Un jorn t'i tornaràs far !

Cronicas de guerra 3 (e fin ?)

joan-peire 25/11/2007 @ 19:14

Cronicas de guerra 3 (e fin ?)
Piarot,
lo cuou posat sus la sela
s'en anava trabalhar.
Lu vaiquí, leugier,
emb son tricòt fluò,
sus son velò.
L'einocent se metèt a pensar :

dimecres, una bicha,
dijòus, los lapins,
divendres, un singlar.

La dimenjada es passada e quauques jorns de formacion defòra, maitot (en veiture alaidonc).
Vaiquí tornat lo divendres a bicicleta,
tot en jòia a causa de la fin de la setmana,
eu ne vegèt pas la bolega (1) au pè de l'aerò-tren :

"Au reveire singlar, bicha, lapin, auseus.
Au reveire Louise Michel, Jaurés, los otages, la galeras."

-°-

Per balhar lo ton, una anóncia a la radiò :

"vaiquí tornat lo tsarko,
la cauma es 'chabada".

Maralitat : n'i a pas !

De notar : 1- o la fanga

La escultura es de Georges Saulterre e la videò facha per un fanatic.

Una pita derniera...

joan-peire 23/11/2007 @ 16:04

Barbara e Béjart

joan-peire 23/11/2007 @ 11:45

Las lenguas de l'Alsaça

joan-peire 22/11/2007 @ 20:41

De ser (22/11/07), ai auvit sus França Cultura, una emission sus las lenguas de l'Alsaça, aquí per la difusion-portada (1). Quò me fach sovenança d'un tèxte recebut par corièl :

A propos de l'occitan : il y a plusieurs années, j'avais une collègue originaire d'Aix en Provence. Elle était très fière de Mistral et des Félibriges, mais ne parlait, elle, que le francilien. Son mari était alsacien et elle se plaignait que les copains de son mari continuassent à parler l'alsacien alors qu'elle était présente et qu'ils ne pouvaient pas ignorer qu'elle ne comprenait rien.Alors un collègue alsacien lui a dit :
"Vous, les méridionaux, vous êtes trop polis et chaque fois qu'il y a un parisien, vous abandonnez votre langue pour ne pas être malpolis. A la fin, vous en avez oublié le provençal. Mais nous, en Alsace, si le seul prix à payer pour garder notre langue, c'est d'être malpolis avec les parisiens, ben, on fait ça volontiers !"

(1) O b'etot podcast per la França dau chic, balado-difusion per lo Quebec.

Veire/Escriure Comentaris (4)

Lenga de pelha

joan-peire 22/11/2007 @ 20:22

Si vosautres volètz saber çò qu'es una lenga de pelha, escotatz lo Villepin sus tsarkoradiò, queu mandin.

Ren de noveu, Nicolas Demorand es paiat per quò. A prepaus de la mesa en examèn dau Chirac quò bailha :

Dau vetz, la justicia a una lectura esctricte... abstraita... copada de l'exercici democratic... luenh de la realitat...

Mee ! La fin de raça, es quò 'chabat 'quela comèdia. Som dins una democracia ònte i a una separacion entre los poders.

Vau 'restar quí queu bilhet per una perta de contròla (sus se mesma) en direct quand un auditor li demandet coma quò se fach qué avem totjorn pas de governament. lo Villepin diguèt :

... cresètz me, i ne'n a un... le premier ministre est là pour faire maturer les dossiers...

Sabe, còsta ren de se mocar, mas lo Villepin es quauqu'un de ben educat...

Cronicas de guerra 2

joan-peire 21/11/2007 @ 21:02

Ier, qu'era la cauma dins los servicis publics, alaidonc sus radiò frança. Ben plaisent d'auvir la pita Martin parlar daus grèvistes e balhar l'ora, solament l'ora. Ren de mai a far. Ren de mai a dire, ara l'inutilitat d'una presentatriz devenguda la zapairitz dintre las croniquas absentas.

