Un jorn t'i tornaràs far !

Las bestiòlas : Vem ne'n vacanças ? Mas quo es pitit per nòsautras un sachon.

JP : Non, sem oblijar de nos daissar 'quí las filhas. Partetz solas 'quela vetz. Setz tròp nombrosas dins los dos bocaus.

Las bestiòlas : Fems ! ! Sanador ! ! Bon, quò es pas la prumièra vetz. D'autras avant nos l'an fach queu grand viatge sens jamai tornar. JP, torna te, n'autras avem un messatge secret per nòstra novela regenta.

I a 'quí dins l'Orleans virtuau, un malhum de joèbs politics, ben sovent socialchiques (cresián ganhats las eleccions coma quò), quauque vetz de dreita (dintra los vilheristes e lo Modem (fòrça de dreita 'qui)). Ai mas testas, segur, e sei 'quí per me la jugar coma lo Noam Chomsky per la libertat de se trufar sus los joèbs.

Dins lo malhum, i a lo Fansolò. L'aime pas, queu tipe, quo es coma quò. Aime pas lo seu umor, aime pas sas eideias de "socialchique que se me trobe a far 'na pista cicliabla quò sera per lo dimenc. los autres jorns debrolha te per respirar los gaz". Aime pas lo partitprès totjorn de segre lo Sueur senator-maxipotant (ancian regent, situat un còp a man dreita dau centre, 'n'autre còp a man manca se vaque emb los còcòs per la ganha)(un pauc coma la Mathieu, ne a man manca, ne a man dreita, mas ente la posam).

Bon vau restar 'quí la pita presentacion per lo fons de l'afar :
Queu "lamentable blogor" s'es trobat condamnat per lo blòg "les amis de Serge Grouard" (blòg plan mocandier sus "una 'massada de monde" que insistavan perque lo Grouard torna se presentat) ; condamnat a balhar 1 euro a monsur Grouard e 1 euro au regent de la comuna.

Mas quo es per dire la vertat 11400 euros esbocinats coma quò :

• 3911,38 euros per la moneda engatjada per lo Serge Grouard.
• 3500 euros au títol de l'articla 700 dau còdi de la procedura civila.
• ~4000 euros per la publicacion dau jutjament dins 2 jorneus.

veiquí lo boton per electròsignar la peticion e l'adreça postala per far daus dons (chèc nominat : "la lettre d'Artur - Solidarité")

La Lettre d'Arthur - Solidarité // 6 boulevard de Québec // 45000 ORLEANS

Conéisse 'na de las personas charjadas de visar l'argent (socialiste benleu, mas esperantiste e cicliste maitot, adonc pas tant perduda que quò).

Los liams :

la pagina sus "mon Orléans"
lo resumat (francés) sus RSF blòg
la pagina ouisquipediana dau regent

e per 'chabat lo joèb dau Fansolò

Per la simbolica, lo margaud es tot gres, lo peisson roja-jaune :-)

Ai trobat sus lo joèb d'n'autre faidit :
Un tipe sul planastèl del Larzac se sarrava d'una lavanha per beure un còp. Alara, un pastre del país que passava per aquí li diguèt :
«Òu, malerós ! embuga pas aquela aiga que las fedas an cagada dedins».

L'autre se virèt e i respondèt en francimand ponchut :
«Eh je comprends... La seguida es 'quí

Sus lo fòrum, i a de la gent, que lo chafre deu demorat secret, per damandar un blogosopar, o bolgomerendet, blogodisnar...
Aurem legit de tot per far mossar lo bloguitge, lo malhum de blog occitan sus la tiala dau ciberespaci mondiau.

E ben per me, tant damandar de las peras a un popula, quò vai pas èsser possible.
Los auvi d'aquí los : aaaaa los lemosins-jamai-contents son fòrt per la parladura mas per far, qu'es pas parrier o b'etot los lemosins, totjorn de traïr las causas occitanas o veiquì ben la gen d'Orleans, coma las de París, mai de 40 qm e son fòraviats o enquera benleu queu tipe balha de veire de la recepta mas quo es la Sonià 'tachada dins la cosina que las fabrica...

E ben non, la vertat es que sei totjorn fòrabandit de ma cosina per causa de l'enquesta sus l'atentat a la confitura.

