Emai lo lemosin te semblesse pas chausa aisada d'aprener, 'quò será totjorn la moscha que t'empacharàs de durmir la nuech.
« Simon » lu grapaudon chantor au peitrau jaune (lt : bombina variegata) dins 'na videò au clar la luna daus filmonets de la tiala, e aquí maitot sus un sit sabant ente son chant es 'nalisat, d'alhor se ditz que lo grapaud non pas chanta mas tusta.
Gente coma un grapaud sus 'na boitiá de 'lumetas
Tot grapaud fai ben son saut
E per las tipessas de crisscreumbeul-lu bilhet e crisscreumbeul-lu sit...
L'émission d'octobre de Radio PAC est pour vous autres, mes ami-e-s « seulement (*) » francophones. Elle est quasiment toute en français, ainsi elle vous est « accessible ». Elle dessine dans de grandes lignes, avec des mots simples, sans vocabulaire de spécialistes spécialisés ou de militant-e-s après militanter :
'T'être même qu'ils et elles font de la radio avec un béret vissé sur le chef.
Je suis loin d'être en accord avec l'ensemble du contenu, rien de neuf depuis la dernière gelée blanche, mais, maintenant, now, aura, nous aurons de quoi bargasser.
L'émission :
Per deschargar, bouton de drecha e enregistrar jos octobre 2009
(*)Aqueu biais de dire es pas surtit de mon cerveu malaute.
(**)Le sexisme est-il un fait nationaliste ?
Afé, 'na partida de las landas de Gasconha.
Sus París-inter, emb daus chants, un accent, 'n'esplicacion sus l'uman, sus los òmes e lu trabalh de la terra, un pauc de politica maitot...
jeudi 12 novembre 2009Le résinier pas résigné, Raymond Lagardère, lutteur social des Landes
Adjutar aprep 'na novela escota : ai pres beucòp de plaser mas l'emision conta 'n'istòria un pauc tintada de sepià, dau temps ancian. Emai 'quò siguesse important de saber d'ente n'autres venem, per nòstra cultura personala, sem en dreit d'esperar una emision sus la gent dau temps d'auèi.
Coma la jornada es estada alemanda, un pauc de musica coma lo Tony Holiday (1951-1990) - Tanze Samba mit mir (1977)
Mai coneguda 'quela version tirada de : Gotas d'aiga sus peiras bruslantas - Ozon
e per la version turca, vos fau picatz 'quí, per la version francèsa fau pichatz 'quí.
lu trabalh, la gent, lu temps e coma pòde pas far
coma los governs e taxar la gentcoma lu tipe que metet 11 milions dins dins sa pòscha :
un tipe d'Euròpa de l'est, afé, aquela davant la davalada dau mur qu'es pus 'quí despuèi 20 ans mas qu'es enquera dins 'quauquas testas ; celibatari, quo es dire lu dangier que gaita la França de los mediàs-la-charonha. Eu es benleu gai ? Marchatz saber ! Personalament mon de compta est lu n° x2319xxx71.
o b'etot coma lu tipe que tuet los militaris avant que ilhs mesma tuassen a lur torn daus iraquians :
un palestinian, musulman, quo es dire lu dangier que gaita los USA de los mediàs-la-charonha. Es benleu gai s'etot e esperava 70 pitits piuceus daus-dius-dins-los-ciaus a cridar « الله اكبار ». Marchatz saber ! Personalament sei pus piuceu, tant iò dire, ieu raibe pas de me far esclatar.
~~[@!@]~~
Un film grand e brave. L'istòria conta coma un Bolchoï de faribòla se monta per jugar en luòc dau vertadier emai aqueu siguesse 'na façada fadarta jaspida sus un nom prestigiós. 'Quò per la volontat d'un tipe, Andreï Filipov, lo mai grand chap d'orquèstra de l'URSS jos Brejnev. Filipov refuset de se separar de sos musicians jusieus, 'queu act lu faguet desclarar « traite a la patria », e 30 ans durant, lu maestrò deguet.. netiar lu Bolchoï.
