Un jorn t'i tornaràs far !

Debute 'quí la tièra sus Barcelona per la darniera expausicion vuda. Una pita expausicion sus las lengas e la migracion daus mots dins l'espaci de la mar Mediterranèa.

Queu mot arabe torna esser trobat dins 'quela expression, merce a queu mot ebrèu per aver fach dau dissabde un jorn de festa...

La balada passa coma quò mot per mot (una desena) jusca a la lenga daus signes. Ren de noveu, lo dire es de promòure las lengas, d'afavorir lo respiech de chada lenga e las soás valoras.
En mai d'aquò ai estimat veire totas las bornas sonoras jotitoladas ne'n francés, ne'n anglés... e ne'n occitan ;p

Mai d'informacions sus lo siti oèb linguamon.

Las vacanças a Barcelona son 'chabadas...

Sieis jorns de plaser, faiçon torista, fòra lo divendres jos la pluèia, uech musèus, doas permenadas urbanas, dietz exposicions, mai d'un luèc important, mai d'una librariá...
Auèi, los darniers devers per lo collegi d'Occitania, los prumiers velòmetres sus los cais e las levadas de la Lèire, la preparacion dau quasernet de viatge...

Sem dimenc e ai una pensada per los manifestants encontrats davant la Sagradà. Son 'quí per dire que mai de 2 ans passats ne'n preison per injura au drapeu quo es tròp.

Sei pas segur segur qu'una vetz l'indepedancia 'ribada n'i aurà pas la mesma chausa per queu-quí que fará de mesme au drapeu de la Catalonha (1). Mas bon, 2 ans de preison per una pelha, mesme una ora de preison seriá de tròp.

Lo siti oèb : llibertatfranki

Nota : 1-ai totjorn queu escrich de Stefan Zweig a l'esperit : quante los drapeus son de surtida, l'intelligéncia passa per lo bot dau canon.

Dins un monde ònte la television dicta sa lei, la gen son estadas privadas de lor votz e laidonc pòdon pus comunicar.

La populacion es totjorn a visar los programas creats per Monsur Tele, la populacion deu maitot minjar daus Monsur Tele, deu pensar coma Monsur Tele. Mas Monsur ne'n vòl mai que mai e prepara una solucion finala per aver tota la gent jos sa bòta. La sola subreviva dins queu monde est una persona nomada "la Votz", ela sola pòt changar las chausas.

Nos an pres nos votz mas nos resta nos mots

Vaiquí per lo sinopsis. Queu film es un conta fòrça poètique. Tornat quai'ment tote'n negre e blanc, los mots son bailhats de veire dins una granda inventivitat. Quò es vertadierament contre lo catodisme actual.

Notas : Film argentin realisat per Esteban Sapir, emb Alejandro Urdapilleta, Valeria Bertuccelli, Julieta Cardinali...
Titre originau : La Antena
Surtida : genier 2008

Lo film (version corta) era presentat per lo Chiendent dins lo cinemà daus Carmes, classat "art e ensag".

Quò es lo prumier film de queu realisator que vise. E ben paubres pitits, queu film es un cap d'òbra. Tot es plasent, fantastic : l'idèia, la mesa en scèna dins 'quela remesa, los actors e maitot las actritz...
Sei benaise de veire que las nòstras questions sus las alternativas (1) semblan a las nòstras :
- quela societat e quela organisacion ?
- que se troba èsser lo mai democratique o b'etot lo mai representatiu dau pòple ? representat per qui ?
- democratiat directe o non ? dins queus domenis ?

Bon, 'reste 'quí per savorar mon bonur, sens doblidat de vos laissatz en mars 1871. Dotze annadas aprep tsarkosi Napoléon III, vaiquí un jornaliste de la television versaillaisa que balha una informacion, mas d'un autre biais, i a una television de la comuna que ne'n balha una autre...

1-ai botat aquí una connaria (de mai) perqué dins la corba "sinuzoidala" i a solament doas alternativas :-)

Esposicion de Valérie Leray

La prumiera peça versada au dorsier es lo "quasèrn antropometrica d'identitat de nomada". Dins queu-quí, çò que tusta d'abòrd, qu'es las doas fotòs, una de faça, una de profil, coma per los criminaus.
Valerie Leray es l'arreira pita filha de l'òme sus lo carton, mas las ditadas son las soás. En fasent quò, ela realisa un gèst simbolic que se balha a èsser examinat, mesurat, identifiat per un zoologe.

Los nazis suprimián lo còrs daus Nomadas, avèm una metoda mai fina : balhar lo confòrt per tuar lor eime viagtjador. I a una femna sola dins sa cosina, emb totas las comoditats. La viatjaira es figeada au mitan d'un pilòt d'objèctes inutils, figeada coma una pica de la societat de consomacion.

