Enquera un lemosin
Bon, i a l'autra colha de Val dins 'quela videò mas tornar auvir daus taus perpaus, 'quò es 'na bona chausa per lo benaise !
Categoria:
digg it
del.icio.usUn cinemà, 'na peticion
Dempuis quauquas annadas, dins lo paísatge culturau d'Orleans, i a un cinemà « d'Art & d'Essai », un vertadier queu-quí, lo cinemà « des Carmes ».
Ufrís per tots e totas de las decubertas, de las encontras coma los realisators e las realisatritz, actors...
Despuei 7 ans, « les Carmes » se son instalats dins queu quartier populari, sens bruch, an fach s'encontrar la gent.
Sauvat 'na prumiera vetz per la comuna (dreita) i a 5 ans, jostengut pendant 3 ans, la comuna vòt copar l'aida ne'n obludent que lo Pathé© e l'UGC© fan 'na guerra au pretz e qu'un cinemà « d'Art & d'Essai » pòt pas tenir la distança.
Christine, Marcelle, Valérie...
Be, podiá gaire far sens balhar lo lengareu de la setmana a la pita "Christine, Marcelle, Valérie, Cécile, Marie Boutin".
Quò deu pas esser aisat de metre la Boutin, segur. Sei pas un especialiste de la chausa, per ieu, mon especialisacion son los jòcs de mots purits, mas bon, 'la l'a ben charchar queu-quí.
Avant de balhar la boita, un pitit rapel :
- Christine, Marcelle, Valérie, Cécile, Marie Martin es maridada a son cosin german Louis Boutin. Non, fau pas far de comentaris sus la moralitat daus catolistes.
- 1995, la Boutin es estada nomada consultor dau Conseilh pontificau per la familha de la ciutada vaticana. Segur qu'aura comprenem las soás posicions sus lo preservatiu, los gais, l'avortament...
- De 1964 a 1969, erá au bureu de las relacions exterioras dau CNRS. E òc, un organisme scientifica.
- La Cristina es estada membre d'un grop d'estudis pas tant luenh que quò de l’AOCPA (Association pour l’objection de conscience à toute participation à l’avortement). Moment fòrt d'aquela assò, 'na marcha per lo dreit a la vita lo 17 de genier 2008. Coma far per acordar las soás creienças e lo respect de la lei Veil sus l'avortament ?
Bon, vòle pas ne'n far de pro, 'la ne'n vau pas la pena, vau solament 'chabar per dire las soás tres chausas las mai importantas realisadas :
- Deslocalisacion dau ministere, n'a setmana a Lion, per ren.
- Lo combat sens p'uns resultats contra lo mau lotjament (perpaus dau Don Quichotte).
- La meijon per 15 euròs per jorn.
Per legir la Cristina sus son blòg, picatz 'quí
~~oO(0!0)Oo~~
Cadeu per te Christine, Marcelle, Valérie, Cécile... l'ai laissada pitita 'quela fotò per respectar la toá pudibondària.
N'i a pus ren...
Sabe, quò pas mau-aisat de se mocar ! Zo sabe !
Còp de fodra, lo planh dau taureu-vacha.
Bon, coma nos fau a n'autres bloguidors e bloguidritz escrir daus bilhets "portors d'eidèias" per pas far purar lo pitit Jesus, anguí (1) veire los autres joèbs per legir de las conarias daus bilhets escrichs coma quò fau. Per eisemple, e sei seriós 'quí, ai aimat queu bilhet. Aprep l'aver legir, anguí querre lo libre a la mediateca, n'i erá pas, bon, aní (1') lu charchar dins 'na librariá, la sason de la bede erá pas enquera duberta. E be, i tornarai far, mas per lo moment, me veiquí de fussinar un pauc, istòria de veire quauquas noveutats e tombí sus "Coup de foudre T1-La Complainte du taureau vache".
L'istòria es 'quela d'un coble de farmier qu'an 'na vacha e per aver daus pitis vedeus e de las pitas vedelas, quo es mai aisat d'aver un taureu (2). Adonc, veiquí nostre farmier tornat de la feira coma un taureu "pas char"(3), lu portet dins lo prat tot urós coma un tipe pret per véser lo film dau dissabde ser sus anal+. Mas semblarai que lo taureu es pas interessat de tròp per la vacha, non pas que se senta gai, mas pus filha que goiat. Ne'n mai d'aquò, la fodra (4) tomba e vei-los-quí, vacha e taureu de parlar de lurs problemas esistenciaus a la farmièra e au farmier d'aiciant a la fin ente lo farmier torna revendre lo taureu.