'Quò es pas vertadièrament un Bolchoï de faribòla, mas pus lu verai que se torna montat, emb tots la gent que fugueten cassats per lu sistèm. Volen tots prendre 'na venjança per tornar viuvre au mens un instant.
L'istòria, la granda coma la pita, es pas clarament contada dès la debuta e, jusca la fin, sei estat tengut alenat per la vita d'aqueu chap d'orquètra, sos amics, l'istòria de la concertista françèsa, aquela de 'queu coble de jusieus desportats ; emai i aguesse daus imatges clafits de guimauva, pureí dau temps dau concert finau.
Liams :
Ne'n ai auvit parlar 'queu mieijorn dins l'emision de París-Inter, criscreumbeul, aquela ente i a totjorns 'na goiata per s'esjacinar sus los darniers indians :
« Haaaan, mais dites-donc, cette peuplade indienne de Patagonie avait quelques 40 mots pour définir l'herbe, hihan, dites-donc, c'est tout bonement incroooooooooooyaaaaaaaaaableeeeeeeeeeeu tant de richesse ! Ils sont tous morts ! C'est doooooooomaaaaageeeeeeu ! »
Per l'emision d'auèi, la presentacion dau site « errorist QWX » aviá pour but de nos far comprendre que la gent dau govern turc, daus meschents islamistes vut de París, 'quela gent voudrián ne veire qu'una sòla linga dins l'administracion, los mediàs, sus los paneus de propaganda (NDR : Totas semblanças... asard).
QWX son de las letras qu'esistan pas dins l'alfabet oficiau de la linga turca, mas 'las son presentas dins las autras lingas minorisadas : armenian, curde, sens obludar la linga daus gitans... (NDR : Dins la presentacion, la Elisabeth LERMINIER faguet mesma pas lo liam dintra « castellano » e espanha :p ).
Las far ne pas eisistar visualament es un biais de las pas far eisistar tot cort (NDR : Totas semblanças... asard). D'autant mai que la gent qu'usan d'aquelas tres letras, QWX, riscan de passar per daus separatistes e aquò en Turquia es l'object de persuitas judiciaras (NDR : per restar consensuau coma-se-ditz).
Un collectiu de monde d'aquelas minoritats de Turquia a montat lo project « errorist QWX » per protestar sens se far tustar dessus. Lo collectiu damanda a la gent concernat per aqueu dení de linga de se far fotografiar aprep... tirar la lenga.
Dau concret, fòra mandar un corièl a la Crissa, pense montar un joèb 'pelat « errorist KWY » e vau damandar a la gent de se far fotografiar lenga tirada. Perque KWY ? Fau 'quò far un dessenh ? (NDR : o benleu far un joèb 'pelat TUB-KWY, TUB per Testa d'Uòu Bulhit, lo faça-boc occitan, e KWY per las letras qu'eisistan pas dins nòstre alfabet. La gent prenen una fotografia emb un uòu).
Lo prumier espectacle balhat per la debuta de la novela sason lirica 2009-2010, despuèi l'Operà Garnier es : Mireille.
L'operà originau en 5 actes fuguet tirat de la Mirèio dau Mistral. Gounod trobava l'òbra epica interessanta e aprep aver encontrat Mistral, e que 'queu-quí balhe son autorisacion, eu composet l'operà eponime ; l'eidèia generala es tant-ben-que-mau conservada.
Balhat per la prumièra vetz a París sus lo teatre lirique, lu 19 de març de 1864. La gent an pas aimats per causa dau copatge de l'operà en 5 actes e perqué la pita muer a la fin.
Laidonc, mai d'una vetz veguetem una òbra musicala remanhada juscanta 1939, ente fuguet tornada trobada la version iniciala. Aquela qu'es jugada au jorn d'auèi e que será difusada dins lo pòste e sus la televicon.
Sus la tiala :
La descreissença : novela mòda o b'etot maniera per durar ?
Paul Ariès : politòlogue, autor de « Apprendre à faire le vide » (chas Milan) e director dau « Sarkophage » un jornau, man mança, antiproductiviste.
