Un jorn t'i tornaràs far !

• 'Vetz vergonha perquè parlem un meschent dialècte occitan que sembla lu francès,
• Atz vergonha de n'autres perquè volem pas servar vos miradors ne'n devenir,
• La vergonha que n'autres am la mar a Royan ! È !
• Que sem lus prumiers (aprep los japonès) d'espandir las teorias daus plasers a nòstras amijas las bestias.

L'avenir es pensat per de la gent de las Charentas, subretot lo benaise de las bestiàs coma iò ditz lu chapeu, alaidonc,  la presentacion dau prumier juec sexuau per los chins (*). 'Queu juec es fabricat a Mòrnac (pròpche d'Eigolesme) per l'usina Rotodesign e es estat dessenhat per dos frairs de l'agença Feeladdicted. Iò sabe, Mòrnac es dins l'anciana-partida-occitana-qu'es-pus-occitana-desempuèi-lu-XVèma-segle mas bon, l'economià 'quò compta maitot dins un país, podem pas tots surtir de las tèsas o b'etot daus lexics, e m'es 'vís que iò un merchat.

« D'un certan punt de vuda, 'quò sembla 'na catisson gonflabla per los chins » se 'musa Monsur Delimoges, lu director de l'usina (**).

« Hot doll » podriá passar per un chause « design » per causa de sas fòrmas rondas, de sas colors, mas, 'la es livrada coma 'na natura de plastic e 'na notiça !
400 euròs per un juec que totjorn a lu cuòu en jardòla, per 'na tela inovacion semble pas de tròp per l'esportacion vers lu Japon, l'Espanha e Israël...

Ne'n mai d'aquò, 'queu juec es realisat dins un plastic 100% reciclable, 'la es pas bela la vita. Per lu moment i a doas colors solament, blanc o neir, e 'na talha maitot. Mas los chins de bargiers, los dalmacians e autres grands chins deven pas desesperar, las grandas talhas 'riban bentòst...

*lu plaser de la fumela es totjorn ne'n esploracion dins la testa daus charchors.
** los noms son pas estats chamjats

• Lu sit per lu 'chaptar
• De legir dins la ciber-premsa e sus 'queu joèb ente i a mantunas fotografias dau Kiki tot nud.
  

L'Estre balha de las possibilitats,
'quò es per lu non-estre que son usadas.

Vene d'aprener que los guichatiers de la societat daus chamins de ferre, (aquí a Orléans mas beleu ben a Lemòtges, Bordeu, Marselha, Renne, Lille tanben) lurs es damandat de notar los limeròs de la carta bancaira e dau tiquet, 'quò quante v'autres 'chaptetz un bilhet per Copenague. La fuelha damande de iò far d'aici au 16 de decembre, fin da l'amassada de las nacions unidas especiala « desboiratges climatics ». Los limeròs entau notats son balhats a la prefectura.

Laidonc, enquera 'na vetz, un gatge moderne, un chause de plastic emb 'na puça vendut coma 'n'aisina es un util de contraròtle de la gent. Ren de noveu sus la susvelhança de la populacion. Fòra que nos fau aprener a nos estauvirar d'un quauquaren de plastic per eschivar d'estre considerat coma terorist potentiau. Dire NON tot lu temps es 'na solucion bona individualament, per son embonilh e 'chabar sa vita eslandit.

Fau beleu s'escridar defòra ?

Beleu m'espaurisse, m'esglene, m'esmalisse,  m'esfrede per ren, beleu pas.

Liams :

• Copenhague2009 (mas lo liam sembla esbolhat)
• Sus lo joèb dau JP Grand (francès)
• D'arribar sus LibeÒ

Victoriosa, l'Italia es marrida dins sas volontat de terras de per lu monde.