Per esser franc, m'es 'vís que traitar d'aquela tematica dins 'na bede grand public es 'na bona chausa, mas, conjoncion botada 'quí per contrabalançar la positivitat de la prumièra preposicion, mas perdequé far tant bargassar la gent dins tant de paginas quante la maitat i sufiriá ? Una vetz la situacion coneguda, pas la pena d'i tornar 36 còps per o tornar dire.
Lo taureu eispausa mai que ben la situacion dau punt de vuda de la question dau genre :
« sei una vacha dins un còrs de taureu, quo es coma aquò »
dau punt de vuda de la sexualitat
« non, podetz pas me damandar de me forçar a bicar per vòstre benaise»
e de la normalitat
« lo veterinari ven per me far quauquaren ? Ai pas tot sasit ! »
Una autra critica per mon perron de criticor-jamai-content, quò es la vacha. Ai beu aver estudiat la mecanica de la reproduccion chas los animeus, me semble gaire aver compres que la fumela erá somisa a son desir e totjorn presta per se far engrossar. Le traitament de la vacha, un pauc nècia e aürosa tant aprep aver bicar coma dins la maternitat, es sexiste.
Per 'chabar, los farmiers : la femna es un pauc concervatritz dins sos perpaus, mas 'la a 'na 'tituda pratica ; lo tipe es despassat per los eveniments, juga sus la soá masculinitat per far dau chantatge a la taurela. Quo es pas ben brave tot quò, s'en obludar que los dos se desbarassen dau fotor de merda emb son questionament sus l'eisistença.
Lu dise 'quí, lo taureu m'a fach rire dins sas mimicas, e quo es un plaser tau que tau de veire lo subject abordat ne'n bede mas mesfia de pas esser tròp mocandier.
- Legir un avis sus bdselection
- Legir un avis transidentitari sus caphi
Los amators de bede sus lo subjet daus trans~genres/sexuaus poden legir "Soleil cou coupé" de Lax & Bertoix. Bede un pauc negra mas plan interessanta sus lo biais de viure per "quilhs gents".
Nòtas :
1/ Pode far sens cultivar mon embonilh dins mon pitit cuenh.
1'/ Mas ai lo sens de l'umor.
2/ Sem dins 'na bede grand public tanben, l'engrossatge artificiau n'es pas lo subject mesma se dins la vertadièra vita...
3/ Un chavau bon merchat quò es rale, mas çò qu'es rare es char, adonc, un chavau bon merchat es char (Ionescò, per la pagina granda cultura).
4/ Second punt de cultura d'aqueu bilhet. Eisista ne'n francès e benleu en occitan una diferença de genre dins "fodra". La fodra tomba dau ceu e lo fodra es un atribut de Jupiter-Zeus dins los ciaus. Sens liam emb la question dau genre, a la prumièra legida aviá compres que qu'erá la fodra que "rendava trans" e segur que sei restar chas me dès que quò montava brun [nòta dau Desire : los perpaus transfòbes an pas besonh de propaganda, te dise pas marci Jipe]. Vau aura parlar de la transexualitat dins la mitologia, 'n'autre biais culturau d'aqueu bilhet, t !
Dins las metamorfosas d'Ovide, i a l'istòria d'un jòune bargier, un pauc vinvòla, lo Tiresias. Queu bargier un jorn vés dos serps s'acoblar. Còp-sec, veiquí Atena 'ribada per lu tresmudar ne'n filha. Son coma 'quò los ancians dius. Bon ben nòstre goaiata aura, vís coma 'na filha, as mesma un pitit. Mas, los dius s'einuian dins los ceus e un jorn, Jupiter & Junon se chamalhavan per saber qui de la femna o b'etot de l'òme preniá lo pus plaser dins l'acte sexuau ? Coma Tiresias erá estat goiat e dròlla, van la-lu far chiar emb 'quò. E lo-la Tiresias de dire que quò es la femna, provocant la furor de Junon. Còp-sec, lo veiquí tornat òme, mas se un diu pòt pas chamjar çò qu'a fach 'n'autre, Jupiter li crebet los uelhs per lu far devin.
