digg it
del.icio.usComa iò ditz la Patricia© sus son joèb, quo es pus fort que me, pode pas far sens !
I tornarai pas, promès
Categoria: Nhòrlas
La Mela© es tornada
E bonjorn lo monde ! Aquò es bilhetat aquí.
Ben, podretz legir que 'la s'es pas tornat sola de sas vacanças, se contenta ujan d'un Bic®, la paubra...
Iò sabe, 'quò es pas ben gentiu de se trufar de las feblessas daus autres, segur aimariá gaire me veire mocat entau, mas rire es bon per la santat, ne'n mai d'aquò son daus actors e de las actritz :-)
Occitanofobia
Vole pus estre occitan ;-(
Aniversari 1969-2009
Emb quauques jorns de passats, mas i a de la bona volontat.
Monica Sarrasin - La Lison dau Peirat
Vau per la prumièra vetz dire de pas 'chaptar un libre, perqué v'autres poriatz estre pres d'un rire de sadolaud e 'quò es pas bon per la gent que van vos gaitar de tots los biais sens comprener, subretot se 'quò es daus lectors de teleramerdà, perdon, per far mai occitan polinucleausat, daus legidors d'una revista que balha aures çò que passa a la televicon.
Bon, un tau libre pòt pas laissar indiferent, qu'es entau, qu'es pas autrament ! 'Tencion, 'quò es pas daus dires, de las bestariás sus la vita avant qu'era brava, que la gent sabián s'amusar, pas coma aura. Non non, non. La vita descrita es aquela dau Lemosin d'aprep la guerra, dins un vilagte au sud de Lemòtges, Vicq-sur-Bruelh per lu nominat. La vita vuda per un vielh cubés o b'etot una vielha bica mas çò-ditz d'un biais minhard perqué 'quela Lison, sem pres d'una granda tendressa per ela per causa de la tonalitat comica dau libre. La linga usada es pas aquela de la poësia epica, aürosadament, quò es melhor per s'eclatar lo budeu.
Vau botar 'quí dos bocins, lu prumier, l'arribada dau telefòne emb las soás conversacions tant importantas, segur :
Bon, un tau libre pòt pas laissar indiferent, qu'es entau, qu'es pas autrament ! 'Tencion, 'quò es pas daus dires, de las bestariás sus la vita avant qu'era brava, que la gent sabián s'amusar, pas coma aura. Non non, non. La vita descrita es aquela dau Lemosin d'aprep la guerra, dins un vilagte au sud de Lemòtges, Vicq-sur-Bruelh per lu nominat. La vita vuda per un vielh cubés o b'etot una vielha bica mas çò-ditz d'un biais minhard perqué 'quela Lison, sem pres d'una granda tendressa per ela per causa de la tonalitat comica dau libre. La linga usada es pas aquela de la poësia epica, aürosadament, quò es melhor per s'eclatar lo budeu.
Vau botar 'quí dos bocins, lu prumier, l'arribada dau telefòne emb las soás conversacions tant importantas, segur :
Pertant, la Lison ne volia pas de queu chause chas ela ; 'la cresia que folia l'i parlar dedins en frances. Mas quand 'la s'aperceguet que l'i podiam parlar patois... a, paubre amic, 'la te filet a la Pòsta ad una vistessa... que las peiras ne'n volavan jos sas doas sòcas e 'la disset au postier de li en balhar un sus lo còp.
Vos passe lo parelh de malinas e los dos cròs per i conhar la doas jarras, la visita chas monsur « Oftalmò », los badatges dins París, la visita de la bauma de Lorda.
Per far omatge a la scèna de la conjugason dau verbe « pompar » dins lo film dau Denys Arcand « las invasions barbaras », la scèna de la conjugason dau verb « entreculhir » (o esclarzir se v'autres aimatz mielhs). Sem au vargier :
« Ieu vese qu'avetz semnat vòstras rabas, Lison...
- Òc-es. Qu'es pas per me vantar, mas ieu crese que las ai ben reüssidas.
- Cresetz ? Me ieu tròbe que 'las son tròp espessas. Auria fogut que las entreculhiguessetz, ma paubra Lison ! Vesetz-vos, si las aviatz entreculhidas, sirian un brave còp pus bravas !
- Ma, ma paubras Germana, las ai be entreculhidas queraque !
- Beleu, mas pas pro. Ma fe, quò me regarda pas mas, si qu'eria me, las entreculhiria un autre còp.
- Ma paubra Germana, si las entreculhissia un còp de mai ne'n demoraria belament pus ! Ieu ne vòle pas far coma lo darrier còp que las entreculhiguei tròp !
