Administra ton blòg

Crea un blòg ara ! Es aisit e a gràtis

Categoria: Lengard - conhacopedià

PFG - PD !

joan-peire 11/10/2009 @ 19:30
Quò fai un momenton qu'aviá pas botat de lengareu. Adonc, veiquí lo lengareu o pusleu la lengarela de la setmana. Una pitat lengarela per Mtra Benedicta Puybasset, l'avocata dau Creteil Bebèl.

Dins l'òrdre per perdre degun. Lo 4 d'octòbre, dos grops de banturles devián jugar a la babala - un chause de motivacion, d'integracion, d'emulacion e de fissança en se mesma de per lo sport, un chause 'pelat fotbòl - mas, lo prumièr grop se 'pela París-fot-gai e es composat d'omòs e d'eteròs que pensan entau « defendre lo drech a la desparièra e far cular (1) los prejutjats ». Lo segond grop se 'pela lo Creteil-Bebèl.

Bon, pense qu'avetz entendu parlar d'aqueu afar de corièl mandat per lo regent au PFG :

« Désolé mais par rapport au nom de votre équipe et conformément aux principes de notre équipe, qui est une équipe de musulmans pratiquants, nous ne pouvons jouer contre vous, nos convictions sont de loin plus importantes qu'un simple match de foot, encore une fois excusez-nous de vous avoir prévenu si tard. »

Pense qu'avetz entendu parlar dau desboiradís mediatic (dau Figarò jusca 20 minutas) perque lo « lobby gay » es pertot :-) e benleu, auvit  la reaccion daus jugors :

« Une majorité de l’équipe est choquée, certes, que cette équipe puisse s’appeler Foot Gay... Mais on ne cautionne pas le mail de notre dirigeant. D’ailleurs, il ne nous a pas prévenus de l’envoi de ce courrier. Il a été dépassé par les événements » preciça Ben, lo capitani dau Creteil Bebèl.

Ne'n mai d'aquò, lo tipe e sos collegas volan jugar per mostrar que

« nous ne sommes pas homophobes ». Sens obludar : « Je suis prêt à rassembler l’équipe. On fera un match à onze contre onze et le plus fort gagnera. (2)»

Balhe laidonc la lengarela d'aquesta setmana a Mtra Benedicta Puybasset, l'avocata dau Creteil Bebèl, per sos perpaus auvits 'queu mandin sus Inter :

« Il y a des membres qui sont musulmans, aucun n'est intégriste et certains ne sont pas musulmans. C'est juste une bande de potes qui ont décidé, pour leur loisir après le boulot, de jouer au foot. »

Quo es 'na banda de potes amassada per jugar. Fau rire !

boita_lemosina.jpg

Quo es 'na banda de potes amassada per jugar. Fau rire !

'Quela esprecion me torna far pensar que quante per l'associacion gaia organisava de las sortidas a bicicleta, damandava pas l'orientacion sessuala o b'etot las creienssas, solament a la gent presents de saber pedalar, mesma una vetz, i aguet un coble d'eterò que venguet coma n'autres perqué semblàvam jauvent. Me sovene que lo tipe diguet : « on peut faire du vélo avec votre groupe ? Vous nous semblez tres gais » e la tropelada de se plejar de rire. Lo tipe e la tipessa resteten tot parrier per la balada e las nombrosas conarias dichas. Pertant los principis son de far tornar los noveus...

Seriosament, los mots son desparriers per los gais e lo restant dau monde :
'queu mandin, aprep la lengarela, sei pertit culhir quauquas fruchas per me passar los ners per far de las barras de cerèalas (balharai la recepta 'n autre jorn).
Sòl sus ma bicicleta, una tropelada de sportifs decatlonisats me passet davant mas un daus tipes se 'restet per me conviar : « setz daus nòstres ? » Ai respondut que non.
Lo tipe eriá estat gai, la question eriá estada : « setz de la meijon ? » o b'etot « nos partajam 'na pedala ? » « ne'n sem ? » (3)
Lo tipe eriá estat omofobe : « laidonc, son de la pedala ? » o quauquaren coma 'quò.

Bon espere que un grop de fotbòl occitan convidat de jugar coma los gais fasa pas tant de manièras.

Nòtas :

1/ Cular d'en prumier per mielhs s'encular per la seguida. Bon surtisse.

