Un jorn t'i tornaràs far !

'Quò es la St Valentin, i a de la gent per los quaus quò vai se passar entau après un poëma per esemple

e d'autres coma aquò.

Aqueu bilhet es un bocin de revirada d'un tèxte de 1865 dau Ruben dins 'na de las re-impressions de las fablas dau J.Foucaud (1747-1818).

Lou chaine e lou canèu (grafia inchamjada)

Lou chaine un jou dis au canèu :
De toun sort malurous as pas tort de te plagne ;
La petouso te peso e te met de cantèu,
E i'a rèn que noun te magagne !
Lou mendre ventoulet que vèn frounei lou riéu
Te força de clina la tèsto.
O moun paure canèu, me fas pieta ! Mai iéu,
Boufo, boufo, mistrau ! Que m'enchau la tempèsto ?
Tout es auro pèr tu, iéu, tout m'ei ventoulet.
Siéu rèi, e d'amoundaut vese à mi pèd li moure.
Pèr n'atrouva 'n pu fort que iéu faudriè courre !
Au liogo de naisse soulet,
Mounte dóu vent-terrau se desgounflo la rage,
S'aviés agu lou biais de sourti contro iéu,
A la calo de mi brancage,
Quand s'ausirien rounfla lis alo de l'auratge,
Paure mesquin, tassoustariéu !
De toun sort malurous as pas tort de te plagne !
- Sias trop bon, gramarci ! repliquè lou canèu ;
Vous esmóugués pas tant : li revoulun, belèu,
Me fan pas tant qu'à vous, Moussu ! Se plòu, me bagne,
E me gible quand fai de vènt ;
Cline, e me roumpe pas ! Pèr vous, avès jusqu'aro
Tengu bon. Esperas, quaucarèn se preparo :
Bessai que moularés... Ai ! Veleici que vèn !
E d'apereilalin part, à brido abatudo,
Un aurige di verinous.
Garo, garo davans ! Men vei faire de rudo !
E bramo, e chaplo, espòusso, emporto, furious !
L'aubre coto, tèm bon, e , coume uno amarino
Se giblo lou canèu ;
Li diable soun pèr l'èr, e quí i'enchau à-n-éu ?
Lou roure saugagna cracino.
A soun front dins li nivo, e dins l'infèr si pèd :
E que ie fai ? Contro éu l'aurige s'entarino...
E bròu ! L'aubras qu'avie tant de croio e de bè,
Lou revoulum lou derrabè !

La mesma fabla adaptada per Foucaud, transcripta en grafia neo-classica per ma pita persona :

Lo rover e l'assaler (1)

Un jorn, un grand e gròs rover
Dija a un pitit assaler :
« L'amic, t'as ben subject d'acusar la natura ;
Car, entre nos, fauriá ben la gatjora
Que lo pus pitit reibenet (2)
Siriá per te d'un tròp grand pes.
Lo mendre pitit ven que bufa
Te fai baissar ta paubra tufa.
Per me, sei segur coma un pont.
Maugrat l'áutan, maugrat la bisa,
Maugrat lo plujau, l'armorija,
Conserve totjorn mon aplomb ;
E la pus taribla tempesta
Me fauriá pas corbar la testa,
Quand mascaret n'auriá jurat.
Mon front, coma lo mont Jurà,
'Cata lo solelh sus la terra.
Ne diriá pas tant ren d'enguera
Si lo Bon-Diu
Te faguiá pas venir totjorn au bòrd d'un riu.
Dau mens, se eu t'aviá 'gut mes dins mon vesinatge, (3)
Te crubririá de mon ombratge,
Te virariá lo mauvat temps ;
E la freschora de mon fuelhatge
Te rendriá pus gai, pus content... »
- « Boei ! N'aiatz pas tant d'inquiestuda,
Ni tan d'enueg,
Ditz l'assaler.
Si la tempesta la pus ruda
D'aiçi 'quí v'a pas desplantar, (4)
Benleu vos vos setz tròp vantat.
Mon amic, quante um es sage,
Fau, per se mocar daus chens,
Aver passat lo vilatge.
Atendem a deman, mai, benleu, 'queste ser...
Per n'autres, paubres assalers,
Ne risquem pas tant que v'autres d'au auratge.
Nos som (5) l'eisemple dau sage
Que se pleja quand fau e que ne romp jamai. »
Eu n'auriá benleu ben dich mai ;
Mas tot d'un còp ne'n vengue 'na bufado,
Si tarible, si ben apulhada
Qu'auriatz dich que tot l'univèr
'Nava virar las jambas en l'aèr ;
E 'quel aubre que, en son chapeu,
'Viá tant menaçat lo ceu,
'Quel aubre tant fièr, tant beu,
Fague la corna-budeu.
L'assaler plege jusca terra.
E l'assaler dura benleu d'enguera.

