Emai lo lemosin te semblesse pas chausa aisada d'aprener, 'quò será totjorn la moscha que t'empacharàs de durmir la nuech.
Quo es sens liams emb l'occitan, segur, mas coma lo Jacme me sembla aimar la musica dau John Williams (veire la laus 'quí), veiquí non pas una, ni doas, mas tres videòs. N'oblidatz pas d'anar veire lo sit de la Mela, un còp de mai, n'i en a d'autras (mesma jugat a la chabreta).
'Tencion, fumar o aver fumar fai veire un elefant ròse sus lo drapeu occitan :-)
E sabe qu'a passat l'atge de jugar emb las pitas bricas :p
Per 'chabar, l'occitània band electrò 'tropelada ! !
Queu companh, i a quauques annadas, a vougut apréner de far un sit, dins queu temps mos piaus eran mens gris, podiem culhir las flors sus las tauveras... dins queu temps, i aviá pas los blògs, adonc, tot lo sit siget realisat en HTML. Ieu aviá realisat las prumieras paginas e aviá laissat quauques libres au Patric. Doas setmanas passadas, lo sit erá 'quí emb 'na navigacion aisada, daus botons colorats ; per dos amators, nos en surtissiam mai que ben, lo professor (me questa vetz) mai l'escolan an 'gut las felicitacions dau regent de l'associacion, bravò per ilhs, ben aüros los einnocents.
Lo Patric aprep 'na vintena d'annadas passadas a Orleans, a vougut demorar dins 'n'autra vila e es parti a Nante. Coma es professor de chant, eu es un vertadier prof pas coma me, per ganhar sa vita ne'n mai d'èsser chantor, a realisat un sit oèb per "se vendre un pauc" e subretot se far coneitre. M'a damandat de far dau referencament naturau per lo seu sit, un pauc coma 'na laus. Quò es l'ocasion d'aqueu bilhet.
Lo sit es copilhat en pitas rubricas :
Per esemple "far marchar sa votz" es la partida dins laquala aprenem que sem tots egaus, mas fasem pas tots marchar la votz dau mesma biais, ço que fai que d'aucun an una votz terna aprep 'na legida e d'autres poden parlar tota la jornada sens fatigar.
Las autras rubricas balhan de veire los desparriers classaments de la votz, lo tipe de votz per tau o tau mestier, dins tela o tela profession.
Breu, la votz jos totas sas cosduras sus "formation vocale Nantes" lo sit es sonque en francés, mas sabe que lo Patric es pas un colon. A 'chaptat mai d'un libres sus la tiponimia bretona, la cultura. E coma chantor baroque eu passa d'una lenga l'autra, e perdequé pas un jorn lo breton, l'a ben ja fach per l'occitan.
Coma sabiai pas quaus son sos gosts dins la pintura, ne'n veiquí una demest d'autras ; iò sabe, es pas vielh de marchar sus tres chambas, mas bon, l'imagte es plasenta...
E per las 1000 planchas, pòsts... Bon per los 1000 bilhets e subretot perque ela a pas pensat a queu present sus la soá lista de pervesion :
Coma sabe pas se ela a coma bestiola un margaud, 'na mineta, un auseu, 'na chabra o sabe que me en sus de son amorós-mai-aürós, veiquí lo tricòt per lo pitit chen.
Per los que vòlon saber, sei aprep damandar lo pretz de la tailha EEEEEL (estra estra estra estra estra larga) per l'ors.
Las ai pas trobadas de charchar terrorisme, segur.
Veiquí un premi d'animacion
Un jorn, la maijon reçaubava de noveus fautuelhs. Ma granda e d'autras vielhas eran 'quí de visar. L'una disset :
E se nautras jugiam a la mòrta ?
Coma lo prumier goiat venut, las veiquí per una de se botar dins l'un daus fautuelhs, per 'n'autra de se siclar a costat e enquera n'autra de 'pelar 'na filha dins los corredors ne'n cridant "a la mòrta". Quante 'na aida-sonhanta 'ribet, 'la se metet de cridar "coma de verai". E las très vielhas de rire tot lor sadol...
Ai compres aprep còp que la tipessa avia auvit las complotosas e daissat far "lo jòc". Ai fach remarcar a ma granda que quo es pas finaud coma galejada, mas ela m'a dich :
Nos fau ben nos 'musar quauquas vetz.
Son mai natras que meschentas quelas vielhas.
'N'autra vetz, qu'es a la taulada que ma granda a tornada jogar los comandants piquetas (coma sei lo pitit filh, ela m'a nomat "adjudant piqueta"). I aviá una femna que n'arrestava pas de dire :
Qu'es pas bon, n'i a pas pro...