2/ Aquí ai fach de las charchas « profondas » per trobar la seguida que p'un jornau balhet : [...] Lu mai fòrt ganhará. Sens obludar que lo matche 'chabat, los ganhants prenen los perdants, per tots los traucs qu'Allah© a farjat dins l'òme.

3/ E ma responsa a p'unas rasons d'estre publica ;-)

Brahim Naït-Balk es l'entrainor dau PFG mas as escrich un libre esditat i a pauc : Un homo dans la cité.

Los sits :

~~~

Per me trufar dau responsable de GayLib  e sos islamistes de pertout, la prumièra scèna d'un grand film de marionetas.

E d'autres bocins :

~~~
E per 'chabar, la sessualitat per los gorretons... e las gorretas d'Euròpa ;-)

Anarcorean !

joan-peire 05/04/2009 @ 14:17
Lo lengareu de la setmana es balhat a l'amassada de la redaccion de radiò-frança per la propaganda guerrièra. Veiquí resumat d'un biais qua'iment subjectiu las infòs d'aqueu dimenc mandin : lo NATÒ - La Corèa dau Nòrd - Anarquo-autonomistes, mas 'n autre ordre es possible !

Anarquo-autono-ultrà-gauchistes per las viòlenças dau G20 e d'Estrasborg, sens obludar que mai d'un son benleu Alemand, quò es de dire, per los jornalistes aus ordres, un "pauc bòche". Lo president de París aima pas los alemands e tots los biais per los implicats son bons.

Lo NATÒ provoquet de la violença dins de las manifestacions. Benleu que la gent aguessan estats consultats, lo retorn dins lo NATÒ se feriá pas, benleu, mas per o saber fau viure dins 'na democratia. Una violença fisica pòt esser 'na responsa a de la violença simbolica, emai siàia contra totas fòrmas de violença, pòde zo comprener.

La Corèa dau Nòrd chausiguet ben lo moment per lançar son satelite ; perdon, los jornalistes son 'quí per nos manipular e nos dire que lo satelite porriá estre un biais per cachar una bomba nucleara. Quò es pas la bomba qu'es dangerosa segond los comentaris, quò es la "possibilitat de tochar l'Alasqua, donc lo Obamà (e lo Japan maitot mas dins la bocha dau « natònistes » quò compta pas gaire, e aprep tot, an desjà fach l'esperiença dau fuòc nuclear, non). Ai visat 'na carta, avant l'Obamàland, i a la Corèa dau Sud, la China, la Russia, l'Índia, lo Tibet (veire pagina 120 e aprep dau libret dau CLO per los toponims internacionaus).

Adonc, aura, tornem boirar un còp tot quò e vejam lo resultat :
Lo NATÒ pòt esser atacar per los nòrd-coreans e, los anarquomachinachausas serán 'quí per far de las violenças quante faudrá de la coësion.

N'invente ren, ai auvit lo Tsarkonard queu mieijorn dins lo pòste dire :

De veire la resulta de la manifestacion daus oposants au NATÒ, 'quilhs gent poden pas se far passar per daus non-violents.

Ne'n « OFF ».Vos fau, brave monde, vos tornar 'pelar los de Tarnac, vesetz, avem los n'autres d'enemics de l'interior.

E la mesma colha d'adjúnher :

La poliça de frança es 'na bona poliça perqué n'autres de la frança son melhors que los italians o b'etot los anglès ente i a 'gut daus mòrts totas las vetz.

Ne'n « OFF ».Vesetz ben, brave monde, que podetz me far confiança. Mesma se deman i a 'na guerra en Iogoslavia, pertant pas membra dau NATÒ, mesma se i 'na guerra ne'n Afganistan, pertant pas membra dau NATÒ, mesma se i 'na guerra ne'n Corèa per aidar los japonès... mon noveu amic american "deu poder comptar sus de la gent de'n pès" coma lo v'autre chap-d'estat. E los oposants son daus teroristes (comunistes, anars, socialistes, peitevins, non pas los peitevins...) violents e destructors.