Jamai ne mesprisem degun ;
Un òme ne'n vau totjorn 'n'autre.
'Queu que se ritz dau mau d'un autre
Ne'n aura se eu ne'n a pas 'gut.
La grandor e la fortuna
Son 'na meschenta caution ;
Los gròs mai los pitits, lo solelh mai la luna,
Son tots l'obratge dau Bon-Diu,
Que boja, quand li plaz, los pus fòrts dins lo riu.

nòtas :
1/ l'assaler, o b'etot l'aubar, es un pitit sause.
2/ o reibelet, rei-de-belet
3/ Dô min, chi-ô te vio gu mei dî moun vezinage
4/ Deicho qui v'o pâ deiplanta
5/ som = sem

Nòta :
1/ la capitala es dins lo tèxte.

Lou cerf et lou chivaou (grafia de l'epoca)

Un cerf vieou coumé l'ambré, et pourten ben soun boï,
Et qué ségur n'érou pas goï,
Broutavou l'herbou délicatou,
Journélamen à cousta d'un chivaou :
Or aqueou cerf érou un aristcratou
Qué souffrisié gis dé rivaou.
Per desmama lou sieou, yé fasié cent chicanou,
Fourtifien soun dré dé quaouquei co de banou.
Lou combat n'érou pas égaou,
Et nosté Bucéphale érou gaïré dé tayou
A pousqué contre un cerf tira la courtou payou.
Dounc, ôu maou voulen coupa court,
Au lio d'ana cerqua pu yeun dé pasturagé,
S'en va et creï d'estré ben sagé,
Dé l'homé implourava lou secours.
Aqués l'engavaché d'ôu bâts et dé la bridou ;
Amé l'ajudou d'aqueu guidou,
Amé leou tout acapara ;
Mais sé cassé lou cerf dôu pra,
Pousqué plus déböussa l'homé de soun esquinou.

~

Eici nostou mourale eisamen sé devinou :
Aqueou dédégneu sa médiocrita,
Ou voulem satisfaïré unou hainou malinou,
D'un grand signou vaï s'afflata,
Perd lou pu beou présen de la bounta divinou,
Car rénouncé à sa liberta.

Lo lop e lo chin de bassa-cort (1)

