Un jorn t'i tornaràs far !
Lo joèb de Jan Peire

Dins lo Marròc d'auèi, una pita istòria dau pòple Amazigh mai conegut jos lo nom de Berbère. Lo pòple siguet diabolisat per los regents. Lo protectorat françès fuguet metut ne'n plaça per aidar a la dominacion daus Berbères per los aujòus dau rei ; n'i a 'gut una partida jos dominacion espanhòla. Lo poder dau rei fuguet sietat per l'independença e dempuèi quauques annadas i a una fòrma d'islamisacion de la societat dintr'autre contra la majoritat berbère.

Lo negacionisme & la persecucion daus Berbères
Lo Marròc coma 'na granda partida dau Magrèb es un país berbère e non pas arabe coma d'aucuns o pretendon. Mas n'i a pas de cadena de televisions berbères, quitament pas de representant dins lo governament, pas lo drech de balhar un piti nom berbère a sos nanets(1). Los berberès son estranhiers dins lors país. Una granda part de tot quò ven de la colonisacion, de Lyautey (2) que a pres coma identitat dau Marròc lo sol islam botant defòra las fòrmas mai democraticas que lo sultanat. Los berbères eran organisats ne'n pitas amassadas. Los òmes e las femnas avian mai de drech avant la colonisacion.

Los temps presents.
Regulieraments los intellectuaus son 'restats, los jornaus brulats, sens obludar los tuats. Per "domesticar" los berbères, lo poder balhet l'autorisacion d'enseinhar la lenga dins quauques escolas, mas quò n'empaichet pas l'ONU de far un rapòrt sus l'illetrisme mantengut per los berbères. Adonc Ahmed explicet que dins quelas condicions quo es pas aisat de far naisser un eime berbère.

Ahmed Bouissan es refugiat politic, viu a Orleans, escriu dins daus jornaus e (crese) sus lo sit amazighworld.org

Ne'n mai d'aquò :
-L'aficha per la parladissa fuguet traitada per un dròlle de banlèga de «d'aquò de païsan», vergonha, vergonha !
-Per coneitre un pauc Ahmed, es un tipe clarament contre l'idèia panarabe, laidonc contre la suprematia d'una raça, d'una religion sus n'autre. Quò me plai ben.
-Queuques noms de resitant-a-s dins l'istòria : Dihia, Aksel, St Augustin
-un libre : "les berbères" Gabriel Camps.
-un joèb occitan-touareg

Notas :
1- ai dau mau per far compréner a un tipe dins la sala que la postièra voliá pas me balhar una letra ònte mon sol prenom era escrich ne'n occitan. Qup es pas lo vostre pitit nom dessur la carta d'identitat.
2- Gai e quò se sabiá, Clemenceau aguet 'quela paraula : « Vaiquí un òme remirable, coratgos, que a totjorn de las colhas au cuol... mesma se de las vetz quò es pas las soás ».

Aprep la parucion de queu bilhet, i a 'gut un planh e lo Val vouguèt que Siné balhessa de las excusas. Siné es un provocator e es pas lo meu dessinhator preferat dins Charlie mas la tonalitat escricha de sos bilhets a totjorn estada enchaison de rire o de me fotre dins de grands enratjaments perque n'era pas d'acòrd.

Siné aima pas grand monde : ni los gais (1) ni los musulmans (2), ni mai los josieus o b'etot los catolics, enquera mens los còrses o los soudars... Siné n'aima degun ren mai que los chats e lo bon vin.

Ne'n mai d'aquò, Siné es conegut per las soás posicions anti-israelienas o subretot pro-palestienas. Adonc vaiquí lo Siné virat per antisimetisme, òc-ben, los perpaus lo son, mas perqué pas l'aver virat per omophobia ne'n junh 1997 (3), per islamophobia (2), pense que lo Val e los autres avocats de la bona pensada an daus embalaments variables. 'N'autre rason est balhada dins Marianne2.fr autorn dau sosten de Siné (e Cavanna mai Polac) a Denis Robert dins l'afar Clearstream.