Ai pas mestier de desvelopar mon biais de veire las chausas, adonc, un lengareu per radiò frança.

boita_lemosina.jpg

~~°{^!^}°~~

Mai d'informacions sus queu film de propaganda americana

~~°{^!^}°~~
1 Eurò = 177,79400 Won & 1 Won = 0,00520 Euròs
estudian.jpg
Sus aqueu bilhet, vesem un trabalhor que sembla gaitar l'avenir miraudiós dau bonur comuniste, mas per dire verai, assembla de las chausas per far lo bonur radioactiu dau camarada aquí dejós qu'a la man posada sus lo glòba per lo conquerir e l'esbolhar.
nuclear.jpg

Composition française.

joan-peire 02/04/2009 @ 19:52
Veiquí coma aime la vita, setz aprep far la cosina, avetz pas chamjat l'estacion dau pòste, e, dintra las estacions de Radiò França, avetz daissat sus París Inter. Aürosadament, coma quò setz tombat sus.
Humeur vagabonde - Kathleen Evin - lundi au jeudi - 20h10 à 21h00

De ser, l'invitada erá Mona Ozouf per son libre « Composition française. Retour sur une enfance bretonne » (chas Gallimard).

Vau pas jugar lo sabant, sabe pas qui es 'quela escrivana, mas una emision que debuta per dau Pierre Jakez Elias pòt pas esser meschenta, mesma presentada per la Kathleen Evin (a totjors l'aer d'una 'jaça qu'a trobada un coteu).
E be, d'auvir daus perpaus legits mai d'una vetz sus la tiala, dins de las revistas occitanas o non, e be, auvir quò a 20o00, quò fai dau ben. Segur, la Kathleen erá 'quí per assurar la votz oficiala de çò qu'avem mestier de saber, mas per una radiò grand-public, quò resta 'na bona emision sus las question de la lenga. E per un còp la tipessa es vivanta.

Pas besonh de dire que vau benleu 'chaptar lo libre cronicat.

Que celui d’entre nous qui ne vient pas d’ailleurs lève le doigt… Vivre et travailler au pays, vieille revendication rarement exaucée, n’exprime d’ailleurs pas, tant s’en faut, le désir de tous. Aimer sa terre de naissance, sa famille, son petit Liré, n’a jamais empêché aucun enfant amoureux de cartes et d’estampes de rêver du vaste monde… ou du chef lieu de canton pour y trouver sa voie, ou plus simplement pour échapper à l’enfermement de la communauté. Pierre Jakez Hélias a, lui, vécu ce départ comme un déracinement, la perte du Paradis. Mais chacun ne vit pas l’appartenance à la communauté nationale comme une mutilation.

composition.jpg
Pòdetz escotar l'emission d'auèi sus queu liam.
'Tencion, mesfiatz v'autres, las archivas son limitadas per 'na setmana, pas mai, e per lo menabruch, sabe pas se ne'n'i aurá deman.

Christine, Marcelle, Valérie...

joan-peire 22/03/2009 @ 21:27

Be, podiá gaire far sens balhar lo lengareu de la setmana a la pita "Christine, Marcelle, Valérie, Cécile, Marie Boutin".

escandal.jpg

Quò deu pas esser aisat de metre la Boutin, segur. Sei pas un especialiste de la chausa, per ieu, mon especialisacion son los jòcs de mots purits, mas bon, 'la l'a ben charchar queu-quí.

Avant de balhar la boita, un pitit rapel :tango.jpg

  • Christine, Marcelle, Valérie, Cécile, Marie Martin es maridada a son cosin german Louis Boutin. Non, fau pas far de comentaris sus la moralitat daus catolistes.
  • 1995, la Boutin es estada nomada consultor dau Conseilh pontificau per la familha de la ciutada vaticana. Segur qu'aura comprenem las soás posicions sus lo preservatiu, los gais, l'avortament...
  • De 1964 a 1969, erá au bureu de las relacions exterioras dau CNRS. E òc, un organisme scientifica.
  • La Cristina es estada membre d'un grop d'estudis pas tant luenh que quò de l’AOCPA (Association pour l’objection de conscience à toute participation à l’avortement). Moment fòrt d'aquela assò, 'na marcha per lo dreit a la vita lo 17 de genier 2008. Coma far per acordar las soás creienças e lo respect de la lei Veil sus l'avortament ?

