Un jorn t'i tornaràs far !

Straight shame !

joan-peire 04/06/2009 @ 20:25

I am sorry for this title in English, it is just for my international audience.

La sason de las marchas de la fiertat es a la debuta que ja los comentators dau tipe :

« sei pas omofòbe mas tots 'quilhs gais (lesbienas, trans, en questionament) dins la rua quò fai meschent genre »
« pensan pas aus dròlles 'quela gent... »
« n'autres los eteròs avem pas de marchas »

« ... »

los comentaris daus comentators, per plenas charretadas son dau parrier au mesma qu'aqueus daus xenofòbes de tots piaus (1).

Aimarai juste que quilhs comentators comprenan una bona vetz que los gais an daus pairs E-T-E-R-Ò-S e que quilhs E-T-E-R-Ò-S ne'n una de marcha de la fiertat emplida de meringa, de bravas ròbas, dau bruch daus tut-tut (e quauques gais son tròp cons per voler viure 'quò :-) ) :

Lo maridatge.

Dempuei abriu quò ne 'resta pas 'na minuta, qua'iment tots los dissabdes, i a una marcha organisada per daus catolistes. Mesma pendant lo mes de mai, lo mes de las chabras, i a 'gut daus maridatges, laidonc per 'na diesena de defilats dins las ruas de quauquas vilas, i a pas de qué foetar un margaud (2).

Faudriá pas obludar que daus defilats, n'i a 'gut d'autres en 'queu debut d'annada, dins los passa-charrieras coma se ditz, i a 'gut mai d'una vetz daus pancartons escrichs

« volem pas nos far encular »

« Um se coijará pas »

« ... »

Quò es benleu pas de la fiertat eterònormativa 'quò ? Non ? Booooooooooooooooon !

Vesetz que los gais son pas tant meschents ! Van pas vos petar la margoleta ilhs, booooooooooooooooon ! Son mesma mai d'un còp tot pròpche dau vòstre fondament...

T ! T ! T ! Ente sei partit fusinar me enquera ?

Nòtas : 1 & 2 : coneisse pas los esquivalents occitans, lo mots-per-mots es pas dau pus brave.

~o(ó;ò)o~

Bon per 'chabar 'queu bilhet d'un biais positiu, dau temps de mon aniversari, cometei un bilhet sus una parelh de manchòts gais mas chinés.
'Questa vetz, 'quò i es, dins un parc alemand, dos manchòts gais son pairs. E 'quela vetz, los genitors avián gietat l'uòu, adonc mos dos amics passeten per 'quí au bon moment e frau que brau, se meteten de coar, tant ben que, a la fin, lo pio-pio 'chabet per surtir. Despuei 4 setmanas, son las vedetas daus temps dau netiatge e de la preparacion dau minjar dau bambinot.

Ai raubat lo filmonet sus BILD.

JIOO

joan-peire 17/05/2009 @ 21:13

Quò es la Jornada Internacionala d'Oposicion a l'Omofòbia (JIOO), e v'autres 'natz legir un tèxte gai d'una trobaritz. Òc-es, auèi de la gent dau temps dau cafe m'an pausat doas questions :

Es-quò ai desjà reçaugut un comentari que portava tòrt o b'etot meschent ?
I a quò daus tèxtes escrichs per los trobadors que parlan d'omosesualitat ?

Per la prumièra interogacion, de las bravas 'quela-quí, pode ben o dire que non, ai jamai 'gut de comentaris odiós, aürosadament, e me trobe pas dins l'espera de'n 'ver. Me pense que v'autres que setz 'quí de legir mas conarias, setz pas omofòbes, o benleu zo disetz pas. Atz rason, podriam nos esmalir en luec de migrar, sabe pas me, per quauqu'un o quauqu'una qu'auriá 'na jamba copada.

Per la seconda, ben quo es totjòrn mauaisat d'interpretar daus tèxtes escrichs dins 'na societat qu'es fòrça desparriera d'aquela dau jorn d'auèi. Segur, i a ben daus trobadors que diriam benleu « gais » uèi, mas dins 'queu temps ? Richard 1er o Bertran de Born porian l'estre. Richard (1) perdequé sabem qu'a confessat lo pechat de sodomia, Bertran per queu bocin de tèxte (2) :

Si tots li dòls, els plors, els marriments
E las dolors, els dams, els chaitiviers
Qu'òm anc ausit en este segle dolent
Fossen ensem semblaran tot leugiers
Contra la mòrt del jove rei anglés

Afe, entre los fantasmes d'un militant e la realitat, i a mai que Viena a traucar e quo es ben aures d'aver un tèxte « veraiament gai », ai nonmàs saugut nomar lo libre dau Pierre Bec « Burlesque et obscénité chez les troubadours ». Eu parla d'un poëma de la Bieiris de Romans.