Notas : "l'enragé" dau Siné mas lo dessenh es dau Willem

(1) Siné era pertant un grand amic de Jean Genet.

(2) 11 de junh 2008, dins Charlie Hebdo : «Je n'ai jamais brillé par ma tolérance mais ça ne s'arrange pas et, au risque de passer pour politiquement incorrect, j'avoue que, de plus en plus, les musulmans m'insupportent et que, plus je croise les femmes voilées qui prolifèrent dans mon quartier, plus j'ai envie de leur botter violemment le cul !» e per contunhar «Leurs maris barbus embabouchés et en sarouel coranique sous leur tunique n'ont rien à leur envier point de vue disgracieux. Ils rivalisent de ridicule avec les juifs loubavitchs ! Je renverserais aussi de bon coeur, le plat de lentilles à la saucisse sur la tronche des mômes qui refusent de manger du cochon à la cantoche».

(3)l'article se trobarat aquí quand l'aura numerisat.

(4)secta ven de "secare" coupar. Lo cerveu es coupat de la rason dins una religion, non ?

Plejat de rire, vertadierament, eclatat de rire, paubre de nos !

Ne'n mai d'aquò, de legir las nòvas d'Occitània, sei tombat sus queu tipe a Tornafuelha qu'es obsedat per los AVI (Apleches Volaires Inconeguts d'aprep Cantalausa). Per lu trobar quò es pas malaisat, dins un motor de recèrchas, claverdatz "OVNI" "A380" "TOURNEFEUILLE", e lu vaiquí 'ribat.

Bon, ne vòle pas me mocar, quò es pas lo genre de la maison, ai donc realisar las cerchas emb "OVNI" solament. E lalà ! Una vagua d'AVI es 'quí e degun ditz ren.

Sabe pas mas totas 'quelas vertats cachadas (per l'Isla d'Yeu, lo mistèri es resougut segon lo figarò !), me fan dire que sem mau barrat. Es-quò de dire qu'avem besonh d'aver ne'n permanènça un enemic (josieu, gai, francmaçon, CIA, la starac) per ne pas gaitar lo monde dins sa (trista) realitat ?

La question demòra posada, ai nonmàs lo temps de postar queu bilhet, qu'ai un film de gaitar. Un film sus un ExtraTerrestra capturat per los japonés, son mai forts que nos autres los japonés.

De balhar la possibilitat per chadun de farjar la soá extencion dins una forma de depaus, vaiquí lo subjècte de l'amassada public internacionala de 'quela setmana a París.

.òc .bzh .cat
.lm pour los lemosins .pv .lg .gs .av .va
.em per mon embonilh :-))

Lo regent Paul TWOMEY precisa lo cadre per queu noveu dispositiu dins quatre grandas limitas fixadas :

• respiech de las comunautats reconegudas (politiques, religiosas e culturalas (quo es bon per n'autres quò)).
• respiech dau drech de las marcas.
• interdiccion de la ciberocupacion (cybersquatting ne'n francés).
• interdiccion daus chafre contraris de l'òrdre public (.terrorisma o b'etot .academiefrançaise per balhar daus exemples).

Dins sa "filosòfia" l'ICANN (quò resta daus merchands) es per èsser generós dins l'atribucion sens tròp voler veire frotjar una jongle, laidonc, a ja pensat un sistèma per reglar los litiges :

Se doas personas vòlon deposar una mesma extencion, elas an tres mes per reglar l'afar, si que non, l'extencion es mesa a l'enquant. Per complementar quò, una procedura de tipe UDRP (Uniform Dispute Resolution Policy) resta a trobar.

Ne'n mai de quò, doas autras novelas :

1. Lo cordon d'avec l'administracion americana deuriá èsser copat, òc ben per respectar la multipolaritat dins la regença dau oèb, mas si qu'es per un cordon controlat per los merchats de la moneda, qu'es pas tant una bona novela que quò.
2. L'ICANN es presta per deliurar lo sistèma d'adreça e l'ubrir a tot los alfabets dau monde, ideograma, cirillic e occitan de segur.