Bon, vòle pas ne'n far de pro, 'la ne'n vau pas la pena, vau solament 'chabar per dire las soás tres chausas las mai importantas realisadas :

  1. Deslocalisacion dau ministere, n'a setmana a Lion, per ren.
  2. Lo combat sens p'uns resultats contra lo mau lotjament (perpaus dau Don Quichotte).
  3. La meijon per 15 euròs per jorn.
meijon.jpg

Per legir la Cristina sus son blòg, picatz 'quí

boita_lemosina.jpg

~~oO(0!0)Oo~~

Cadeu per te Christine, Marcelle, Valérie, Cécile... l'ai laissada pitita 'quela fotò per respectar la toá pudibondària.

boutin.jpg

'Na pita lengarela

joan-peire 07/03/2009 @ 13:26
Quò fai un momenton qu'aviá pas botat de lengareu. L'ivern ieu fau mens 'tencion benleu a la conaria dau monde alentorn. Adonc, veiquí lo lengareu o pusleu la lengarela de la setmana.

L'ai auvit lo mandin sus París-Inter, a 07:20 dins la cronica "Allo c'est vous c'est moi""Mama ! aida me mon frair me tira las coetas" (lo principi es de far 'na montanha d'un pitit afar de la vida privada e de se far planher a la radiò. (M'es 'vís que farián mielh d'aver un blòg, es-quò pas ? )).
Adonc, dimars, 'na tipessa 'pela per dire :

Carrefour© fai de la propaganda messongièra sus los temps d'espera a las caissas. Es-quò i a mestier de se far paiar per lo prejudici ?

E l'animatritz de dire quauquaren sus la publicitat d'aquela granda surfaça vendosa de merda...

Se troba que la tipessa 'pelet París-inter, mas RTL maitot (quo es mon collèga de dreita que me l'a dich) emb la mesma istòria.
Aimeriá li dire de venir charchar sa boita de lemosina esbocinada e que quo es pas la pena d'anar dins una "granda surfaça" pendant benleu 'n'ora de temps, o doas, e esperar passar rapidament una vetz 'ribat a la caissa.
Telefonar per una tela brotilha, quò es un simptòme d'una societat malauta d'ela-mesma, que pòt pus se sufrir, una societat jos tranquilisants, lo raive daus tsarkonautes.

'Quela istòria me fai me tornar 'pelar qu'una vetz, chas mon EX, lo farmacian, i aviá una femna, sens atge, usada, que, avant de paiar, damandet un rebais sus la nòta perqué 'la eriá aderenta "d'un chause emb de las letras" (un pauc coma g.b.x.v.).
Mon farmacian la visa e li diguet : « Fam pas 'quela mutuela, mas pòdretz vos far remborsar...»
E la femna de dire : « Sei professora... una reduccion... »

Ela 'chabet qua'iment ne'n plors. Me torne 'pelar m'esser pas esclatar de rire còp-sec, mas de l'imaginar dins una granda surfaça e damandar una reduccion sus los pitits peseus a la caissièra : « Mas, sei pròf, ai mestier de pas paiar lo pretz coma las autras gents ».

boita_lemosina.jpg

Nòta : lo ton dau bilhet es per rire. Mas sei per los pretz diferenciats coma i a de las vetz dins quauquas cooperativas ente se trobe afichat lo pretz per la gent qu'an de las difficultats e la pita "surtaxe" per los autres, dins la mesura ente la factura totala es mai d'una vetz totjorn meilhor merchat que dins las grandas surfaças. Aprep, quala es la vialbilitat d'aqueu sisteme dins lo temps e subretot dins los temps de venir ? ? Atencion los pretz diferenciats per una lista donnada (prumièra necessitat), ne fau pas 'quí la promocion d'un sistème per los riches d'un biais, los paubres de l'autre.

Serafina

joan-peire 09/02/2009 @ 21:38
Séraphine Louis dita « de Senlis » (nascuda a Arsy en 1864 - mòrta en 1942 a Villers-sous-Erquery) es una artista pintra que las òbras son 'tachadas a "l'art naïf".

Sos tableus son emplits de dos o tres dessenhs, renovelats sus qua'iment la totalitat de la tiala. Quilhs motius plan decoratius emb fòrça coloras son interpretats coma temonh de l'esperit de la Serafina. Ela disiá auvir la vierja e los sants dau temps que pinturava.