~~o(*!*)o~~
Per restar dins la tonalitat e dau mesma còp tornar chas los gais, un pitit comentari sus los gatges disponibles sus lo Hitlerfòne per Google©.
Lo darrier gatge es un detector de gais. A la debuta me sei dich, ouf, aurai pus mestier de surtir ma grossa antena dins la rua per saber se un goiat es gai o pas. Me fau 'chaptar la merda ondactiva, installar lo gatge e esperar que mon veisin paubres-pitits-queu-goiat-e-sem-bentòt-l'estiu-e-vai-se-parmenar-meitat-nut-espres-davant-chas-me-enquera-ujan faja clinhotat lo chause. Mas non, quò marcha pas coma aquò.
Los americans, ilhs son fòrts 'quela gent, los americans an realisats de las recharchas (1) sus l'origina
Me, las lesbianas, se las 'trapava emb mon gros biron, 'chabarian ben d'esser lesbianas. Segur !
Tornam a nòstre detector de gais, 'pelat "straight", per eterò. Sufís de pausar la partida superiora dau guinhaire sus l'escran dau hitlerfone per veire los messatges «Sorry, sweetie, you are» o b'etot «You are the man».
Bon, aus USA, los gais an mai de poder, economicament, qu'en Euròpa e m'es 'vís que lo boicote es aprep s'organisar. Çò qu'es un pau estranh fòra lo desvelopament d'una tela merda-mesma-pas-aquí-per-rire (3), quò es la responsa de Google©.
« 'Queu gatge pòt ofensar d'aucuns, mas pensan pas violar la lei. Usar daus estereòtipes per tau o tau gròp de persona es pas aguir queu gròp». Quo es ben conegut que : los josius an las mans crochudas, un gròs nas e per mielhs se far reperar, perqué son pas francs, portavan a una epoca una estela jauna sus la peitrina.
- De legir sus la tiala sus Rue89
- Legir 'n'autre 'vis sus alterheros
Nòtas :
1/ Los dets daus gais sus alteròis
2/ Despuei 'quela legida, ai 'restat de me tripotat a gaucha, vole esser de dreita, vole esser de dreita ;-)
3/ Ai fach de las charchas, lo gatge es pas jamai botar dins la casa "umor".
Dubrir las soás aurelhas
En Ondas | Domenja Lekuona - 10·03·2009
Veiquí 'na novela livrada d'aquela emission sus radiò país. Aime ben la votz de l'animatritz, pode ben lu conhar dins queu bocin de la tiala mondiala. Subretot, dins lo boiradís d'emission occitana, nocion presa 'quí au pus larja, quo es un plaser d'auvir 'na filha, e òc, saban parlar maitot.
Quò sens dobludar que lo somari d'aqueu jorn es mai que saborós : descreissença, premsa alternativa, musica esperimentala...
Segre lo liam per legir (e auvir maitot) sus la tiala.
8 de març
Sem lo uech de març, adonc lo sol jorn ente sem oblijats de parlar de la femnas sens rire de tròp, autrament 'nem passar per daus misogines falocrates sexistes, e per quauques uns, per daus tipes que pensen emb la lur bragueta. L'an passat ai pas degut escrir de bilhet sus la jornada de las femnas, adonc, ujan, un boiradís de pensadas ; serán la sola ocasion sus queu joèb que tornará leu a daus bilhets sus los masles, gais segur, mas masles tanben.
Ujan, coma i a lo bloguitge, lo malhum daus blògs occitans, fau se creusar un pauc per esser dins la tonalitat d'aquela jornada e mostrar un pauc d'originalitat... Ai legit mai d'un bilhet sus la tiala, me sei dich, ten, benleu 'na revirada de queu-quí, beuleu queu-lai e puei, per fòrça de butinatge, ai aimat queu d'aquí sus la censura.
Ujan, coma i a lo bloguitge, lo malhum daus blògs occitans, fau se creusar un pauc per esser dins la tonalitat d'aquela jornada e mostrar un pauc d'originalitat... Ai legit mai d'un bilhet sus la tiala, me sei dich, ten, benleu 'na revirada de queu-quí, beuleu queu-lai e puei, per fòrça de butinatge, ai aimat queu d'aquí sus la censura.
L'editor daus libres d'art a pitit pretz, Taschen, sembla 'ver plejat jos de las possibilitats d'una polemica meitat religiosa, meitat artistica, e benleu meitat politica, meitat feminista ; lo gasteu de la publicidat es donc bocinat entre 4 partidas inegalas e l'editor a preferat cular sus 'quel afar de fotografia "benleu polemica". Ai pas saisit se lo libre suert sens la fotò o b'etot se la censura es per lo libre ne'n entier.
