Un jorn t'i tornaràs far !

Bote 'quí totas las formas de justificacions qu'ai 'gut a trobar sus lo sosten dau Tibet.

Quò debutèt lo dimenc de ser, dins l'espèra daus resultats (1). Sei ribat e aivougut parlar dau Dalaï-Lama e de la revolta dau pòple tibetan. Dins lo desòrdre :
-Quò vai pas, quò es un gròs reac !
-Qu'es un cap religiós, quò es estonant un sosten de ta persona !
-Lo darrier combat daus bobòs gais !
-Vòl tornar a l'edat mejana, etc...

Bon, aquí deguèri esplicar que lo meu sosten es totjor estat per lo combat per la libertat contra totas formas de poder totalitari. Qu'ai començat de legir daus tèxtes sus lo Bodisme de l'atge de 15 an e que lo mot "bobo" existava mesme pas (2). Ai tornat remembrar que beucòp dins queu luòc son per sostener los palestinians contra los colons israelians (3), i a pas un pòple mai malurós que los autres. Ai tornat dire que lo Dalaï-Lama a 'chabat per ne voler qu'una forma d'autonomia e una societat d'union dintra lo marxisme e lo bodisme ; quò es pas mai en contradiccion qu'un tipe emplegat aus impots e militant per l'alternativa libertari...

Ier, diluns, jorn dau repaire de "la bas", ai volgut badinar emb tot quò en composant una aficha sus laquela se trabava l'imagte dau Dalaï-Lama e escrit emb la poliça "Disney" : vòle remercejar lo luòc per lo sosten dins nostre combat.
E paubres pitits, los gauchistas son pas per rire de tot. Ai tornat ne'n prendre una e laidonc, ai degut me justifiar ne'n esplicant que :

òc ben, queu tipe es un cap religiós e a escrit de las saloperias sus las femnas MAS queu tipe dins una conferénçia (4) a tornat dire que ònte lo bodisme es contra l'avortament, l'òme (dalaï dins queu perpaus) es contra balhar una vita de sufrança per un nanet non desirat e que laidonc, l'avortament deu èsser una possibilitat. Quò es totjorn queu tipe que a dich que l'omosexualitat per los religiós (los monges aquí) es defenduda MAS per la gen perqué non, quò es pas mau de se far dau plaser.

Merda, quant aviá 16 ans ai preferat legir quò que certanas tiradas dogmaticas.
Bon 'reste 'quí per pas romar de tròp e per preparar lo bilhet de deman, queuquí es sens fialat (sens preparar de borolhon).

Notas : las fotòs son per una de las prejairas dins los vents, per l'autre una font dau Lemosin, creiença per creiença.
1 - Grouard (dreita-dreita) contra Sueur (dreite, o b'etot modem, o b'etot socialchic).
2 - Ne'n ai 37 auèi e me'n fote pas d'èsser traitat. "bobo" es devengut un de queus mots per 'chabar totas discutidas (coma "nazi", "facista"...).
3 - Sens jamai tombat, urosament, dins queu sentiment mai antisemite que progressiste coma podèm l'auvir de las vetz a la radiò. En mai d'aquò sei pas segur que los regents de la Palestina se troban èsser de grands democrates.
4 - "Au-delà des dogmes" per lo Dalaï-Lama.

Sens comentaris

=

E quela imagte d'archivas perqué me sei fach traitar d'omofobe, n'importe qué, qu'es un jòc de mots sus la chamisa d'un cicliste.

Lo sent patron daus gais, veire la brava videò sus Orléans TV.

Alex, una jòuna filha de quinze ans es ermafrodita. Lo film XXY conta coma sos parents son partits de Buenos Aires per venir s'installar sus la còsta uruguaiana per fugir los normalisators. Lo film debuta emb l'arribada d'un coble d'amics : lo pair es chirurgian estetica, la mair mai interessada per son coifatge. Lo filh a 16 ans...