Per estre franc, coneisiá pas 'quela artista avant que lo film surta. Lo film conta subretot la rencontra entre la Serafina, domestica chas los borgés de Senlis, e lo Wilhelm Uhde, colectionor d'art, a Senlis per fugir l'Alemanha per causa d'omosexualitat (1), quò en 1914. Lo tipe fuguet benleu son "descubror" (avant mas fuguet maitot la causa de la perta de rason de la Serafina. Dau temps de la guerra, ela seguet los conselhs dau tipe emai obludesse las pitas telas pintas dins sa fugida.
Avant la crise de 1929, Uhde tornet 'chaptar beucòp de tialas, la Serafina aguet beucòp de moneda, tròp benleu. la crisa 'ribet e per causa d'una exposicion annulada, la rason davalet. De 1932 a 1942, ela fuguet internada dins un ospitau espicatric.

Coma me sei fach cridat dessus per lo Jan-Loís :

« Coma, coneisses pas Serafina ! Vergonha sus te ! »

L'ai invitat au cinemà, pueis ai aprofechat d'un dissabde per 'nar au musèu Maillol (2). Puta vierja, coma ai pogut far sens coneitre quela pintra avant.

De las colors pertot sus de grandas telas, de la plumas, de la fruchas, de la fuelhas que tiran sus las plumas, de las flors, un aubre de vita, un aubre de la creacion... pertot, n'i aviá pertot. Segur que dins la peça, i aviá un aer un pauc coma se la Iolanda Moreau (l'actriz dins lo film) chantava. Mas 'quela beutat totas quelas telas.
Dire que quela tipessa penhava sens ren aver après ne'n matièra d'art ! !

La descuberta fuget un choc coma se ditz

Nòta :
1/ lo paragrafe 175 erá terrible per los gais, i tornera dins 'n'autre bilhet.

2/ I a de las telas dins los musèus de Senlis mas tanben Nice e Villeneuve-d'Ascq.

Plus d'infos sur ce film

Los lengareus de la setmana

joan-peire 25/01/2009 @ 13:43

Auèi dimenc, dos langareus perqué l'ai obludat la setmana passada. Lo manca de regularitat dins la tenguda d'aqueu joèb, tant moralisator de las vetz, es desavenhe.

Adonc lo prumier lengareu balhat per occupacion de las ondas radiò per una conaria mai gròssa que l'interès d'aqueu bilhet, lo prumier lengareu, donc, es per un daus tipes de la corsa per miliardaires "París - pauvretat". Lo tipe purava dins la radiò perqué i aviá daus traucs sus la rota e auriá pogut besilhar lo 4x4. Be veiquí ben los propaganbanholistes : van far chiar de la gent de jugar emb lurs 4x4, se fan filmar per far bichar los borgés e :

« los organisators an obludats de far quauques reperatges ».

T ! Te planhe te, segur !


Lo second es per la Manaudou :

« Quo es pas me sus la fotografia de l'Equipe, vau far un procès ».

Ten te pita ! Seriás sus la fotò, auriás fach un procès tot parrier per "lo drech a l'imatge". Adonc pita, pausa te 'n'annada, torna nadar o neja te, mas juga pas coma los Grimaldi de totjorn occupar la justícia per lo drech a l'imatge. Ela a benleu mai a far coma per eisemple, jutja quauques afars de faussas facturas, de blanchiment de moneda dins lo fotbòl...

boita_lemosina.jpg

20 de genier, St Sebastian !

joan-peire 19/01/2009 @ 14:41
'Tencion las conjugasons e mants mots son pas de la prumiera regularitat :p

Sem la Sent Sebastian, lo patron daus gais e daus pestiferats. Vau pas far una tèsa sus lu personatge, mas contar un bocin de "la legenda dorada" dau Jacques de Voragine(1).

Sebastian, originari de Narbona e ciutadan de Milan, era animat d'una fe crestiana arderosa. Ben aimat per los dos emperors pacans Maximien e Dioclétien, era regent de la prumiera tropelada e l'avian estachat a lur persona.
Una vetz, dos bessons aneten estre decapitats per ne pas voler abjurar lur fe. La mair ven per purar, lu pair, lurs femnas emb lurs nanets maitot ; e nos dos bessons eren pas fièrs. Lu futur St Sebastian 'riba per calma tota quela gent :

-Vos, braves sodards dau Crist, que tot queu marmudís vos fajatz pas dire non a la corona esternela !

-Vos, pairs, siatz sens una crenta ! Van pas esser separats de vos, van vos preparar 'na meijon durabla dins los ciaus.

Dau temps que Sebastien parlava coma quò, 'na granda lutz tombet dau ceu acompagnat d'un manteu lusent e de sèt angeus que arluciavan.