Pierre Bec balha 'queu tèxte coma l'òbra d'una femna, perqué un òme « se fasent passar per 'na femna per escrire un poëma d'amor destinat a 'n'autra femna » quò es gaire possible (2). Mas davant un tau tèxte, eu balhet doas autras possibilitats : quò se poriá que lo senhal, lo nom de trobaritz, fuguesse mau transcrit, adonc, Bieiris siriá benleu un òme ; o be, La dama, Na Maria, poriá estre la santa Vierja. Las doas possibilitats son pas mesas en avant per Bec.

Lu bote 'quí e vos laisse far vòstre jutjament :

Na Maria, prètz e fina valors,
E'l jòi e'l sen e la fina beutatz,
E l'aculhir e'l prètz e las onors,
E'l gen parlar e l'avinen solatz,
E la douç car' e la gaia cuendança,
E'l douç esgart e l'amorós semblan
Que son en vos, don non avètz engança,
Me fan traire vas vos ses còr truan.

Per que vos prèc, si'us platz, que fin' amors
E gausiment e douç umilitatz
Me posca far ab vos tan de socors,
Que mi donetz, bèla Domna, si'us platz,
Çò don plus ai d'aver jòi esperança ;
Car en vos ai mon còr e mon talan
E per vos ai tot çò qu'ai d'alegrança
E per vos vauc mantas vetz sospiran.

E car beutatz e valors vos enança
Sobre totas, qu'una no'us es denan,
Vos prèc, si'us platz, per çò que'us es onrança,
Que non ametz entendidor truan.

Bèla Dòmna, cui prètz e jòi enança,
E gen parlar, a vos mas coblas man,
Car en vos es gaiez'e alegrança
E tot lo ben qu'òm en dòmna deman.

Nòtas :

'La es positivament considerada chas las lesbienas, mesma sus l'enciclopedia daus gais (lesbienas, trans, en questionament).
1) La legida d'aqueu article de premsa (Historia) me torna far pensar que lo LG Tin s'engana.

2) Lo prumier tipe que m'escriu de las chausas com'aquelas, me marride còp-sec, emai siguesse 'na filha, entau dich entau fach, la transexualitat es pus 'na malaudiá ontosa o epsiquiatrica.
3) o b'etot lo tipe a un marrit probleme.

~~o[@!@]o~~

Avem perdut l'eurovision ;-)

~~o[@!@]o~~

Veire/Escriure Comentaris (2)

Allò Machà.

joan-peire 27/04/2009 @ 00:01

'Chabe l'abstinença numerica per una ben marrida novela, 'na legenda de la nuech, Macha Béranger que son nom vertadier es Michèle Riond, es mòrta a l'atge de 67 ans.

De legir sus lo sit de frança-infò e subretot per auvir las darnieras minutas sus inter lo 30 de junh 2006.

Fuguet LA votz de la nuech, the night voice : l'escota, l'atention, la musica, la votz mas lo rire e quauques còps de gola maitot de 1977 a 2006. D'ela, un tipe un jorn diguèt :

« La sola blancha emb 'na votz de negra ! »

Me sei mai d'una vetz endurmit emb lo pòste e l'espsicologia de basard. Ai p'uns regrets de l'aver fach, d'esser un sens-som. Los angeus an pas 'chabats de tirar sus las clòpas e de netiar las pitas merdas dau pitit chen.

Sem mianuech passat de dietz minutas, barratz los uelhs...

;-(

Hommage à macha Beranger
par seby9

Veire/Escriure Comentaris (1)

Per Andre Fort, catoliste a Orleans !

joan-peire 31/03/2009 @ 07:27

Lu catoliste prumier d'Orleans a lançat au micrò de FBÒ :

«La preuve est faite que le préservatif n'est pas une garantie à 100% contre le sida».

E :

«Il y a écrit sur les boîtes de cigarettes: 'danger'. On devrait mettre sur les boîtes de préservatifs: fiabilité incomplète».