Mas dija Jipe, montra la nos donc 'quela fotografia censurada en luòc de nos permenar emb 'na retorica de comptador.
Roy Stuart ©
Segur, vouliá parlar de la censura, qu'es pas beu, l'integrisme e tot e tot, breu, far mon observator dau monde dempuei mon chiador. Ai tornat legir lo bilhet dau tipe sus «lo Pòst», l'ai trobat colhon, lo bilhet, pas lo tipe, subretot la partida sus lo lector que pouriá esser chucat per l'imatge. Chucat quante 'la es trobada dins un libre fòra son contèxte artistica, lo tipe, benleu 'na tipessa, pouriá far una polemica esterila contra la portada artistica de l'autor.
Adonc ai charchar «Roy Stuart» dins un motor charchador d'imatges e ai trobat mantuna òbras d'aqueu tipe. Segur, mos collègas son estas surpres de veire daus imatges de 'titas braias sus mon ordinator. Per una vetz an trobats un interès a l'art, afin, 'na fòrma d'art, perqué me, sei dubitatiu davant de las fotòs coma aquela quí.
Un goiat dins la mesma situacion n'auriá jamai estat montrat 'quí, ieu auriá 'gut paur de chucar la gent, mas coma quò sembla estre de l'art, ai pas vergonha de la publiar, sens dublidar mon lectorat masle. Segur que non, 'na tela fotò emb un goiat, la daisse dins mon ordinator.
Per tornar a la jornada de la femna, aviá trobat ma tematica, art e feminitat, me mancava de la matièra perqué ai pas envéia de parlar d'artistas que ne'n an pas tant mestier que quò. Me sei tormentat sus 'queu subject, benleu... Abdessemed... o b'etot... mas... o enquera... lo movament feministe occitan vai... e ardi que te desboire tot quò dins ma pitita testa.
- 'Ten te, Abdessemed, veiquí, Adel Abdessemed, vau parlar d'Adel Abdessemed, un artista algerian.- E per dire qué ? Vese pas lo liam entre las femnas e un plastician !- Bon, vau lu presentar d'en prumier.
Nascut ne'n Algeria, Abel Abdessemed a estudiat l'art a Alger d'aici a l'assassinat dau director per los islamistes. 'Riba en França en 1994, es reçaubut a Lion e i a p'una rason per pas far 'nar las chausas ben.
- (Referenças necessàrias !)
- (Ente as vut qu'erem sus la ouisquipedià ?)
- (Pouriá far un esfòrç !)
- (Compta z'i !)
Lo tipe decidet de far pintre aprep 'ver vut dins lo diccionari, un tableu dau Rembrandt "Femna se banhant dins una ribièra". Ne'n 2000, aguet 'na borsa d'estuda per 'nar a New-York, anguet viure a Berlin, e se'n tornet a París.
L'artista usa de la videò, la fotò, l'escultura e lo dessenh dins sas òbras, quò per "esvaluar" las limitas socialas, politicas e culturelas de las societas d'auèi dins "la sisofrenia imposada per la mondialisacion". Eu denónça las tencions fisicas e mentalas au jorn d'auèi, los monoteismes e los totalitarismes, vòu "intrar dins las zonas situadas entre lo legau e l'illegau".
Dins «Real-Time» (2003), filma sens ornaments nòu cobles ne'n trin de bicar dins 'na galeria, davant los visitors.
Dins «mon chéri» (2003), i a un esqueleta aprep nadar sus dos aers de "Habibi" per suslinhar la vanitat de la vita efemera.
L'una de sas òbras recentas, «Practice Zero Tolerance» (2006), es un motlatge d'una veitura per far pensar a las veituras brusladas dins l'automna 2005.
L'artista usa de la videò, la fotò, l'escultura e lo dessenh dins sas òbras, quò per "esvaluar" las limitas socialas, politicas e culturelas de las societas d'auèi dins "la sisofrenia imposada per la mondialisacion". Eu denónça las tencions fisicas e mentalas au jorn d'auèi, los monoteismes e los totalitarismes, vòu "intrar dins las zonas situadas entre lo legau e l'illegau".