Un lop magre coma un pic
Que chaçava dins 'n'estolha
Mai que 'viá bon apetit
Li vai veire un gròs mandin
Qu'eriá ben çò que li faliá
Per far dos-tres bon repas,
Mas lo lop s'i fiava pas
Sultan eriá plan ben gras,
Mas Sultan eriá de talha
A ben desfendre son lard.
Ardi, fier coma un Cesar,
Eu 'viá mesma estat soudar (2),
E vut mai d'una batalha
Contre lop, contre rainard
En fach d'aquela canalha,
Eu n'aviá onta ni paur
De los 'rapar per lo còu (3).
Un lop a ben dau coratge,
Mas eu es prudent e satge,
Oneste mesma quand fau.
'Queu-quí a nòstre chen fague donc politessa
Eu vanta fort sa bela espècia,
'Qu'eu visava totjorn, mas pertant d'assez luenh (3).
« Si vos faguiatz coma n'autres (4),
se li disse tan lo chen,
Vos siriatz tot gras coma me.
La famgala n'es pas chas nos coma chas v'autres,
Que quauquas vetz ne fatz pas
Per setmana dos repas
Mai que minjatz sovent de la vianda purida.
Un chen de bassa-cort n'a jamai la pepida ;
Eu es segur de far totjorn
Sos tres-quatre repas per jorn.
Per me, tot lo monde me balha
Òs de gibier, òs de volalha,
Òs de vedeu, òs de moton ;
'Trape totjorn quauque croston ;
Leche los plats, leche las 'sietas ;
E los jorns 'brans coma las festas,
Minge totjorn, ser e matin,
(Ben soven sens 'ver d'apetit)
Mon escuelada de brejauda (5)
Ben acimada, ben fricauda,
talhada de bon pan d'ostau,
Mai quauquas vetz lo saborós.
... Quau trabalh fas-tu dins l'ostau,
Per ganhar 'na si bona vita ?
Se disse tan lo lop.
- Quau trabalh ? Presque ren dau tot.
Ieu charce (quand li sei) los chats de la cosina ;
Aus mendiants fau meschenta mina ;
Garde la meijon, lo vargier,
Los volairs an mai paur de me que d'un archier,
Quante um me 'pela, sei alerta (6)
La pòrta a beu restar deiberta,
Jamai ne laisse entrar degun,
Sens qu'eu ne siá ben conegut.
- Quò n'es mas 'quò ? Se disse Minj-ovelha,
Me faudriá pas ben fort tirar l'orelha
Per me far prener quel estat.
-Voes-tu venir ? -Anem ! Veiquí qu'es fach.
Ilhs prenen ben tot dos lo chamin dau vilatge,
E per esgalhar lo viatge,
Mestre Ronja-croston
Dijiá a croca-moton :
« L'amic, tu vas quitar 'na vita
Qu'eriá de segur ni de sent ni d'ermita.
Lo mens que poguet t'arribar,
Qu'eriá de te veire esrentar.
Tot en vita.
Tu devias 'veir a tot moment
Ton fedge dins l'oli bulhant.
Pertot te balhavan la chaça ;
Tu n'aviàs pas 'na quite plaça,
Un quite bòsc,
Un quite cròs,
Per dire : sei segur d'estre en vita tantòst.
Los chens t'aurian 'gut tard o tòst.
Aura, quò-es diferent, te'n balhe ma promessa.
Tu ne riscaras mas de murir de vielhessa. »
Lo lop, que d'aici-aquí l'aviá ben escotat
Vai veire, se virant, lo còu dau chen pelat.
« Qu'as-tu 'quí ? -Non pas ren. -De que ren ? -Pas grand chausa.
-Ne'n podriá-iò saber la causa ?
-Boei ! ... Qu'es queraque mon colier.
-Eria, veses-tu ben, tròp meschent de'n prumier ;
Ilhs m'aveseran a l'estacha.
Mas tots los sers, lo valet me destacha.
Ieu vau ente me platz, la nuech, fau fòrça bruch ;
E, pendent tot lo jorn, ieu durme dins mon 'gru.
-Tu duermes, mon amic... duerm, duerm, grand ben te fasa !
Un lop metre dins son merchat
D'esser tot lo jorn estachat !
Non pas, non pas, ne te'n desplase.
Ne sei pas d'enguera pro fòu
Per voler me carrar d'un colier en mon còu.
Garda ta sopa de brejauda,
Quand 'la siriá d'enguera pus fricauda,
Fuguet-'la de topin monta,
'La ne vau pas ma libertat. »
E mon lop de fugir per lo prat, per las terras !
Mai cresse ben qu'eu cor d'enguera.

~

Aa çò, aura, parlam-ne'n, 'queu lop 'viá iò tan tòrt
De tant fugir de l'esclavatge ?
'Na chadena, fussa-'la d'aur,
N'es manca totjorn 'n'òrre gatge.
L'ai auvit dire a un vielh sage
Que lo mielh nurit de l'estat
Es 'queu que minja en libertat.

C.A. Ravel (- ; 1860) : escriguet en francès e en auvernhat. Morriguet sens aver 'chabat « Les Géorgiques auvergnates ».