Que far contra 'na tela conaria ? ? ? Li balhat una boita de preservatius e damandar a los veire usats ? ? 'Nar far chiar a la 'gleisa la gent aquí dedins ?

'Viesem queu reportatge scientific :

L'Aventura intima

Christine, Marcelle, Valérie...

joan-peire 22/03/2009 @ 21:27

Be, podiá gaire far sens balhar lo lengareu de la setmana a la pita "Christine, Marcelle, Valérie, Cécile, Marie Boutin".

Quò deu pas esser aisat de metre la Boutin, segur. Sei pas un especialiste de la chausa, per ieu, mon especialisacion son los jòcs de mots purits, mas bon, 'la l'a ben charchar queu-quí.

Avant de balhar la boita, un pitit rapel :

Christine, Marcelle, Valérie, Cécile, Marie Martin es maridada a son cosin german Louis Boutin. Non, fau pas far de comentaris sus la moralitat daus catolistes.
1995, la Boutin es estada nomada consultor dau Conseilh pontificau per la familha de la ciutada vaticana. Segur qu'aura comprenem las soás posicions sus lo preservatiu, los gais, l'avortament...
De 1964 a 1969, erá au bureu de las relacions exterioras dau CNRS. E òc, un organisme scientifica.
La Cristina es estada membre d'un grop d'estudis pas tant luenh que quò de l’AOCPA (Association pour l’objection de conscience à toute participation à l’avortement). Moment fòrt d'aquela assò, 'na marcha per lo dreit a la vita lo 17 de genier 2008. Coma far per acordar las soás creienças e lo respect de la lei Veil sus l'avortament ?

Bon, vòle pas ne'n far de pro, 'la ne'n vau pas la pena, vau solament 'chabar per dire las soás tres chausas las mai importantas realisadas :

Deslocalisacion dau ministere, n'a setmana a Lion, per ren.

Lo combat sens p'uns resultats contra lo mau lotjament (perpaus dau Don Quichotte).

La meijon per 15 euròs per jorn.

Per legir la Cristina sus son blòg, picatz 'quí

~~oO(0!0)Oo~~

Cadeu per te Christine, Marcelle, Valérie, Cécile... l'ai laissada pitita 'quela fotò per respectar la toá pudibondària.

Per rire coma lo papa

joan-peire 20/03/2009 @ 12:10

Pape habile
Video
Mandat per BenSiesta sus wat.tv

Còp de fodra, lo planh dau taureu-vacha.

joan-peire 15/03/2009 @ 20:01

Bon, coma nos fau a n'autres bloguidors e bloguidritz escrir daus bilhets "portors d'eidèias" per pas far purar lo pitit Jesus, anguí (1) veire los autres joèbs per legir ~~de las conarias~~ daus bilhets escrichs coma quò fau. Per eisemple, e sei seriós 'quí, ai aimat queu bilhet. Aprep l'aver legir, anguí querre lo libre a la mediateca, n'i erá pas, bon, aní (1') lu charchar dins 'na librariá, la sason de la bede erá pas enquera duberta. E be, i tornarai far, mas per lo moment, me veiquí de fussinar un pauc, istòria de veire quauquas noveutats e tombí sus "Coup de foudre T1-La Complainte du taureau vache".

L'istòria es 'quela d'un coble de farmier qu'an 'na vacha e per aver daus pitis vedeus e de las pitas vedelas, quo es mai aisat d'aver un taureu (2). Adonc, veiquí nostre farmier tornat de la feira coma un taureu "pas char"(3), lu portet dins lo prat tot urós coma un tipe pret per véser lo film dau dissabde ser sus anal+. Mas semblarai que lo taureu es pas interessat de tròp per la vacha, non pas que se senta gai, mas pus filha que goiat. Ne'n mai d'aquò, la fodra (4) tomba e vei-los-quí, vacha e taureu de parlar de lurs problemas esistenciaus a la farmièra e au farmier d'aiciant a la fin ente lo farmier torna revendre lo taureu.

Per esser franc, m'es 'vís que traitar d'aquela tematica dins 'na bede grand public es 'na bona chausa, mas, conjoncion botada 'quí per contrabalançar la positivitat de la prumièra preposicion, mas perdequé far tant bargassar la gent dins tant de paginas quante la maitat i sufiriá ? Una vetz la situacion coneguda, pas la pena d'i tornar 36 còps per o tornar dire.