Fasiá una formacion dins una meijon de retirada. Beucòp d'absencià a causa de la gripa, degun per far grèva (1) e pertent, n'i en auria daus motius : Defensa d'escrir sus lo quasèrn de las transmissions (ai ausit la mesma chausa sus Fr Cultura), emplec dau temps "bocha trauc"... Non, aquí, tot lo monde es au servici daus vielhs. De l'animator a la secretària sans oblidat las infirmieras o los cosinièrs, tots son passats a la manipulacion daus extinctors e deman, tornaran èsser 'quí, malgrat lo servici (encora publis).

1- Atencion, ne dise pas 'quí que los autres ne devon pas manisfestar.

Cronicas de guerra

joan-peire 14/11/2007 @ 21:42

Cronicas de guerra :

Auei, dimèrcres 14, eriam dins las tranchadas de las luttas daus fonctionaris nantis(1) contra la França de la competicion, de la creissance meravelhósa e dau benaise radiós.

06h30 sus tsarkoradiò inter, mobilisacion (2), ren de mai, de la redaccion per nos aidar dins quela prisa d'òtages. Defòra la conversa jornadièra emb un escrivain, plaça per los sodards en direct d'un cai de gara.
07h00, rampelada a l'ordre. Devèm èsser dins las galeras, enervats, en colera. Devèm estre dins l'incompreneson de la logica daus sindicats minoritaris e pauc democratique, devèm maitot èsser desconsolat d'aver pres un jorn de RTT (3)...

A bicicleta, ai lo temps de visar lo nom de la ruas. Aprep aver passat l'avenguda de Verdun, rentra 'quí M.Berthelot e visa coma ela monta la còsta dau socialisme du Jean Jaurés. Ieu passe davant la vierja roja, Louise Michel, peui davant Poulenc, Brel, Satie. Aquel instant, los auseus sòrton d'un ceu naissent e portan ma biaça jusca a l'aurièra de la forèst d'Orléans ; ònte una pitat bicha demorava en silenci.

08h10 fin de l'episòdi socialiste (tendéncia disney per deconar, exceptat la bicha).
08h15 Au trabalh e torna-z-i per la propaganda, plus los collegas. Es entau jusca a 15h00.
15h00 Una jornalista, de SUD benleu, a balhat la parola a un tipe dins la rua qui ditz :

M'ouais, ça m'fait chier la grève mais qu'ils continuent. C'est aussi une lutte contre la précarité. Et puis on paye leur retraite tout comme l'augmentation de Sarkosy(4).

Òsca, just avant lo repondor dau Mermet ! !

De notar : Le tableu es de Roger Toulouse
1-sei per un estatut especiau per los fonctionaris (un autre jorn)
2-veire LQR la propagande du quotidien d'Eric Hazan chas Raisons d'Agir (la meijon d'edicion de Bourdieu)
3-los goiats que produissen los jocs per ton dròlle an pas de RTT !
4-ai pas tot notat, mas pense qué lo tipe parla dau salari. Fau pas far de petitofòbia !

En demai, las videòs dau tsarkosy emb los bretons son aquí per "Libération" e 'quí per "Arrêt sur images" (mercé Jacme).

Veire/Escriure Comentaris (2)

Fin amor - Delphine Aguilera

joan-peire 11/11/2007 @ 16:19

Fin amor de Delphine Aguilera.

Un cede realisat coma lo Marc Bellity e lo Mathias Autexier, un cede sus los chants daus trobadors e de las trobaraïritz.
I a de las musicas conegudas que von emb los chants e de las vetz, an estats oblijats d'en composar de las novelas per poder segrer lo ritme daus tèxtes.

Daus uns còps, lo trabalh a necessitat d'adjunher un prélude (o un interlude, un postlude) inspirat de las chançons daus trovères.

Quò se vòu estre un sinhe dau passatge de la flama entre lo nòrd e lo sud.

D'escotar sus un bon lector cede.

--> Lo seu blòg.