• Març de 1919, Benitò Mussolini, ancian institutor, tendança socialista, medalhat de la prumièra guerra, farja los prumiers faisceus italians per combatre. Aquilhs erián un boiradís dentra nacionalistes d'estrèma dreita, d'anarchò-sindicalistes de gaucha e quauques ancians combatants.
• 'Quilhs faisceus son estats viste coneguts de per lurs 'bilhaments : chamisa negra & barron
• Doas annadas aprep, Mussolini compren que los grands patrons son pensius d'un projecte fòrça demagogica. Tròp pròpche d'un programe revolucionari, l'esga e crea lu partit nacionau faschiste ne'n novembre de 1921. Un faschisme que s'adreiça mai a queu-quí possed que non pas aus maucontents.
• Lu 28 d'octòbre 1922, Mussolini se troba chap d'una tropelada de chamisas brunas, mens nombrosa que l'armada dau rei Victor-Emmanuel III que pertant, beleu conselhat per los industriaus e los militaris, refuset la confrontacion.
• Mussolini es nomat regent dau conselh lu 30 d'octòbre.

L'instalacion de la dictatura :
Au mes d'abriau de 1924, los faschistes ganhan las eleccions (3/4 daus sietges).

• Mussolini se desbarrassa de l'oposicion politica, dau Mattéotti d'en prumier
• Dès decembre 1925, las leis « faschistissimas » organisan la dictatura, Mussolini deven lu « Duce » e se garda lu poder eisecutiu. Lu maufait d'opinion es instaurat : los jorneus e los sindicats nonfaschistes son dispersats.
• L'armada, l'administracion e l'ensenhament son espurats. L'ÒVRA es la poliça politica dau Mussolini e 'la es charjada de 'restar e chaçar tots los oposants, los comunistes de'n prumier.
• Lu 11 de febrier 1929, los acòrd dau Latran son sinhats coma lu Papa.

L'Estat totalitari : la persona es ren, l'estat es tot.
Los movaments coma la revolucion francesa, lu marxisme o lu capitalisme son regieitats perque basats sus 'na fòrma de democracia que lu faschisme italian pòt pas concebre dins son eidèia d'un estat qu'englobariá totas las activitats tant politicas, qu'economicas, juridicas o cultruralas de la nacion. Lu chap mitica d'aqueu estat es lu « Duce » e : lu « Duce » a totjorn rason !

• L'estat interven maitot dins l'economia ente lu liberalisme es remplaçar per un dirigisme economica per menar l'Italia a 'na fòrma d'autarcia. Lu monde dau trabalh es fòrça encadrat per los corporatismes.
• Per reduire las importacions, l'estat organisa de las batalhas coma aquelas dau blat, de la terra presa sus los margolís, las rotas, los chamins de ferre... e entau lu nombre daus chaumairs baissa.
• Ne'n 1933, l'Institut per la Reconstruccion Industriala es creat
• Los sindicats son bandits e la disciplina estricta tant per los obriers coma per lo patronat

La grandor de l'Italia nouvela
Mussolini vòu de'n prumier esvelhar 'na mentalitat de massa comuna.

• Los lesers son encadrats per lo ministèra de la cultura popularia, lu « Dopolavoro », tant per lu spòrt que los viatges.
• La premsa es susvelhada e la propaganda importanta. Los arts plasticas, l'architectura, lu cinemà trabalhan a la glòria de la nouvela Italia.

Tèxte librament revira d'un cors sus la montada dau faschisme e subretot sus l'instalacion de la dictatura, tèxte trobat sus aqueu sit

Liam :

• Lu Raoult ministre de la propaganda per la cultura nacionalista
• L'amassada europeèna contra los totalitarismes
• Kossi Efoui, pretz daus cinc continents
• un bilhet (francès) d'un amic per lo plaser.

'Na pagina de propaganda per lo país de Nòuvic, per balhar l'adreiça dau sit internet, perqué lo restant dau bilhet es per parlar de mon gros embonilh ;-)

Trobeí l'adreiça de far de las charchas sus la tiala, « Lemòtges ~ Limòtges » per pas iò dire. E vei-me-quí 'ribat sus 'queu sit, que las paginas son reviradas ne'n francès, anglès, olandès (1) e dins la linga d'oc.