Le grolle et le rena (grafia de l'epoca)

Eun biau jeou mouètre grolle,
Pausa desoubre un queicei,
Zo n'ane be trouba drolle,
Zayo un froumaji o son bei.
O que futa mouètre rena
L'embabiolavo de demba :
Bonjeou ! Mouètre grolle, i dijio, bonjeou !
De chu sé dévalla por épia to gentou ;
Che t'aya che bon babi
Coummo te pourta le bei,
O Bello-Ombre (1), sin mieuti,
Dau ijiaux cheya le rei.
Oquos dou treis petits mou
O grolle sabon che bou
Que n'in bado, mon gran Nivello
E uno grando badrello.
Lo n'echèapo son dina,
Que n'é pardiu por lo rena,
Qu'i lo groullo, et qu'i diçai :
Sabia pas, paubre inucin,
Qu'eun babioleu vio o dépin
De tot que zy bado-bei.
Dio veuille qu'oquello lecou
Demo te veille eun gaporou (2) !
Qu'aneu te serve de curo-dint.
Adié, l'ami, porto te bien.

1/ Bello-Ombre : domeini prep de Clarmont.
2/ gaporou : una fòrma de formatge.

e veiquí la perpausicion Foucaldiana d'aquela fabla contada dins aqueu bilhet, crese que i a quauquas diferèncias, ma version es aquela de 1895 (transcripta en grafia neo-classica per ma pita persona).

Lo rainard e la graula

Li aviá 'na vetz 'na vielha graula,
Perchada sus 'na granda gaula,
Que teniá un fromatge en son bec.
- Iò vos diriá pas ben-ente 'la lo raubet. -
Un rainard, dessos, la visava (1);
Entre se mesma eu complotava
De lo li 'ver, mai lo li 'guet,
E veiquí coma eu s'i prenguet :
« Adiusiatz, Madama Cornelha !
Daus auseus, vos setz la mervelha,
a mon avís, ren de si beu
Que la femèla d'un corbeu !
Quaus pès ! quala testa ! Quau plumatge (2) !
Ses (3) mentir, si vostre ramatge
Eriá a l'avenent,
Très certenament,
Dessur tots los auseus vos ne'n emportatz la palha ;
Dins los bòscs n'i a p'un que vos valha,
Ni paon, ni rossinhòu, ni cinhe, ni seni,
N'i a mas vos que siatz lo fènis. »
De s'entendre vantat 'la s'uflava de jòia,
Aitanplau 'la ne'n palhe l'òia.
Esser lo fènis daus auseus !
A ! 'La trobava 'quò tan beu !
De mielhs chantar que tots la veiquí que se pica.
Per mostrar sa bela musica,
L'esbestida deibra lo bec...
Ma fè, lo fromatge tombet.
Plan content de la 'ver finada,
Mon dròlle de rainard ne'n fai mas 'na gorjada ;
Mai d'enguera quel insolent
Li fai, en la quitant, 'queu malin compliment :
« Aprenetz, bela domaisela,
Que ne'n costa per esser bela.
Vòstre fromatge es 'na leiçon.
_ Mas ne'n paie plan la faiçon,
Disse, te'n prenent sa volada,
Nòstra graula tota escunlada ;
Ne crese pas que p'un rainard...
Jamai pus...» Mas qu'eriá tròp tard.

'Queu conte es per nos tots, mas surtot per las filhas
Los garçons las troban gentilhas
E, quant l'aurián lor nas ròlat,
'Las son totas de las beutats.
'Quela que pren plaser d'entendre 'queu lingatge,
Que prenha garda a son fromatge.

1/ Un renar dessoû, lo vistâvo
2/ Cau pei ! Cau teita ! Cau plumage !
3/ ses = sens.

Veiquí 'na parodia dau « lip-daub de l'UMP » e un liam per lu descharpir.

Bon, charchave aquel articla dau Monde© sus lu dangier que menaçariá la linga françèsa ; pas avant 200 ans mas bon, s'esmaiar es un sinhe d'estre enquera viu. Charchava quante tombeí sus aquel imatge.

Aprep las aventuras de la pita Tautou dins la gara daus Benedictins, vaiquí Jean Dumoulin, Jan Dau Molin ne'n occitan, dins la superproduccion videò, 'na parodia d'OSS117 :

OSS187, Lemòtges fai pus responsa !

Un cafè non-biò, non equitable, beleu 40€00 lo kg de cafè capitaliste contre 18€00 chas l'espicier biò, n'autres l'am 'gut 'na vezt a 10€00 lo kg per lo biais d'una cooperativa anarchista... mas lo filmonet de la societat de l'espetacla es 'quí per far rire.

Parking - Gregg's Commercial - For more funny movies, click here