Auèi me sei trobat interrojat per la polícia, sus los luòc mesma dau crim, per 'na reconstitucion. Semblariá qu'un topin m'a designat coma copable possible.

Dès qu'ai mai d'informacions sus la seguida de l'enquesta, ben, verai.

Los noms e las situacions dins 'queu bilhet autoficcionau son subretot pas inventats e donc quo es benleu qua'iment la vertat... Vaque !

Bau ! Tòst seguit per un bruch de veire que s'esbocina, bradadint-bradadau !

Queu dissabde aprep mieijorn, lo Piaron 'chabet de copilhar la darriera tomata per la boirar dins lo topin, ente i aviá, preparats, des lo mandin-tornat dau merchat, de la rebarba, de l'aubergina e dau sucre. La preparacion aviá facha son aiga, las tomatas meitat vertas erian 'quí per far de la matièra e contrabalançar la sabor agra de la rebarba. L'aubergina, ela, era ja confita, adonc vint minutas a cueire e quò sera 'chabat per cinc topinots de confitura de mai.

Quilhs lemosins jamai contents, ilhs son pas coma los autres que fan dau dissabde un jorn de lesers dins de grandas zonas ente se balha a veire sus daus "4x3" la victòria dau grand capital ; victòria pas tant granda d'aver embrenar lo mot "confitura" per exemple, que de far anar querre e minjar 'quela merda coma 'na lechariá.

Lo Piaron aguet jamai de grandas eideias politicas e far las confituras eriá mai lo biais de segre 'na cultura que d'aucuns volián creire mòrta, que far de la propaganda per la descreissença ; o b'etot se v'autres aimatz mielh, far seu l'avis qu'avant de chamjar lo monde devem nos chamjar d'abòrd.

Vint minutas a cueire, lo temps d'anar butinar lo oèb. Tradicion vòl pas dira contra totas formas de modernitat, chaçorculhor lo jorn, cibernaute la nuech, contradiccions de queu temps.

Vint minutas a cueire, lo pece Mandrilinuxat 'lumat, veiquí nòstre Piaron preste a picar sus l'iconeta Opera en queu dissabde apres mieijorn. Dins la partida corrièl, un messatge : fòrum occitània +++bloguitge malhum de blògs - 1 nouveu messa... +++

Lo bloguitge es 'na initiativa bela d'un autre lemosin, lo Maine, evangelisada sus son blòg per entau far vonvonar "occitan - linga d'òc" sus los motorcharchadors, Google per los americanisabanits. Lo fòrum es 'na forma de gleisa per 'quela novela creiença :

-Far dau flus RSS...
-Fau consolidar los liams
-Avetz obludar mon sit (ò!ó)...

Lo Piaron fuguet jamai un menor, adonc, lo veiquí de segre l'un dos preires, l'Einocent. Las directivas dau jorn son gropadas dins un bilhet. Nos faudrá far dau "google bombing auvernhas" auèi. Lo Piaron reviret quò coma 'na forma de demarchatge sus lo modèl ben conegut daus Temonhs de Jehova ; quò es de dire : anar far chiar la gent lo dissabde mandin dabora per parlar de la supra-intelligéncia extra-terrestra nomada de la vetz : Dieu, Allah, Santa Vierja setz nombrós auèi per la partoza.

-Faudrá far mai d'un bilhet emb los mots : cuou, colha, popa, gai TBM, filhas desvetudas, violada au mitan de la messa.

E nostre Piaron picet los liams daus bloguidors e de las bloguidritz, semblarai que quò fai dau trafic e que quo es important per los motors de charchas.

I a doas preiressas dins la secta, la Mela e la Lutz o b'etot Sens-Titol (sabetz que la charcha d'un chafre occitan es 'na granda ocupacion occitana, un pauc coma lo clafotis-rapieta). Sus queu darrier joèb un'imatge de la Marion Cotillard sus 'na cuberta plan ben facha.

Se troba que lo Piaron, 'quí a Orleans dins lo grand nòrd, a passat quauques seradas emb la pita Cotillard. Viviá dins queu temps 'na vita eteronormalisada emb 'n'actrizt de teatre, la Sonià. l'una es la copina de l'autre, veiquí ma mair, careças mon chin, coneisses mon frair. Breu de las relacions socialas per zo dire tot emb una.
Lo Piaron se tornet 'pelar la prumiera vetz ente dins 'na cosina, eu disset :

"Ses pas actritz te ?"