'Laidonc un pitit bilhet per en parlar, en far parlar, per surtir daus boiradís « nos fau damandar aquò a l'Estat », « n'i a qu'a » o « perqué n'autres am pas »(2). Demòre sus ma posicion dau : las chausas son la resulta de las volontats... emai siguesse pas chausas aisadas.

• I a au jorn d'auèi, lo metrò ne'n occitan, beleu pas perfeit, mas i es. La gent (2) devrian mai aidar a l'amelioracion. Emai me pensesse pas tornar a Tolosa avant 10 ans, trobe 'quò 'na bona chausa per surtir daus lexics (3) e de la literatura (4).

• I a au jorn d'auèi 'quauquas radiòs, beleu pas perfaitas...

• I a au jorn d'auèi 'na televicon (TSF) (2) fòra TFN3, beleu pas perf...

• I a de las videòs sus la tiala, beleu pas...

• I a daus vendors de chamisas, chamisons, chamisetas, brajas, beleu pas tots daus « angeus militants » mas ilhs fan de las chausas.

• I a au jorn d'auèi daus organismes per los lesers (5), coma 'queu d'aqueu bilhet.

Per 'chabar sus 'queus perpaus maucrochetats, los ai tapats au fiau d'una mandinada de butinatges per trobar daus arguments dins 'na parladura sus la linga, que me sei fach traitar la dimenjada passada... mas i tornarai 'n'autre jorn, atz beleu autras chausas de far que legir mos sempiternaus romadís.

Beleu qu'una setmana passada a Nòuvic... e 'quò irá mielhs.

1. Sabe que lo vertadier nom es « néerlandais » mas sabe pas coma l'escriur. Avant de me cridar 'na responsa virtualament, vos fau saber que vene solament de reçaubre los cors de la 3èma annada.

2. Me bote dins la prada de mas criticas, aquí maitot pas mestier de me cridar dessur, sabe ente ai lu cuòu de pausat.

3. Desempuèi lo temps que la gent (2) se garolhan sus la linga, i a totjorn pas un vertadier diccionari multidialèctes « large », un pauc sus lu modèle dau diccionari normatiu Lemosin - Gerard Gonfroy.

4. Fau pas s'enganar aquí, mon sol act « militant » es de 'chaptar daus libres (e quauques discs) chas los libraris, mas quo es important de'n surtir maitot.

5. Emai los lesers siàian 'n'invencion borgèsa vut de la dialectica marxista pròpria a quauques militants que marchan se far bronzar lu cuòu ne'n Tunisia (avetz legit lu punt n°2 d'aquelas nòtas).

Liams :

~~oO(*!*)Oo~~

Tant que sem dins lu 1-9, 'na fabla : Lo pitit Lois e son chen', picada d'aqueu sit

lu trabalh, la gent, lu temps e coma pòde pas far coma los governs e taxar la gent coma lu tipe que metet 11 milions dins dins sa pòscha :

un tipe d'Euròpa de l'est, afé, aquela davant la davalada dau mur qu'es pus 'quí despuèi 20 ans mas qu'es enquera dins 'quauquas testas ; celibatari, quo es dire lu dangier que gaita la França de los mediàs-la-charonha. Eu es benleu gai ? Marchatz saber ! Personalament mon de compta est lu n° x2319xxx71.

o b'etot coma lu tipe que tuet los militaris avant que ilhs mesma tuassen a lur torn daus iraquians :

un palestinian, musulman, quo es dire lu dangier que gaita los USA de los mediàs-la-charonha. Es benleu gai s'etot e esperava 70 pitits piuceus daus-dius-dins-los-ciaus a cridar  «  الله اكبار ». Marchatz saber ! Personalament sei pus piuceu, tant iò dire, ieu raibe pas de me far esclatar.