Lo film ne conta pas l'istòria coma un doloros problèma, qu'era lo principau estèl. Non, la trama es mai sus la espicologia daus adolescents, l'evolucion d'un estre dins lo còrs, dins la normalitat d'un monde d'adultes.

La realisatritz bailha a veire quand mesma una scèna de viòl, de creire quò coma inevitable dins queu genre de film. Lo film es maitot per los lectors de "teleramà", laidonc, los simbols per très balas son 'quí : una cleda barada, l'abséncia de comunicacion dintra los jovenòts e las grandas personas, la musica sus fond d'analisi daus regrets, la tempèsta...

Realisat per Lucia Puenzo
Emb : Inés Efron, Martín Piroyansky, Ricardo Darin
Film argentin, françés, espanhòl
Durada : 01o 31min. Annada de produccion : 2007

Plus d'infos sur ce film

Ai recebut queu jornau dauqueu sei un colaborator de las vetz (per las bandas dessenhadas)...

Mela, Vole te dediar lo calendier, ben mens chèr que per los boriers. te balharai lors adreças si vòls. Me trobe dins lo "reportatge sus lo BookCrossing" realisat emb l'ajuda d'Orléans TV.

Justificacions a tres euròs :

• Lo tipe dau stud es un amic, de la Dordonha, mas pas occitanòfone.
• Lo tipe de la tele es un pauc coma, eh ben, o b'ètot, e quaraque, mas...
• OrléansTV es client chas nos.

Memòria daus tziganas

Poulouche èra la memòria per la deportacion dau Pòple Tzigana. Ven de morir a Peitieus dins sa 77èma annada. A dietz ans, circulava dins la rolòta de la familha dau costat de Merignac (Gironda). En 1940, lo poder de Vichy e sa polícia avián bastit tres camps (Peitieus, Montreuil-Bellay, Jargeau) per los associaus : nomadas, bagassas, fòls...
Poulouche, de son vertadier nom Jean louis Bauer, aviá ditz dins una parlicada emb "la République" :

Los nazis metián qua'iment jamai los pès dins lo camp. Qu'èra presque totjorn daus gendarmas francés que nos gardavam.

A Jargeau (dins lo Loiret), lo collègi siguèt bastit sus la plaça mesma del ancian camp. Poulouche a degut se batre per veire una pèira levada per gardar la memòria.

Sieta te aquí e pren nòtas !

Emb un parier òrdre, me sei surprés, ier au ser, de far lo meu bilan (sus l'atmosfèra, çò que pense, mon gròs embonilh...) d'una reünion e doas amassadas generalas, e quò en occitan, sens mon libre de vocabulari e tot, e tot.. Veiquí mon boiradís [e entre crochats ma adicion per la comprenença] :

Dimars : Lo 108 es un bastiment de la comuna jos lo govern d'una associacion.

... Lo tipe ditz sens 'restar "l'idèia es que". A fòrça de lo tornar dire, n'i a gaire d'idèias que sòrton dau monològ. Lo 108 es d'essença autò-gescionari, alaidonc gerèm. Gerèm "los espacis dediats" per la cultura (musica, teatre...), gerèm, gerèm...

La major problèma es que lo temps passat per psicò-garir "gerir" es pas mes dins la creacion e maitot dins la difusion [per nostra companhia de teatre au mens]. Autre problèma, la definicion daus espacis balha de las frasas coma quò :

Metèm en adequacion daus mòdes de convergença dintra lo luec e l'identitat de 'quela associacion...

Vam nos atalar de rencontrar...

Favorisam la colaboracion entre 'quela assò e la possibilitat d'èsser en centra vila...

Concertacion, convivialitat, sinergie, accesibilitat e mesma "art multimedià" ? ? ?