Un autre jorn, batejet un tipe e queu-quí gariguet d'abòrd. Queu tipe zo diguet au prefèct de Roma. Lu prefèct, malauta faguet venir Sebastian. Aquí, nòstre òme se la juguet coma Jesus dins lu temple e besilhet mai d'un cent d'idòlas, 'na pita morala sus tot quò e lu prefèct tornet se quilhar d'en-pè.

Granda batejada ! Lu prefèct e 4000 personas.

Quò era pas per plar aus dos emperors. Realiseten un prumier martir sus un amic dau Sebastien. Seança de marcha sus daus tisons e per 'nar mai vita, tranchatge de testa (2).
Aprep lu quite Sebastian fuguet martirisat. Dioclétien lu faguet estachar aprep un pau e ordonet aus autres sodards de lu traucar de flecha. Los sodards l'an cubert de sagetas coma un eiriçon. Lu Sebastien moriguet pas, fuguet sonhat per Irèna e tornet se montrar aus emperors.

latour-atelier-orleans.jpg
St Sébastien soigné par Irène - Orléans (Atelier de Georges de La Tour XVII e)

Los dos emperors lu fagueten foetar e gietar dins los esgots per que los crestians veneressen pas la soá relica.
Mas a negra nuech, veiquí tornat lu Sebastian jos la fòrma d'una vision aprep la senta Lucina. Li balhet l'endrech ente se trobava son còrs e li damandet de l'ensebelir pres daus autres martirs.

Lu patronatge de sent Sebastian debutet quante un angeu eisplica a la gent de Pavie que per botar defòra la peste, lur fau bastir un autar consacrat a sent Sebastian. La peste 'restet còp-sec, las relicas dau Sebastian fugueten portadas a Roma.

Fin finala de la partida conhacopedià d'aqueu bilhet, St Sebastian es lu patron daus pestiferats.

o(-!-)o

Mas, adonc tati tonton Jipe :

« Coma lu sent Sebastian es arribat icòna protectriz chas los gais ?»

« Fau vertadierament tot vos dire. »

Dins la 'gleisa catolica, i a pas tant de sèxe que quò contrairament aus dius daus Grecs, quo es lu perqué dins la bible son totjor de minjar. Mas tres figuras podan esser representadas qua'iment nudas : lo Crist, Sta Magdalena e St Sebastian.

Fau pas imaginar de la gent se tripotar davant lo Crist. Mas, eritada de la pintura Bisantina, dès lu Xe s.

[...] una convencion iconografica es usada per simbolisar lu caractèr uman dau Crist. Jos lu perizonium es constituat un ipògrame (o un ipòmorfe) que eschapa a la representacion mas s'evoca dins-e-per ela (3) [...]

sexe_crist.jpg

crist.JPG
Esmalh lemosin (XIIIe s.)
Benleu dau tresaur de Grandmont ('chaptat per los amics dau Louvre)(4).

Sta Magdalena pòt esser representada maitat nuda, o b'etot, peitrina decuberta. Adonc, los evesques eteròs an mai d'una vetz 'chaptats una representacion de la senta. Faliá ben passar las nuechs.

mad.jpg
Marie Madeleine de Giampietrino (Giovan Pietro Rizzoli) XVe s.

Avetz devinats lu ròtle dau Sent Sebastian, mas 'questa vetz per los evesques gais. Ai botat la lengenda dorada perqué de la legir, vesem ben que lu goiat deu aver 'na granda trentena d'annada, benleu quaranta. Las prumieras representacion (Ve s) balhan de veire un tipe barbut, madur mesma. Lu tipe es capitani. E puei, a la debuta dau XIVe s. veiquí nòstre St Sebastian un pauc pus jòune, d'annadas ne'n annadas, de representacions en representacions (4).

I a pas besonh d'espsicanalisar (5) aquela mutation dins l'imatge dau Sebastian, emai Mishimà prenha queu risc dins "Confession d'una masca" e davant un St Sebastien dau Guidò reni :

« Las impulsions tant invertidas coma sadicas son mai que liadas. I a pas mestier de cròsar lai-luenh per revirar lu plaser de l'efeba aus flechas (o a las 'gulhas dau masles archiers) coma 'na somession eròtica ».

reni_louvre.jpg

Un daus St Sebastian dau Guidò Reni
XVIIe s. benleu pas lo mai brave mas se troba au Louvre.