Silenci a l'entorn de la taula.

"Benleu m'as vist dins "taxi" ?"
"Non, vau jamai veire los films sus las ustras provençalas filmadas camerà sus l'espanla e jostitrats ne'n sud-Finlandés. Non, qu'es dins un daus mai grands films francés. 'Ten te ! Aquí benleu, i sei "la belle verte". Ai adoooooooooooooooooooooooooooooooooorat".
"Mas i a 'gut solament 6000 entradas e "tax..."

La Sonià de dire 'quí :

"Te'n fas pas, qu'es son costat "critica" coma dins l'esquetche daus desconeguts"
"E vives...emb queu tipe..."
"Am dos liechs separats... gai... per lo logier..."

La banda meròriala es pas de prumiera qualitat e quauquas vertats son perdudas per totjorn, mas veiquí un pauc la tenor dau messatge preparat per nòtre Piaron per se far mossar dins los comentaris sus lo blo...

Bau ! Tòst seguit per un bruch de veire que s'esbocina, bradadint-bradadau !

La fenestra es duberta sus la vita dins la rua. Ren, mesma pas 'na bagnòla d'ebolhada, un fanatic de fotbòl de mòrt. Ren. Lo goiat dau veisin juga a far pin-pon sus lo trepador. Mas quò qu'es queu bruch de veire. Un auseu dins n'a vitra ? Los Bush-Laden ?
Lo Piaron viret la testa dins la direccion de la soá cosina per veire 'na fumada grisa que s'espandissiá dins la lonjor de l'apartament.
Meeeeeeeeeeerda. 'Na explosion de confitura ! Mas quò n'eisista pas, quò mesma dins 'na novela merdica escrita ne'n occitan. D'anar veire los degalhs lu faguet visar l'ora e constatat que surfava lo pas-tròp-nèt dempuei 'na ora dèmia.
Meeeeeeeeeeerda, la topinada es bruslada. Puta vierja !
Bon, lo Piaron trobet entau l'origina de las fumadas, mas l'explosion. S'interrogava quante auvet un bruch, coma dire, un pauc coma 'n chabretaire a la debuta. La pòrta de l'armari se dubret tota sola, laisset tombar 'na chausa iranga-roja.

Flau ! De la confitura citrolha-tomata. Un topinot mau barrat, doas setmanas de fermentacion e veiquí 'na bomba artisanala tota trobada contra lo grand capital.

Aprep quò, ben, l'autre grand colhon de Piaron netiet lo gas d'un biais, l'armari d'un autre e v'autre que setz 'quí de legir de las conarias : 'natz donc veire dins vòstra cosina.

La mesma ne'n occitan per la cantratritz Netania Davrath (1966)(lo bocin sus lo Lemosin es dins las doas dernieras minutas). Sus "youtube", picatz 'quí.

E coma ai defendut queu tipe dins 'nautra vita, lo bote aquí.

Mesma punicion, quò se troba vers la fin, la fin dau monde, segur.

Bon, las devinalhas eran aisadas de tròp, adonc la darriera "made in la tanta per la rota.

--->per lo punt OGG picatz aquí

Vau pas 'restar quí queu bilhet sens balhar las solucions dau quò qu'es :

• Qu'es quò que fai lo torn dau buesc sens jamai rintrar dedins ?

• la solucion sonora : l'escòrça

E per l'autre, veiquí 'n'imagte :

--> Un article de mai sus Cheze aquí

Quel estiu, aviá preparat un gropament de quauques aicós (1) per los usar coma pretexte per parlar emb la gent dins lo vilatge e subretot los lurs far dire per que me podesse los enregistrar. Bon, tant lu dire aura, quò n'a pas balhat grand chause fòra la familha :

- La veisina : "Ne vòle pas !Mas trobe los poëmes pas maus".
- "Mercé, qu'es pas çò qu'en esperava !"
- Mon anciana institutritz : "Trobe l'eidèia bona mas..." Ela a pas lo mesma "patois"...
- "Quò compta pas ! Podetz ben sasir pertant mos parents, per un de Sent Breci, per 'n'autre de Grenòr-l'aiga e vos de Briguelh, sens parlar de la veisina de Rechoard."
- "Benleu mas per me qu'era defendut..."