I a beucòp dos lectors de teleramà dins la sala :-)

Deu èsser clar aquí. Sei partida prenenta a 100% dins aquel project [e des la debuta. Era lo regent de la companhia] mas a fòrça de barrar emb clau la structura, n'i a pus de place per lo plaser e l'espontaneitat o b'etot tot simplament per "èsser" sens se posar un fum de questions (e benleu se trobar sol, se ramassar per tornar se levar mai fòrt). Pense (ieu maitot) qu'un passatge d'a pè deu èsser protegat mas pas per 15 cledas.

Bon, ÒM, lo tipe pas los autres, ÒM vol gerir las financas dau luec. 'Quí vos laisse emd l'imatge de las potas de la directritz de l'opitau dins las "invasions barbaras" [fotò o videò a trobar deman mandin]

Diluns : La tranuga es lo luec de gaucha d'Orléans
... "Me, personalament, pense que" un tipe de l'alternativa libertaira, atencion, pas un anarchiste, arresta pas de començar totas sas frasas per aqueus mots per fin finalament ne pus voler veire un mec que la testa li reven pas (tsarcosi propose daus tests ADN, non ?).

Los aime ben los extrem-gauchistes mas perquè èsser si pauc jauvent dins la vita. Son tristes. Quò manca de sèxe, ne'n sei segur. M'on jamai fach chiar d'èsser de la CFDT (Ooooooo ! Perdon), ni d'èsser gai, mas per ilhs sei un comunautariste. L'emancipacion e l'egalitat daus drechs semblon sovent "piti borgés". Per mon peron, una analisa "bordieusiena" des chausas me convenc que la luta es contra de las fòrças de la reaction e es una transversala sociala de contró-balançament dominants/dominats [vau far un bilhet sus quò].
Per rire, n'i a quauqu'un que s'es fotut de mas novelas chauçaduras (matèria sintetiqua reciclabla roja lusinta). Ai repondut que sei per una revolucion "en satin", tota en doçor. Que quant marche dins la rua, la revolucion avança (elas pòdon se trobar en ròsa per los socialchics, irange per los modernistes, blau per los tsarcosites).

Dissabde : los gais e las lesbianas (e los bis, los trans, los que se posant de las questions...).
Aquí sei lo dangier de las langues autre que lo francés, mesma per la lenga daus signes. T ! Quò perqué una vetz ai vogut legir en francés e en occitan un tèxte de Bertran de Born (1).

De qué, le Lengadoc va pas jusca a Lemòtges

E perqué pas en breton, aquí nos avèm qu'una lenga

Si tot los monde fa parelh, ÒM s'en sòrt pus...

De las personas progresistas : pròfs de francés, cadres dins l'administracion publique, pas d'obriers, pas de païsans. Sol un pròf es de mon costat, força forçada, ven de Perpinhan e se ditz CATALAN.

De fach, los aime plan los gais, mas deurián èsser mai dubert. Per beucòp, de legir tant de libres, d'aver estat los preponderant culturaus, d'èsser (sovent) protegeat dins l'emplec, d'aver tant d'analisis, tot quò per jamai o si pauc se remetre en causa o mai que quò, de començar de se changar se-mesma avant de voler changar la societat. Ai du mau d'auvir certainas conarias.

Per queu-quí que tota la setmana serra las fessas (trabalh o familha), comprene ben la necessitat de la comunautat tant comerciala per la festa qu'associativa per lo benaise. Mas devèm en sortir per gostar la sau de la vita e per pas copiar lo modele vendut per Illicò o Tetu (Paris en generau, o b'etot l'anciena eterò-normalitat devenguda l'ortò-sexualitat [vau far un bilhet sus quò]).

Lao Tse ditz : Una persona es un aubre que frotja lo jorn mai la nuech, e vau me coijar 'quí... ai dau trabalh e de las coreccions a far dins queu tèxte.

Notas : 1- Si tots li dòls, els plors, els marriments / E las dolors, els dams, els chaitiviers / Qu'òm anc ausit en este segle dolent / Fossen ensem semblaran tot leugiers / Contra la mòrt del jove rei anglés

Vaiquí lo meu d'i-fòne, fargat en porcelana "of course", perqué ieu lo vali ben :-)