~~[@!@]~~

Un film grand e brave. L'istòria conta coma un Bolchoï de faribòla se monta per jugar en luòc dau vertadier emai aqueu siguesse 'na façada fadarta jaspida sus un nom prestigiós. 'Quò per la volontat d'un tipe, Andreï Filipov, lo mai grand chap d'orquèstra de l'URSS jos Brejnev. Filipov refuset de se separar de sos musicians jusieus, 'queu act lu faguet desclarar « traite a la patria », e 30 ans durant, lu maestrò deguet.. netiar lu Bolchoï.

'Quò es pas vertadièrament un Bolchoï de faribòla, mas pus lu verai que se torna montat, emb tots la gent que fugueten cassats per lu sistèm. Volen tots prendre 'na venjança per tornar viuvre au mens un instant.

L'istòria, la granda coma la pita, es pas clarament contada dès la debuta e, jusca la fin, sei estat tengut alenat per la vita d'aqueu chap d'orquètra, sos amics, l'istòria de la concertista françèsa, aquela de 'queu coble de jusieus desportats ; emai i aguesse daus imatges clafits de guimauva, pureí dau temps dau concert finau.

Ne'n ai auvit parlar 'queu mieijorn dins l'emision de París-Inter, criscreumbeul, aquela ente i a totjorns 'na goiata per s'esjacinar sus los darniers indians :

« Haaaan, mais dites-donc, cette peuplade indienne de Patagonie avait quelques 40 mots pour définir l'herbe, hihan,  dites-donc, c'est  tout bonement incroooooooooooyaaaaaaaaaableeeeeeeeeeeu tant de richesse ! Ils sont tous morts ! C'est doooooooomaaaaageeeeeeu ! »

Per l'emision d'auèi, la presentacion dau site « errorist QWX » aviá pour but de nos far comprendre que la gent dau govern turc, daus meschents islamistes vut de París, 'quela gent voudrián ne veire qu'una sòla linga dins l'administracion, los mediàs, sus los paneus de propaganda (NDR : Totas semblanças...  asard).

QWX son de las letras qu'esistan pas dins l'alfabet oficiau de la linga turca, mas 'las son presentas dins las autras lingas minorisadas : armenian, curde, sens obludar la linga daus gitans... (NDR : Dins la presentacion, la Elisabeth LERMINIER faguet mesma pas lo liam dintra « castellano » e espanha :p ).

Las far ne pas eisistar visualament es un biais de las pas far eisistar tot cort (NDR : Totas semblanças...  asard). D'autant mai que la gent qu'usan d'aquelas tres letras, QWX, riscan de passar per daus separatistes e aquò en Turquia es l'object de persuitas judiciaras (NDR : per restar consensuau coma-se-ditz).

Un collectiu de monde d'aquelas minoritats de Turquia a montat lo project « errorist QWX » per protestar sens se far tustar dessus. Lo collectiu damanda a la gent concernat per aqueu dení de linga de se far fotografiar aprep... tirar la lenga.

Dau concret, fòra mandar un corièl a la Crissa, pense montar un joèb 'pelat « errorist KWY » e vau damandar a la gent de se far fotografiar lenga tirada. Perque KWY ? Fau 'quò far un dessenh ? (NDR : o benleu far un joèb 'pelat TUB-KWY, TUB per Testa d'Uòu Bulhit, lo faça-boc occitan, e KWY per las letras qu'eisistan pas dins nòstre alfabet. La gent prenen una fotografia emb un uòu).

• Autre bilhet sus la Turquia sus 'queu joèb.

« Òc-es, mas podem far las pervesions (1) divendres, o beleu dimenc mandin !»

1. segur que « provesion » es pas tant charjat simbolicament.
2. « far ren » es desparier « ren far ».
3. la taussa carbona adjunh l'emprunta ecologica dins lu pritz finau d'un produch.

'Natz viesar la campanha (2008) sus 'queu joèb « save our blog » perçòque 'vise mai d'un joèb mas laisse pas totjorns daus comentaris ;-(