Philippe Frémeaux : rector de las publicacions « Alternatives économiques ».
Eric Allodi : director de « Integral Vision » vejaire dins l'estratègia alternativa (sabe pas tròp çò qu'es e l'ai pas comprès d'auvir lo pòste, mas bon).
Lo reportatge (1) dau Thomas Chauvineau :
Se 'pelan Christian e Monique, lotjan dins 'na meijoneta a Bondy, Seine Saint Denis. Desempuei las annadas 70, taschan de praticar 'na fòrma de simplicitat volontaria (2), benleu 'na fòrma de descreissença boirada de developament durabla... breu, fan 'tencion, subretot dins l'usatge de las matièras prumièras e pertant fan pas de las revendicacions, o quò non.
La prumièra accion menada es estada facha dau temps de l'agrandissament de la meijon, quo es de dire mielhorar l'isolacion. Dau còp, diviseten la consomacion per dos (e gardeten la mesma chaudièra).
~ ~ ~ ~ ~~O('!')O~~ ~ ~ ~ ~ ~
Mon pitit vejaire sus la matinada. Coma dire, la Giordano, 'la a 'na linha de flotason fòrça bassa quante fau entendre una eidèia un pauc complicada (3), adonc mai d'un còp 'la torna prendre lo micrò per pas que l'emission passa de biais de la linha directriça que pòt estre resumada per :
sei 'quí per emplir l'espaci d'entre doas paginas de propaganda o n'autres sus lo sevice public avam pas lo dreit d'esgar vòstre cerveu per merdacolà, solament per los MAIF-Groupama-GMF-MEDEF.
Ai 'gut paur que auèi siàia coma los autres jorns (ai 'chabat per pus escotar Inter) des l'una de las prumièras intervencions d'Ariès perqué, leu, lo micrò fuguet tornat près ; 'la 'guet paur d'aver mau a la testa. Mas non, aprep 'ver près daus cachats, 'na potinga, benleu de las drogas, l'emission fuguet agradiva.
Nòtas :
1/ per 'na vetz, son pas « de la gent que corren nuds tras los buòcs » coma 'quò fuguet damandar au monde dau jornau "la décroissance".
2/ 'na sècta de quemer-verd segur !
3/ m'etot, mas ieu parle pas a daus milhons milhiers d'auditors e d'auditritz, ~35 lectors per jorn, quo es ja ben pro.
~~°(OLO)°~~
Dins 'queu film, fau auvir lo Alain Dufranc (~07:50) per comprendre perqué las chausas son mau barradas.
Veiquí coma aime la vita, setz aprep far la cosina, avetz chamjat 'quela vetz l'estacion dau pòste,
- E grand, l'a desjà botat 'queu bilhet !
- Mas non, tòrna legir a la debuta, e se t'enuias, prens 'na peira e tapas sus tos detz, mas tòrna pas 'quí m'embrenar.
'Questa vetz, auèi, lo dimercres 08 d'abriu de 2009, avetz chamjat l'estacion, e, dintra las estacions de Radiò França, setz sus França cultura. Aürosadament, coma quò avetz pas mancat « A votz nuda », una pita demieg òra per far parlar daus professors, de las artistas, quauques filosòfes... dau temps d'una setmana.
'Quela setmana, la convidada es : Dominique Schnapper
- Òc-es, mas 'la ditz de las chausas que portan interès a l'occitan ?
- Ses 'quì per me far chiar te, de ser. Ai pas pogut tot auvir d'esser atentiu a la cosina.
- Enquera 'na vetz...
- Te fau 'trapar la tresesma partida « Nation et citoyenneté », prendre lo temps de l'escotar e tornar lo me dire. Pense qu'i a de que pigolhar mai d'un « locutor de lengaestranhièra"regionala" ».
Podetz auvir l'emision despuei la pagina d'archivas d'aici a una setmana, pas mai. Per lo menabruch, podetz o far 24 òras durant.
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, pichatz 'quí.
Categorias
las videòs sus ioutube
digg it
del.icio.us