Lo taureu eispausa mai que ben la situacion dau punt de vuda de la question dau genre :

« sei una vacha dins un còrs de taureu, quo es coma aquò »

dau punt de vuda de la sexualitat

« non, podetz pas me damandar de me forçar a bicar per vòstre benaise»

e de la normalitat

« lo veterinari ven per me far quauquaren ? Ai pas tot sasit ! »

Una autra critica per mon perron de criticor-jamai-content, quò es la vacha. Ai beu aver estudiat la mecanica de la reproduccion chas los animeus, me semble gaire aver compres que la fumela erá somisa a son desir e totjorn presta per se far engrossar. Le traitament de la vacha, un pauc nècia e aürosa tant aprep aver bicar coma dins la maternitat, es sexiste.
Per 'chabar, los farmiers : la femna es un pauc concervatritz dins sos perpaus, mas 'la a 'na 'tituda pratica ; lo tipe es despassat per los eveniments, juga sus la soá masculinitat per far dau chantatge a la taurela. Quo es pas ben brave tot quò, s'en obludar que los dos se desbarassen dau fotor de merda emb son questionament sus l'eisistença.

Lu dise 'quí, lo taureu m'a fach rire dins sas mimicas, e quo es un plaser tau que tau de veire lo subject abordat ne'n bede mas mesfia de pas esser tròp mocandier.

Legir un avis sus bdselection
Legir un avis transidentitari sus caphi

Los amators de bede sus lo subjet daus trans~genres/sexuaus poden legir "Soleil cou coupé" de Lax & Bertoix. Bede un pauc negra mas plan interessanta sus lo biais de viure per "quilhs gents".

Nòtas :
1/ Pode far sens cultivar mon embonilh dins mon pitit cuenh.
1'/ Mas ai lo sens de l'umor.
2/ Sem dins 'na bede grand public tanben, l'engrossatge artificiau n'es pas lo subject mesma se dins la vertadièra vita...
3/ Un chavau bon merchat quò es rale, mas çò qu'es rare es char, adonc, un chavau bon merchat es char (Ionescò, per la pagina granda cultura).
4/ Second punt de cultura d'aqueu bilhet. Eisista ne'n francès e benleu en occitan una diferença de genre dins "fodra". La fodra tomba dau ceu e lo fodra es un atribut de Jupiter-Zeus dins los ciaus. Sens liam emb la question dau genre, a la prumièra legida aviá compres que qu'erá la fodra que "rendava trans" e segur que sei restar chas me dès que quò montava brun [nòta dau Desire : los perpaus transfòbes an pas besonh de propaganda, te dise pas marci Jipe]. Vau aura parlar de la transexualitat dins la mitologia, 'n'autre biais culturau d'aqueu bilhet, t !

Dins las metamorfosas d'Ovide, i a l'istòria d'un jòune bargier, un pauc vinvòla, lo Tiresias. Queu bargier un jorn vés dos serps s'acoblar. Còp-sec, veiquí Atena 'ribada per lu tresmudar ne'n filha. Son coma 'quò los ancians dius. Bon ben nòstre goaiata aura, vís coma 'na filha, as mesma un pitit. Mas, los dius s'einuian dins los ceus e un jorn, Jupiter & Junon se chamalhavan per saber qui de la femna o b'etot de l'òme preniá lo pus plaser dins l'acte sexuau ? Coma Tiresias erá estat goiat e dròlla, van la-lu far chiar emb 'quò. E lo-la Tiresias de dire que quò es la femna, provocant la furor de Junon. Còp-sec, lo veiquí tornat òme, mas se un diu pòt pas chamjar çò qu'a fach 'n'autre, Jupiter li crebet los uelhs per lu far devin.

~~o(*!*)o~~

Per restar dins la tonalitat e dau mesma còp tornar chas los gais, un pitit comentari sus los gatges disponibles sus lo Hitlerfòne per Google©.

