Un jorn t'i tornaràs far !
Lo joèb de Jan Peire

"La França que se lapa tòst" es lo tresena albom dau Maurice, lo chin, e dau Patapon, lo chat.

Maurice e Patapon es una banda dessenhada, coma dire, de ton scientific :

M- L'astrologia es una sciéncia infalhibla !
P- 'chaba te...
M- Te dise qu'emb l'astrologia, pòdes pas t'enganar ! Pòts èsser segur a 100% que queu que te parla es un colhon.

fòrça filosofic :

M- L'òbra de V.Hugò a subreviscuda a l'òme.
P- Òc, per BHL, qu'es lo contrari.

sovent politic :

M- La victòria dau capitalisme es mens dins lo fach d'aver reüssit de nos far minjar de la merda qué dins lo fach d'aver reüssit de nos la far aimar.

totjorn espiritual :

M- Aimariá ben bolòtar lo cadavre dau Dalaï-Lamà.
P- Joan fadat.
M- Voldriái veire sa testa quand lu chiarai reincarnat n'en merda.

de las vetz sociologic :

M- Coma podèm nos mesurar la montada o la baissa de l'antisemitisme ? Fasem nos la diferéncia intra 1000 crotz gamadas tagadas per 1 nazi e 1000 crotz gamadas tagadas per 1000 nazis ?

Fin finale, n'i avià Cortò Maltesse e lu Jornau de F. Neaud, entre, ren de ben brave. Emb 'queu duò, l'univers de la bede s'es trobat boirat, bolegat, explosat. Ben mai accessibla que lo Tintin o la Martine, mai subtile que lo Rahan o lo Doctor Justicia , un cap d'òbra d'umor, jamai grossièr, non, jamai !

Per l'imatge mai granda, cliquatz dins [Mas imatges], per lo 'chaptar en linha, cliquatz aquí e per veire lo pre-pilote de la seria televisada, es aquí

Naturalament de Sèrgi Viaule
Vaiquí lo primier florilègi d'aicós (haiku en japonés) publiats en occitan. Podetz lo trobar 'quí. 'Queu mejan d'expression poetica m'agrada plan. Quò es la mai corta poesïa dau monde. Un cadre estricte de 7 silabas sur 3 vèrs en seguiant lo ritme de 5/7/5 silabas.

Mas òm peu èsser liure d'escrir :

'Qui cinc silabas
Linha doas : sèt silabas
Mai cinq silabas.

o d'èsser mai dins l'instant present :

Un cocut chanta
a miedjorn, dins lo cirier.
Adiu clafotis !

o b'etot ses ren respectar (vèrs o instant) :

Un sachon de cafe,
de l'aiga chauda.
Moment liofilisat !

La meditacion :
Lòtus, eschina drecha...
ònt'es lo chiador ?

Ai legit quò dins l'introduccion :
"Segon los istorians de la literatura nòstra, dins las annadas vint e fin de la debuta de la darrièra guèrra mondiala, d'unes poètas occitans compausèron mantunas gardas d'aicós."

Vendrà, vendrà pas,
Espèra qu'esperaràs.
Lo bonur deman. Sèrgi Viaule

Qualques mots lèu fach
Sus un tiquet de caissa.
Un aicó de mai. Sèrgi Viaule

Per 'chabar tres aicós sus lo mesma tèma :

Bufa la bisa
Entre sas cuèissa linjas.
A bicicleta. Sèrgi Viaule

Sola a velò,
va emb las flors culhidas,
un sospir au vent.

Seguiant a velò,
eu passa emb un bèl cuol.
Sospire en van.

S!lence & Courrier International.

S!lence(1), numerò especiau, 25 annadas de silenci, ecologia, alternativas, non-violença. Per aqueu numerò, ne'n colors, la còla a balhat las parolas a sos lectors per far lo bilanç.

La societat emb de las fotografias de Montevideò per Ariela Epstein. La societat, totjorn, emb un article de JM Muller : "debastir los murs e bastir dos ponts".

Los OGM e la pollucion dau costat de las maissantas causas, la velò-rucion, la paritat (la maison de las femnas de Paris), deconsomacion e decreis, dau costat positiu de la vita. Lo viure amassa emb la presentacion de "longo maï" e dau "Béal" (una associacion d'adjuda per los andicapats)...
De que se rechargar.

La fin dau monde.
Auei au dejunar emb mos coleges, nos avem 'gut una discutida sus la faiçon d'anar far las corsas. Si-tòst dich, la secretari s'enportet contra la ministra, la Lagarde :

E coma fau far sens sa veitura. Mon òme vai querre lo pan tots los jorns, quò comença a far char d'aver una veitura.

Ai vougut 'nar au supermerchat en bus, l'autre dissabde. una ora de temps, ai mancat lo jornal de miedjorn.

Aquí n'ai mon confle e lors fach remarcar de un, que l'òme es retirat, laidonc a lo temps d'anar querre lo pan de biciclèta (2 x 2 km son bon per son diabet (?), son colesteròl (?)); de dos que voler 'nat vite per visar la television, con es.

A una perioda ònte la banquisa a perdut la mieja de la França, n'i a benleu mai greu que d'èsser sans televicon e que lo bon pan pòt se gardar cinc jorns; Qu'ilhs n'an qu'anar au merchat paisan e de 'restar de 'chatar daus produchs mòrts (los plats tot-prests, los "yahourts"...)...

Per fin de rendre vostra lectura mens penabla, vaiquí lo títol de "Courrier international" n°887 :

Aborigènes, enquesta sus un pòple sens destin.

Entre l'asimilacion forçada despuei dos siècles e la tentativa de "reconciliacion" dau primier ministre australian, un article de la polemista Germaine Greer sèrv de fil roja au pitit dorsier presentat sus una comunauta invisibla. I a un brave exemple de l'inconpatibilitat entre lo capitalisme e lur vita :
Una artista, Emily Kngwarreye (veire pintura) damandet d'un client de lui balhar una veitura nuòva per son nebot, çò per paiar un tableu. Lo client fuget d'acòrd e Emily ufrit la veitura. Tres setmanas aprep, lo tipe aprenguet que lo nebot aviá vendut la banhòla 300 $ australians, solament. En colera, damandet a Emily perqué si pauc char. La responsa fuget :

N'aviá besonh que de 300 $, pas mai.

De notar :
- una expausicion a l'ambassada d'Australie, 4 rue Jean-Rey (Paris 15, m°Bir-Hakeim) jusca a 11 de genier 2008
- en 2007, un tableu d'Emily Kngwarreye a estat vendut 1056000 $ australians (672000 èuros).

Troubadour de Clara PIERRE

Libre escrich en francés (2001). Clara PIERRE es una americaina presa de passion per los trobadors e la cultura occitania. Ela a mesma apres la lenga d'òc.
Dins 'queu libre, l'istòria a per linha conduseiritz la vita de Gaucelm Faidit, trobador d'Uzerche en Lemosin. Nos vaiquí portats jusca a Tolosa ente s'es 'gut trobat, dins lo libre, Bernard de Ventador, Peire Vidal, Folquet de Marselha...

Los sodards catolics van 'ribar.

Vos deve la vertat, n'ai legit que la primiera partida per lo moment.

Los uelhs sus terra de Benedicta Bonnet

Mai de vint textes tot en doçor emb daus mots qué rodelon sous las corbas de la lenga limosina.

D'una parentesa champestra a l'entraupa en passant per innocéncia nos vaiquí portats daus vetz dins una poesïa, un autre còp dins de la prosa. Portats per la sensibilitat de Benedicta, son viatge interior e son regard sus la vita.

Ai plan aimat de segur.