, totjorn d'un biais simbolica, la porta de l'istòria de la familha.
Aaron es bochier e alaidonc qu'eu es trapat de ranjar los afars de son paubre pair, 'riba Ezri, l'angeu dau desrei, un jòune juste bon per desramar 'queu 'nivèr ben renjat.
Vau pas contar tota l'istòria d'aqueu canton integriste, inspirat de Mea Shearin. La gent filmats son dins « la crenhença daus dius » adonc s'inventan un fum de règlas per organisar lur pita vita, subretot per pas viure tròps de plasers. La persona es denegada, au profieit dau grop, e quante las règlas marchan pas, i a la miliça de la comunauta. Sens obludar l'ipocrisia interna per sauvegardar lo vernis esterior, pense 'quí au maridatge de la Sarah dins lo film, ela es tornada vierja, afè de iò dire.
Dau mesma biais, los dius, per la bocha dau rabbit, an farjats una espròva que lo Aaron manquet, laidonc ne'n fan 'n'autra que, perqué comprend mielhs las chausas, lo Ezri va i aidar per sauvar la comunautat. Los dius saben tot.
Paubres, paubres, paubres, aürosadament sei laïc, 'na saloperia de laïcard coma m'a traitat un tipe de Palestina45.
Per achabar, los liams :
Dins la banda anonça, i a un bocin de « Lakmé » dau Léo Delibes, lo duò de las flors. Aquela scèna es mai d'una vetz interpretada coma lesbiena, esperava pas veire Aaron e Ezri dins l'aiga la tornar jugar, segur, mas, fòra un chause culturau per los francofònes, ai pas comprès perqué aquela musica. Dins lo film sem mai pròpches dau « Stabat Mater » dau Pergolesi.
LAKMÉ
Viens, Mallika, les lianes en fleurs
Jettent déjà leur ombre
Sur le ruisseau sacré qui coule, calme et sombre,
Eveillé par le chant des oiseaux tapageurs!MALLIKA
Oh! maîtresse,
C’est l’heure ou je te vois sourire,
L’heure bénie où je puis lire
dans le cœur toujours fermé de Lakmé!La seguida
Bon aprep los Chatel, Hortefeux o b'etot la Amara, veiquí que lo Tsarkozy fai la tornada de las oladas coma daus figurants per estre segur que degun s'oposa a la bona e senta parola ; e coma la critica vendrá pas daus jornaus...
Podretz veire lo nòstre bon regent ruminar coma 'na vacha (e enquera la vacha balha dau lach, ela !), lo veire tant grand coma los autres, breu sem dins un meschent film...
I a 20 ans de 'quò la gent de l'Euròpa de l'est se desbarrassavan dau totalitarisme sovietica, la gent de Romania, ilhs an « jutjats » lo Ceauşescu, 'n autre Nicolas.
Vam gardar lo pitit eponime quant de temps ?
Una pita fotografia per far un pauc de propaganda per un amic, Antoine, que crose dins las ruas de temps en temps e de las vetz a la bujadariá coma auèi.
Ven de dubrir son myspace e de me balhar l'adreça.
« Me trobe 'quí per sauvar nòstra terra » ditz Sagong, lo chap dau pitit grope (1) d'aqueu pòple de l'estat dau Sarawak, dins lo nòrd de Borneò, una isla pertejada dintra la Malaisia e l'Indonesia. De taus actes per protestar son de pus-en-pus mès en òbra 'quilhs darniers temps perqué los Penan nomadas « son aprep tot perdre » esplica-t-eu.
« Los gròs gropes forestiers an desjà copats lo « tecque » (2) e van aura esclasir l'endrech per los plantadís de palmiers per l'olí. N'autres trobem pus gaire de qué minjar, pus gaire de tessons sauvatges per chaçar dins los buescs » tesmonha lo jòune chap de la frairaissa.
Alaidonc los darniers 300, benleu 400 Penan enquera nomadas aurán pas d'autras chausidas que la sedentarisacion, coma las quauquas 10000 autras personas d'aqueu pòple (3).
« 'Quò es qua'iment impossible de demorar chaçor-culhor dins una jungle ente los aubres son reguliarament copats » esplica Ian Mackenzie, un antropològue especialiste daus Penan, « La fin d'aqueu tipe de vita fòrça ancian es vertadierament 'na granda perta culturala ».
Per Jayl langub, un universitarí de Sarawak, la sola chança de preservacion passa per la creacion d'una reserva defenduda aus enginhs forestiers. Mas es benleu jà tardier perqué los Penan an près de las manièras dau monde moderne de gaitar la television e dins las pensions ente los mainatges van.
« Aimariai mai anar a l'escòla » respond entau Nili, la filha de Sagong, quante 'la es questionada sus la vita dins la jungle. Emb-d-un casqueton de base-ball sus la testa, Sagong se-mesma se trufa dau vestit de son beu-pair ; eu porta lo vestit traditionau : panhe, dent de singe autorn dau còu...
Lo vielh òme, Ngau Anyi, avoa las soás languissadas d'un monde que muer coma se. « La jungle eriá nostra banca, viviem sans moneda. Nòstra vita dependaviá de la farina de sagou e daus animaus sauvatges... e an subsistits entau desempuèi de las generacions ».
Realiste (4), lo filh sap que lo nomadisme es gaire pus viable, laidonc vodriá que son grope, 'na familha de 27 personas, poguesse s'establir dins un vilatge e poguesse usar daus servicís de santat, d'educacion mas aquò tot en gardent la possibilitat d'anar chaçar e culhir dins los buescs.
Après, podem visar nos produchs chas los merchants e ne pas 'chaptar aqueus ente i a de l'olí de palma. Mesfiatz v'autres, mai d'un produch « biò » es cosinat emb 'quela olí.
Nòtas :
1/ dins l'article de l'AFP « le chef du petit groupe de ce peuple indigène de l'Etat de Sarawak ».
2/ sabiá pas coma l'escrir : « tec » o b'etot « tecque ».
3/ jos l'influença daus missionaris chrestians.
4/ dins lo tèxte.
Lo prumier espectacle balhat per la debuta de la novela sason lirica 2009-2010, despuèi l'Operà Garnier es : Mireille.
L'operà originau en 5 actes fuguet tirat de la Mirèio dau Mistral. Gounod trobava l'òbra epica interessanta e aprep aver encontrat Mistral, e que 'queu-quí balhe son autorisacion, eu composet l'operà eponime ; l'eidèia generala es tant-ben-que-mau conservada.
Balhat per la prumièra vetz a París sus lo teatre lirique, lu 19 de març de 1864. La gent an pas aimats per causa dau copatge de l'operà en 5 actes e perqué la pita muer a la fin.
Laidonc, mai d'una vetz veguetem una òbra musicala remanhada juscanta 1939, ente fuguet tornada trobada la version iniciala. Aquela qu'es jugada au jorn d'auèi e que será difusada dins lo pòste e sus la televicon.
Sus la tiala :
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, pichatz 'quí.
Categorias
las videòs sus ioutube
digg it
del.icio.us