- Me, ieu zo vos dise, Lison : entreculhissetz-las !
- Las entreculhirai si vòle, Germana.»
Entreculhir, entreculhir, entreculhir 'na merda, ten !
[...]
Non, veraiament, fau pas lu 'chaptar 'queu libre :-)
- Per legir un autre eivis, pichatz frà-frà-frà
Intervencion daus polets !
Dins la pita istòria daus mots, aqueu de « polet » auriá per causa que avant la basticòla dau cai daus Orfèbres, i aviá un merchat de la volallha. La gent an pres l'abituda de chafrar los condés, los polets.
Aquò es per la pita istòria, mas podem ben veire dins 'queu filmonet que son los polets que botan l'òrdre entre dos charcha-mardas.
Aquò es per la pita istòria, mas podem ben veire dins 'queu filmonet que son los polets que botan l'òrdre entre dos charcha-mardas.
Las propagandas sincronisadas.
Sei tornat d'una dimenjada lemosina, e trobe totjorn a far sus tot :-)
Auèi, las propagandas sincronisadas :
La prumièra fuguet 'quela d'una goiata en tren de minjar un cornisson. Ela possava 'na pitita cridada a chasca vetz :
Uuummm ! Aaaaaa !
Bon, sem pas tròp colhon, am comprès, mas quante son amic o son amant 'riba per darrier, 'la fai :
Ops !
E puei i a lo chafre comerciau de la merda emboitejada dins de la veirariá qu'es chantat...
Çò qu'ai lo mai aimat, quò siguet la seguianta imediata. Coma dire, se dins l'esequech dau Coluche, aprep Fuca© i a Ajax©, coma sem l'estiu, sus lo sevice public, aprep lo pitit cornisson, i a de la propaganda per suenhar los problèmas d'ereccion, verai...
-!-
Una de las prumièras campanhas per lo sèxe sens risc (SSR) - Soïssa.
Bolibòsc, Mòzinor, e los autres ! !
Sem 'n'armada enterrada
Dau temps de la campanha per las euròpeanas, aguí quauques mots emb un amic perqué 'queu-quí es un pitit pauc tresesma republica de las vetz. Mas coma sem daus barjaires tots dos, ne'n vendrem jamai aus mans, aürosadament. L'autre jorn diset 'na conaria, e li dissí de chamjat la comunautat incriminada per 'n'autra per mesurar l'espandida d'aquela conaria.
Respondet que comparason e pas rason, segur, mas que per 'queta vetz, lo punt erá per me. Adonc, de ser, ai retalhat 'queu tèxte en botant França en luòc de China e, e, ebé veretz ben !
Politica ficcion per los francilhons "killers"
França anoncet 'queu dimercres 12 de junh de 2109 qu'anava tornar far de las recharchas prep de Lemòtges, naut luòc conegut de la cultura occitana, cultura clausa au sègle darnier, aquò per taschar de'n perçar los misteris.
Las folhas van desbutar dissabde sus l'un daus tres sitis ente despuei 2019 es estada mesa a jorn 'na librariá, e ente quauques 5 000 peças serián enquera cubertas, indiquet l'Administracion de l'eiretatge culturau sus son sit internet.
« 'Questa vetz, las folhas podrián respondre a daus misteris non desmesclats coma lo fach de saber se i aguet d'autres chausas que de las pitas produccions culturalas dins aquela civilisacion ? Se de la gent parleten aquela lenga ? »
soslinha l'administracion.
Aura, quauquas 2 000 peças son estadas tiradas d'aquelas roïnas, dins l'anciena provinça Lemosina : libres, discs*, diccionaris e quauquas videòs* enterradas coma l'un daus dialèctes fondators d'Occitània (~sègle X "Lo Poema de Boecis" juscant'au sègle XIV per los darniers trobadors). Segond le Paris-Daily, los esperts esperan que las novelas tecnologias permetrán de gardar coma fau l'èime de la lenga 'na vetz esposat a l'aer liure, çò qu'es pas estat fach quante los Jan dau Melhau, Panazô, Marcela Delpastre, Joan Ganhaire, Micheu Chapduelh o b'etot la Benedicta Bonnet, enquera vius e viuvas, eran l'object dau mespres.
Dau temps daus travaus, lo siti, luòc de freschor major en França, es dubert per lo public amoros d'aquelas vielharias.
* avem pus los gatges per los usar, e mancam d'una peira de Rosèta.
Sem 'n'armada enterrada :-)
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