Bonc vau pas botar 'quí 'na istòria mai que mai coneguda. Pertant lo ser, la mesma 'ribet emb tres libres dins las mans. Vam pas chamjar la gent e una institutritz quò balha totjorn daus devers. Ela aviá 'chaptat sens poder ben lo legir un libre (2) sus J.B. Chèze (grafia de 1932). E me d'èsser qua'iment tornat au tableu, questionnat :
- Pòts me legir un bocin. Quo es pas aisat per me, lo biais d'escrire.
- Oooooooo ! Quo es pas aisat de legir per me tot ; los "a finau" son 'quí, quauque "ou", pas un "ò"...

Pausa ouisquipedia : J.B Chèze (1870-1935) es un grand poëte lemosin e felibre. Inspirat per la cultura populara, fuguet un contor de la vita, un contor ente la lenga viva es presenta dins de las nhòrlas plan risentas. Los subjects daus poëmes semblan un pauc vielhs auèi mas pas totjorn, quant a l'estil, eu es maitrisat (coma jamai lo será un certan joèb...).
Bocin 1 : Chansou "A demeisela Margarita Priolo, Reina del Felibrige Lemouzi"

Gentz d'esprit van se trufan,
s'eclafan :
"- Limousin ! Ha ha ! Pouffant !
Limousin ! " et tous de rire...
Lemouzis, leissam lou dire,
Couma el tems de sa baudour,
Sus lou roc d'a Ventadour,
Floureta toujours lei poussa
De pouezia e d'amour,
De courtezia e d'onour.
Nostra terra es la pus doussa.

S'en vai mais d'un franciman
Prouclaman :
-"Fini ! le parler roman !
Mort ! Le patois !" E de rire.
Beus amics, leissatz lou dire,
Lous esvejous ! En qual lueg
Que vous n'aniatz, sus lou pueg,
Dins la coumba ou per la broussa,
Auvetz... - Quan toumba la nueg.
Auvetz-la... Qu'enquera anueg
Nostra lengua es la pus doussa.

S'en van lous ases bramans
Hi Hi Han !
"Une reine ! Ha ha ! Charmant !"
E paubres nescis de rire...
Bouns Felibres, leissam dire,
E culhem nostres razis.
Mantenaires Lemouzis,
Fazem-li tapis de moussa,
Que per Reina avem chausit
-Dieu n'en siaja beneizit-
La pus jolha e la pus doussa.

Bocin 2 : Brinde a la XXIII Eglantina - Sent Junin, 9 de setembre 1923

Lauvada siat l'Eglantina
Beneizida siat la flour
Qu'en terra naut-Lemouzina
Fraire, sor, couzin, couzina
Nous assembla en d'aquel jour.

Sem filhs de la mema rassa ;
Sem goutas del mema sang ;
Jous lou gial ou la chaumassa
Maugrat tounedre ou cougnassa,
Sem martz ds mema chassang

Se la terra n'es pas richa
De Ventadour e d'Ussel
Se nostre po n'es pas micha,
L'istoria qu'avem escricha,
Bras valens e cor fidel

A grand gloria e grand mizera,
En letra de sang e d'or,
L'Istoria de nostre terra,
Touta d'amour e de guerra,
Viva Dieu ! Nous es enquera
rai de Soulelh dins los cor.

Adonc, vau 'restar aquí la pausa per botar lo son d'una nhòrla (coupada en tres per causa de pitit nebot sus los januelhs e margaud curios).

quocomptapas 1
.

quocomptapas 2
.

quocomptapas 3
.

.

Nòtas :
1) los aicós son 'quí
2) los dos autres libres son : Loís dau Lemosin "Pitit paisan dau secle XIX" - Bernat Combi - Jan dau Melhau - de las imatges de la May Angéli. Sus 'na edeia dau Frances Fauchier. Version occitana e la version francesa.

Bon, un darrier "quò qu'es" per la dimenjada, un pauc en avança ma fe, mas sei de servici associatiu...

Niveu 8 ans, aprep quo es defendut :-)

--->per lo punt OGG picatz 'quí per lo charjar.

La responsa es per aquí