Dins «Real-Time» (2003), filma sens ornaments nòu cobles ne'n trin de bicar dins 'na galeria, davant los visitors.
Dins «mon chéri» (2003), i a un esqueleta aprep nadar sus dos aers de "Habibi" per suslinhar la vanitat de la vita efemera.
L'una de sas òbras recentas, «Practice Zero Tolerance» (2006), es un motlatge d'una veitura per far pensar a las veituras brusladas dins l'automna 2005.
Adel Abdessemed es presentat per la galeria Kamel Mennour, París.
- E lo liam entre queu tipe e la jornada de la femna, ente es-eu ?
- E be, crese a 'queu moment dau bilhet m'esser un pauc enganat entraupat. Be ! Vau contunhar tanben, las femnas aurán qu'a los escrir los bilhets, avant d'nar netiar, lavar, bujadar, tòrchar lurs òmes...
Sei segur d'aver vut 'n'òbra filmada, benleu a la FIAC, enta 'na femna velada coma d'una burqua, vesiá son vel "destricotat" ne'n fasent un, puei dos, puei tres torns, puei un fum d'aici a estre tota nuda. Me torne 'pelat lo regard d'aquela femna un còp nuda, ai trobat lo nom de l'òbra sus la tiala «Shadow and Light», mas pas de bonas fotografias, adonc, un pitit margaud.
~~0(°o°)0~~
Friends
Aprep la laus dau J·Williams, vei-las-quí tornadas las 4 fenestras chantosas...
Una dimenjada a París
La dimenjada passada anguí a París veire la mòstra "Serafina" au musèu Maillol, una mòstra dau Boulez au Louvre, coma ela copava pas tres pautas a una aucha e coma ai una entrada per l'annada, poset mon det sus la carta e vei-me-quí 'ribat dins una peça emplida d'esmalh lemosin.
I a una granda part dau tresaur de Grandmont dins las salas daus XI-XIV sègle (1). Un pauc pus luenh, i a tota 'n'autra sala consacrada au Limousin, lo pintre esmalhor.
Quò per lo mandin, l'apres-mieijorn, anguí a 'na conferença organisada per los amics de la lenga d'òc. Coneissiava degun dins quela amassada. Bon, me gieteren pas de peira tanpauc, aürosadament, adonc, me 'sietet e escotet.
Me permete de botar 'quí la conaria dau jorn, mas 'na granda que quo es me lo eròi.
Aviá pas compres qu'una conferença dins 'na facultat de drech...
Aviá pas compres que la conferença sus los parlars nòrd-occitans a París...
Aviá pas compres que la conferença será qua'iment tota en Lengadocian. Ai 'gut un moment panica, perqué, bon, ai un cede per las leiçons, vise be lo pitit chauve de las vetz sus fr3 occitan fr3 Tolosa, mas segre tota una conferença... E be, pense aver tot compres :-) Es pas bela la vita.
Lo Nicolas Quint, lo tipe d'aqueu sit a realisat tota 'n'enquesta sus lo Marchès. Analiset las variacions dins la lenga, subretot los feminins, afin, una conferença. Lo tipe a escich un libre :
Me : granda ocupacion occitana, los libres sus los parlars.L'autre me : l'a pas 'chaptat benleu !Me : ...L'autre me : tira-te de la tiala virtuala ! Còp-sec !La pòrta : Vrau ! !
Pense pas esser sauvat d'estudiar, de las vetz pense pas dau tot ;-) mas un pauc rassurat, segur. Sei partit coma un volor perqué la pita Sonià m'esperava per descubrir la libreria occitana e catalana de París.
Una pita botica, mas i a de que far. Lo tipe es plasent, sap çò qu'i a dins son magasin, sens dobludar que "lemosin" es pas un gròs mot, e mesma "Bonnet", "Melhau", "Delpastre", "Ganhaire"... i tornarai, segur.
Librairie "Pam de Nas"30, rue des Grands Augustins75006 Paristelefòne / telecopior : 01 43 54 04 84
- Los occitans de París sus la tiala. 'Tencion, an chamjats l'adreiça dau sit.
- DISSABTE 14/03/09 14h30 conferéncia dels amics de la lenga d'òc, facultat de drech sala 110, París 5en.
"Gérard Ligozat, professor, presentarà le siu metòde per aprene le dialècte vivarés-alpin."
nòta :
1/ esmalh champlevat e cloisonat veire maitot un bilhet liat aquí.
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
