Un jorn t'i tornaràs far !

Lo prumier libre occitan de l'annada (e la causa de mon còp de sang queu mandin emb la dròlla sortida deu monde de Barbie).
Vau pas ne'n far una analisi savanta aquí, n'ai pas lo bagatge per 'quò. Ne'n mai de quò, i a lo joèb de Monsur Cavaillé (e quante escrive quò, qu'es pas una mocariá mas dau respect)(ne fau pas que romar sus mon joèb :).

Ai 'chaptat queu libre perqué sei curiós. Voliai lu balhat a ma mair (1) mas ela a mai aimat autre chausa. Segur que perd ren au chamjament. Queu libre es una entrada dins la lenga. Es de bon legir, clar dins las esplicacions, sus las letras, sus la fonetica. Quò es vertadierament ben escrit, insiste. Lo perpaus es qua'iment totjorn enlusit per quauques exemples.
Ai 'gut un regret : veire mens d'una pagina sus lo Lemosin (pense qu'era prevut de far d'autres libres mas l'autor es mòrt avant de poder 'chabar son obratge).

«Lire et écrire l'Occitan» de Raymond Chabbert chas Vent Terral.

notas : de l'orthographe : cercamon, de la langue française : le site

1- despuei que prene de las leiçons per correspondéncia, ela es un pauc mens sus la defensa, mon pair maitot, quante lors pose de las questions sus lo vocabulari (e me de lors portar veire mos devers coma lo grand dadet que sei, de las vetz, vos dise).

Alex, una jòuna filha de quinze ans es ermafrodita. Lo film XXY conta coma sos parents son partits de Buenos Aires per venir s'installar sus la còsta uruguaiana per fugir los normalisators. Lo film debuta emb l'arribada d'un coble d'amics : lo pair es chirurgian estetica, la mair mai interessada per son coifatge. Lo filh a 16 ans...

Lo film ne conta pas l'istòria coma un doloros problèma, qu'era lo principau estèl. Non, la trama es mai sus la espicologia daus adolescents, l'evolucion d'un estre dins lo còrs, dins la normalitat d'un monde d'adultes.

La realisatritz bailha a veire quand mesma una scèna de viòl, de creire quò coma inevitable dins queu genre de film. Lo film es maitot per los lectors de "teleramà", laidonc, los simbols per très balas son 'quí : una cleda barada, l'abséncia de comunicacion dintra los jovenòts e las grandas personas, la musica sus fond d'analisi daus regrets, la tempèsta...

Realisat per Lucia Puenzo
Emb : Inés Efron, Martín Piroyansky, Ricardo Darin
Film argentin, françés, espanhòl
Durada : 01o 31min. Annada de produccion : 2007

Plus d'infos sur ce film

Per me, lo viatge en tren es totjorn l'ocasion d'observat la gent.

Quante lo cap de gara anonciet cinc minutas de retard a causa d'una correspondéncia, i a 'gut una pita bufada dins lo compartiment. Eram lo chap-d'an e cinc minutas de mai o de mens, qu'es quò ? E puei, n'i a 'gut un goiat emb una sacha plena de chauses :

1. Una basa de jòc portable (play station de Sony®) davant laquala a fach doas reverenças. Bap ! Perqué pas ?
2. Un lector devede, e qu'es aquí que vòle en venir.

Per seguir lo perqué de queu bilhet, fau anar quí

Quela padela, granda emb tres pès, es una galetièra per far los galetos.

Los galetos son una granda cresp fach emb de la farina de blat negre (ni un bolaigo, ni una fogassa, ni una pita cresp de la Chandelora). Vau tapuscrir la recèpta.

Nota : la Chandelora o la Candelièra.

Ai recebut queu jornau dauqueu sei un colaborator de las vetz (per las bandas dessenhadas)...

Mela, Vole te dediar lo calendier, ben mens chèr que per los boriers. te balharai lors adreças si vòls. Me trobe dins lo "reportatge sus lo BookCrossing" realisat emb l'ajuda d'Orléans TV.

Justificacions a tres euròs :

• Lo tipe dau stud es un amic, de la Dordonha, mas pas occitanòfone.
• Lo tipe de la tele es un pauc coma, eh ben, o b'ètot, e quaraque, mas...
• OrléansTV es client chas nos.

Ai pas pogut botar lo film directament sus nireblog, vos fau cliquar 'quí per lu descharjar e lu legir sus l'ordinator :

clic dret > "enregistrer la cible sous" (emb Operà)

Vaiquí l'imatge dos boiradors per la toristalha, per 30 a 50 euròs, i a per son argent car son tròp corts per èsser utilisats.

Tres fotòs de l'Hermès (o Mercuri) qui velha sus los viatjadors a la gara de Lemòtges-Benedictins.

__

Queu bilhet, non pas per me vantar d'un engenh extraordinari dins la fotò, non pas per ventar sus la SNCF, mas per veire quò que balha las balizas HTML (span title="egau_dins_la_palanqueta")mot solinhat(/span). Fau botar "<" e ">" en plaça de "(" e ")".

Tres fotòs daus boiradors.

Veire lo fòrum Occitania aquí

Los boiradors son realisats emb dos bocins de buesc. A un bot, dins un quart, fau trabalhar lo buesc e far de las entailhas. Los bocins son amassats per un bolon.