Nòtas:
1/ Nascut ~1230 a Varaggiò, près de Gèna (lo nom francés "Varagine" o "Voragine"). Entra coma dominican ne'n 1244, fach la colecta de las legendas sus los sents e las sentas, rediga lo libre en latin. Es mòrt ne'n 1298

2/ desjà lo culte de la vitessa.

3/ lu perizonium (dau latin perizoma o panhe de la descença), la pailha per cachar lo birron. Tèxte tirat de : Alexandre Leupin "Phallophanies - La chair et le sacré" Editions du regard.

4/ liam vers l'esmalh lemosin e 'n'autre liam vers la SA dau Lemosin

5/ picatz queu sit per veire de las representacions iconograficas dau St Sebastian

6/ Lu memòria de maitrisa en istòria de l'art dau Karim Ressouni-Demigneux "Le regard homosexuel sur saint Sébastien tel qu'il etait representé en Italie autour de 1500", es dau bon legir, l'avetz formatat *.html o b'etot *.pdf

Autres libres :

-Jasques d'Arriulat "Sebastien, le Renaissant"

-Francesco Valcanover "The Treasures of the Accademia Picture gallery in Venice"

-Yukio Mishima 三島由紀夫 "Confession d'un masque".

o(-!-)o
E coma fau rire 10 minutas per jorn per petar la santat, veiquí 'na videò, un pauc caricaturala, segur...

... e puei non, vertadierament risenta. La peça ben mai que lu film ;)

Lo lengareu de la setmana

joan-peire 11/01/2009 @ 13:34

Una plena bóitia de lemosina esbocinada es balhada au Mathieu Vidard per la soá emission d'aqueu divendres 9 de genier 09, consacrada aus lingas "regionalas". La recompensa es per lo niveu zerò de l'entièra emission e subretot per la cronica sus l'omosexualitat.


La partida sus las lingas era 'quí per far vendre lo libre de la H.Walter, pas per parlar d'aquelas lingas, ren de nueu sus París Inter.

La partida sus los gais e las lesbienas era 'quí per "far part d'una analisa scientifica realisada sus los cerveus daus gais e de las lesbienas", analisa qui "balha de veire que los gais an lo mesma cerveu que las goiatas e que las lesbienas an lo mesme cerveu que los masles".

'N'analisa realisada sus 'na vintena de persona fariá lei per environ 5% de l'umanitat (1). Ente sem nos ? Bon, lo tipe a 'chabat sa cronica per dire que quò era una informacion americana e que los gais enlai volen plar aus deistes (2) veiqui lo perqué de la legitimacion genetica.

E be, visa me quò ! Fau plar au diu tuor de la meitat de l'umanitat. Sei totjorn a l'espera d'una enquesta genetica sus la conaria umana e subretot sus laquela daus curats : " Viure 'n'esiténcia sens tirat un còp (3), veiquí un subjet d'analisa. "

« E dins queu temps, los gais e las lesbienas porran se permenar dins los vargier de la Terra. » Oui-Oui ©

boita_lemosina.jpg

Nòtas :

1/ los 5% son una estimacion. De tots temps, dins totas las societats umanas i a 'gut daus gais e de las lesbienas (e daus bi, daus trans), lurs tractaments estant desparriers d'una societat l'autra : exterminacion chas los nazis, los comunistes, los islamistes...Eran botats de biais dins d'autras : 2 gais eran separat d'un costat l'autra de l'empire Incà,  2 lesbienas eran tuadas, los gais eran elevats coma de las filhas e "prostituats" per la satisfaccion daus masles sus una isla dau Pacific (sabe pus lo nom), las lesbianas dins la societat inouit an mai d'un còp lo ròtle de "chamana"...

2/ ai rencontrat una lesbiena coma quò. Ela era dins una asociacion de femnas divorciadas de la gleisa catolica, e charchava de far una brancha de femnas lesbienas. Sei un pauc mocandier e avia dit que lo mai important es d'esser aimat dins la vertadiera vita, ela aviá pas compres. D'esperar lo diu d'amor, ela fasiá dau gras.

3/ oblude pas 'quí los curats e los imans pedofils.

-9°c dins la Solònha

joan-peire 09/01/2009 @ 08:26

E lo Lenôtre qu'es mòrt...

 Afin 'na patissaria de freja dins 'quela botica.