I a maitot daus corts·metratges, de las projeccions, una conferencia...

E un siti de mai "notre route".

De notar : sus radiò França 'quela emision (20/01/08) sus los compositors de musica dins los camps. Beucop d'emocion dins l'escota, dins los perpaus daus tesmonhs.

Dorsiers de la television (Lemosin e Charentas)

Lo sent patron daus gais, veire la brava videò sus Orléans TV.

Dins la militença dau moment, i a la presentacion de "debrayage". Una programacion sus lo tèma dau trabalh. Ai manquat los prumiers films, los prumiers debats, qu'es pas aisat d'anar au teatre a 18h30. Seriá tentat de dire que quò es pas programmat per los obriers mas per las professions "intellectuallas" (e per confortar lors prejutgats sus lo monde dau trabalh fora la fonccion publiqua).

Dins tot quò, sei 'nat veire "J'ai mal au travail", film documentaire d'analisis sus las rasons d'anar sufrir tots los jorns. Pendant una annada, J.M. Carré a realisat una enquesta e una reflexion sus los rapòrts qu'avèm emb las novelas metòdes d'organisacions (o de "management" en francés). Lo film (beucòp de sociologues, espsicologues, politologues... un sindicaliste, doas obrieras) es plasent. I a la vision dau culte de l'entreprise chas Dassault, quò per lo biais d'una comèdia musicala. I a mesma un tipe dau Merdef qui balha de las esplicacions sus las novelas metòdes d'organisacions, sens èsser vertadierament convaincut.

Seguiá un debat. Dins la sala lo public era gaire eteroclite : los libertaires, ATTAC, ancians professors, secratària perpetual de totas las causas, d'aucuns avent mesma oblidats las rasons de lors engatjaments benaises qu'ilhs son conhats dins la moqueta de lors bureus (fin finalament, qu'es un pauc coma me, mas emb l'agror sus las potas, per ilhs e elas, dins l'escrich, per me ^!^ ). I a mesma dos futurs electors de l'UMP dins la sala car 'quí lo PS vòlt las votz dau Modem, pas quelas dau PC.

Sus lu debat, ren a dire, coma a chacas vetz. Los professors voldrián daus films mai "educatius", lo tipe darrier mai (l'elector de drecha) pensèt que lo film erá partisant. Una jos-estachada per las "resorças umanas" dins una sus-direccion d'importànçia cantonala aimèt pas las colors daus fautuelhs (quela remarca a ren a far 'quí, mas ai pres beucop de plaser de la tapuscrir, per de vrai). Ren a dire, fora l'intervencion d'una sindicalista. Ela trobèt lo film intelligent, tot coma me (1).

Realisat per Jean-Michel Carré
Emb : Paul Ariès, Christophe Dejours, Nicole Aubert

1- quante vos dise que 2008 sera pas una annada ente serai totjor a dire dau mau :-)

Alex, una jòuna filha de quinze ans es ermafrodita. Lo film XXY conta coma sos parents son partits de Buenos Aires per venir s'installar sus la còsta uruguaiana per fugir los normalisators. Lo film debuta emb l'arribada d'un coble d'amics : lo pair es chirurgian estetica, la mair mai interessada per son coifatge. Lo filh a 16 ans...

Lo film ne conta pas l'istòria coma un doloros problèma, qu'era lo principau estèl. Non, la trama es mai sus la espicologia daus adolescents, l'evolucion d'un estre dins lo còrs, dins la normalitat d'un monde d'adultes.

La realisatritz bailha a veire quand mesma una scèna de viòl, de creire quò coma inevitable dins queu genre de film. Lo film es maitot per los lectors de "teleramà", laidonc, los simbols per très balas son 'quí : una cleda barada, l'abséncia de comunicacion dintra los jovenòts e las grandas personas, la musica sus fond d'analisi daus regrets, la tempèsta...

Realisat per Lucia Puenzo
Emb : Inés Efron, Martín Piroyansky, Ricardo Darin
Film argentin, françés, espanhòl
Durada : 01o 31min. Annada de produccion : 2007

Plus d'infos sur ce film

E se tot retrobar sens jamai ren classar èra la nòrma ?

Vaiquí la solucion trobada per mos collègues.

vòl èsser revendor per ganhar beucòp de moneda. Irai dins las usinas posar una charrada (coma la nòstra "coach") e la setmana d'aprep tornarai emb quela machina (la 'chaptar en linha 2021,24 euròs totas taxas compresas).

La videò torna e torna e pas pas 'chabada de tornar sus l'ecran daus ordinators au bureu. Mos collègues revan d'un mond mecanica, emb de la musica en boita, dau minjar sens micròbs, de la rotas pertot...

Se i a una machina per ranjar, lors ai dich que las lors femnas poguèron benlèu trobar una machina per los remplaçar... Un cop de mai, quò crida.