Ma granda tota gorjada d'èsser la tresesma persona la mai atgada de la maijon, prenguet sa forcheta, ela la tapet sus la taula e diguet :
Sei nascuda ne'n 1913, ai connegut las doas guerras, ai minjat mai d'un còp daus cardalhaud e vautres avetz ben degut pas totjorn minjar a vòstra fam. Adonc, auèi, minjatz çò qu'i a dins vòstre 'sieta e barratz la.
Bon, aprep quò, ma granda m'espliquet que beucòp de la gent volon pas li parlar, segur.
JLoís es 'n ancian professor especialisat retirat, curiós de tot e subretot de la pintura e l'escultura. M'a balhat daus libres, de las revistas, avem un abonament per los musèus de la region, breu, sem mai d'un còp dau mesma avis, per un pintre, un tableu, mas pas totjorn. Quò es verai tanben per lo cinemà. Mas, am pas lo mesma atge e per l'ordinator sei un pauc mai savant :p
De las vetz, los dimencs sei convidat per engolar daus gateus per merendar avant de netiar l'ordinator, aidar sus un problèma informatic. De l'eschamge dau saber sens o voler. Queu tipe a benleu 2 x 20 annadas de nòtas sus los musèus un pauc pertot dins lo monde e un saber non partatjat se troba pas èsser d'una granda utilitat. Adonc, ai branchat mai d'une vetz lo JLoís :
-Te fau far un joèb emb totas 'quelas nòtas !
-Me parla pas d'aquela merda, ai mai de quinze ans.
-Mas vise 'quí un joèb escrich, n'i a pas que la granda demaslinada lo cuou dins l'aiga.
-Non ne vole pas n'entendre parlar...
Lo JLoís es dins l'associacion dau pintre Roger Toulouse e aquí i a un tipe maitot que ten la mesma parladura, adonc un jorn :
-Me sei 'chaptar un logiciau per crear un siti sus los reis de França ! Visa !
-Aaaaaa, los reis, mas son mòrts... revolucion... Union Europ...
-Quo es per mon sit, lo meu de sit, ai envéia d'ensajar. Adjuda me donc per l'instalacion.
-Bon, perqué non, aürosadament que totas las gents son pas coma me, autrament me fariá ben vite chiar.
Lo sit sus los pertrachs pinturats daus reis, las reinas, los dròlles e las dròllas, l'imperator e l'imperatrizt es 'quí : reis de la França
Aprep queu sit, sei tornat parlar daus joèbs, e ai passat quauques dimencs a navigar sus la tiala occitana per montrar un joèb "blogspot", un "nireblog", un "spacelive", un "bloger", lo "wordpress", un "typepad", lo "wiki". Coma las modificacions son aisadas de far, mesma se de las vetz i a quauques problèmas.
L'autre tipe, aviá branchat lo JL sus daus còrs de HTML per aquesir 'na basa, pensatz 'na catà per un literari.
E veiquí tornat lo joèb, un prumier bilhet, un prumier còp de telefona per botar lo tèxte ne'n gras, 'na fotò, 'n'autre bilhet, un de mai, lo diesesme...
E me veiquí de far la propaganda per lo joèb sus las nòtas de musèus .
Bonus : Avant la conaria, fau far un punt sus lo Tibet .
'Quela baga es la d'un sorcier, d'un fachilhier mas es granda utila per la "calmituda" davant un pece ouindoze, sens dobludar qu'i a dins la bliblioteca d'una certana persona, pas chas me, un libre sus "lo Zen dins lo tir a l'arc" (un chap-d'òbre mas quauques intelectuaus pòdon pas s'abandonar dins 'n activitat, balhar dau lest dins lo biais de veire lo monde, totjorn lor fau de las rasons faça a 'na machina...).
Sens doblidar lo veire de quefir per la Tolosana de l'espaci.
Quo es la sant Embonilh (lo 29 d'octòbre) o b'etot la sant Narcís. Sabe pas se l'escritura es la mesma per la flor que la dau tipe que se laisset morir de pas minjar per fòrça de se visar dins l'aiga... paubra jounessa d'antan.
Tenir un joèb m'empechará ni de me lo visar, ni de minjar o de 'chabar queu bilhet 'quí.
La prumièra chausa trobada dins un plan conegut motor charchor :
Mielh vau de las narcís per la sant Modèst (24 de febrier
30 d'octòbre = sant benvengut)Que de las crisantèmas per la sant Òrest !
Los masles, i a de las filhas nudas 'quí perqué v'autres lo valetz ben !
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, pichatz 'quí.
Categorias
las videòs sus ioutube
digg it
del.icio.us