Lo darrier gatge es un detector de gais. A la debuta me sei dich, ouf, aurai pus mestier de surtir ma grossa antena dins la rua per saber se un goiat es gai o pas. Me fau 'chaptar la merda ondactiva, installar lo gatge e esperar que mon veisin paubres-pitits-queu-goiat-e-sem-bentòt-l'estiu-e-vai-se-parmenar-meitat-nut-espres-davant-chas-me-enquera-ujan faja clinhotat lo chause. Mas non, quò marcha pas coma aquò.
Los americans, ilhs son fòrts 'quela gent, los americans an realisats de las recharchas (1) sus l'origina ~~de la conaria~~ de l'omosexualitat per 'chabar per creire que benleu la genetica, benleu lo cerveu, e benleu, tendetz v'autres, benleu "las marcas digitalas e lo biais d'usar la man mança (2)" es un sinhe per reconeitre los gais. Per las lesbianas, quò es desparrier e las charchas son menadas autrament. Sens obludar que :

Me, las lesbianas, se las 'trapava emb mon gros biron, 'chabarian ben d'esser lesbianas. Segur !

Tornam a nòstre detector de gais, 'pelat "straight", per eterò. Sufís de pausar la partida superiora dau guinhaire sus l'escran dau hitlerfone per veire los messatges «Sorry, sweetie, you are» o b'etot «You are the man».

Bon, aus USA, los gais an mai de poder, economicament, qu'en Euròpa e m'es 'vís que lo boicote es aprep s'organisar. Çò qu'es un pau estranh fòra lo desvelopament d'una tela merda-mesma-pas-aquí-per-rire (3), quò es la responsa de Google©.

« 'Queu gatge pòt ofensar d'aucuns, mas pensan pas violar la lei. Usar daus estereòtipes per tau o tau gròp de persona es pas aguir queu gròp». Quo es ben conegut que : los josius an las mans crochudas, un gròs nas e per mielhs se far reperar, perqué son pas francs, portavan a una epoca una estela jauna sus la peitrina.

De legir sus la tiala sus Rue89
Legir 'n'autre 'vis sus alterheros

Nòtas :
1/ Los dets daus gais sus alteròis
2/ Despuei 'quela legida, ai 'restat de me tripotat a gaucha, vole esser de dreita, vole esser de dreita ;-)
3/ Ai fach de las charchas, lo gatge es pas jamai botar dins la casa "umor".

Otratge a la familha

joan-peire 09/03/2009 @ 20:30

Segond lo vejaire de l'esveque de Baiona, veiquí lo jutjament portat sus lo projecte de lei sus l'estatut dau beupair e de la belamair. Quo es « un noveu otratge fach contra la familha » per « brisar los repaires fondamentaus ».

Queu messagte era a la debuta per las olhas dau seu diocèsi, mas, chas los catolistes los afars son un pauc desboiras e lo tèxte se trobet se'n i o voler sus la tiala daus esveques de la França autorisada.
Vos passe la parladissa sus lo "lobby" gai (perqué los catolistes son pas un grop de preission, ilhs ? non non, son de la gent totjorn a poncha dau progrès).
L'esveque jutja que la lei dubrirá la pòrta a l'adoption per los gais e las lesbienas, e qu'un goiat per frotjar a mestier d'alteritat e d'una familha composada d'un masle e d'une fumela.

Bon ai vogut far cort sus los desboiradís surtits dau cerveu malauta d'aqueu tipe.
I a 'gut una arluciada dins mon ordinator, ma mair es benleu un trans, o mon pair es 'na tanta...
Quò es una conaria, segur, mas bon, los eteros podan far de las tapetas, adonc, l'esveque de mon cuòu crenh un malaür per ren. Quò sens dobludar que i a un fum d'escòlas non-mixtas tengudas per daus tipes portant la ròba, benleu per de las rasons pas catolicas de tròp, afin, m'es 'vís.

Veire lo bilhet sus Illico , 'tencion + de 18 ans, subretot per la propaganda.

~~o(°o°)o~~

De veire queu film, ai retengut una chausa : l'espèr.
Queu tipe a desfrischat lo militantisme politic "comunautari". Los arguments son los mesma auèi davant de las Boutins o b'etot daus esveques de Baiona, que davant la gent d'aquela epoca (qua'iment 40 ans). Lo biais de far deu esser lo mesme.

Plus d'infos sur ce film

Harvey Bernard Milk (nascut lo 22 de mai de 1930, mort lo 27 de novembre 1978) erá un òme politic american e un militant per los drechs civics daus gais. Fuguet lo prumier conselhèr gai overtament gai de la vila de San Franciscò. Fuguet tuat, coma lo maire Gerge Moscone lo 27 de novembre 1978, per Dan White.
Realisat per Gus Van Sant,
Emb : Sean Penn, Josh Brolin, Emile Hirsch

~~o(°o°)o~~

Veire/Escriure Comentaris (3)