Un jorn t'i tornaràs far !

Imaginetz pas tot çò que pòt far Citroën per vos !

La romar de la lonja dimanjada dau solstici d'ivern.

Divendres mandin - lo patron nos esplique çò qué capitalisme paternalime vòl dire.
Lu mandin en 'ribant n'i avia pas de chaufatge. Prumiera revolta daus "snickers (1)". Quo es vite tornat d'aplomb. Lo patron 'riba e trapa l'ancian responsabla tecnica per li far rendre la veitura durant las vacanças. Seconda revolta. A dietz oras, tresesma revolta per lo tretzesme mes (sabèm pas si òc e non nos vam l'aver). Quò marronava dins los bureus quand mon patron ven emb de las boteilhas de vin. Una per te, 'n'autre per te, non pas per te (a l'adreça d'un de mos collègas). Quò tornat golar un còp de mai. Mas, vaiquí que 'riba numerò dos emb dins los bras, daus telefònes e los bilhets d'achapt per lors goiats. Mos collègas eran coma daus dròlles au pè dau sapin. 

Per 'chabar, tot militant aderant de la CFDT que sei, tot meschent que sei, ai mit lo meu masque de "Marx, Bourdieu, Freud" e ai ditz :
Pense que vos revendiquacions venon d'èsser realisadas. Avezt acceptat la patz sociala emb daus jojos tecnologics. Fau anar dire :

Divendres aprep miegjorn - parladissa internacionala dins ma cosina sus la diferencia dintra lo clafotis e la flaunharda.
Ieu avance que, davalant de l'eime lemosina, sabe mai qu'ela que lo clafotis es solament fach emb de las cireijas completas (emb lo nojau) o si autrament quo es una flaunharda (cireijas sens nojau, rasims, prunas...).
Sonià, mon anciana veisina, anciana colocatritz, avança que coma descendanta de tota una generacion de femnas oprimadas e conhadas dins la cosina, sabe mai qu'un òme far la cosina. Ela reconeit los meus talents per boirar tres macaronis e lors balhat un aer de festa.
Una vetz, aviá ublidar de preparar lo diner per son noveu amor e me de sortir dau chapeu magic un topin plen de pastas ònte i aviái deposat un bocinet de trufa per lors balhat un parfum. Cuechas e gratinas coma fau, quauquas olivas, un "cahor" de darrier las brujaus (2)... Lo festin èra prest mas lo tipe aviá trobat un'autre filha, queu gros colhon.

Divendre ser - de ser, lectura.
Com'd'ab', degun n'aviá ren preparat. Lo tipe darrier lo bar me damande de prendre la plaça. Óc, vòle ben mas... pas le temps de 'chabar me vaiquí intronisat servor. E dos noveus aderent perquí, lo fut a remplaçar. Valou, l'organisatritz, desconsolada dau manca d'engatjament daus aderents me damanda si pòde legir una novèla perquè manca una lectritz. Óc, vòle ben mas...

Aprep la lectura, torne prendre ma masqueta dau pensor de taulièr e dau dangeirós independantiste que sei quante ai dich que si deman, i a un partit :

que escrich dins sa basa politique una estricte egalitat entre los drechs umans (òmes, femnas, gais, eteros, trans...) ; que los impòsts seron palhats per los individus e non per los cobles ; que los principis de mutualisacion seron totjorn mes en avant (per la santá, la retraita o b'étot (dins las vilas) per l'equipament en electrò·menatgers solars comuns) ; que l'escola serà un vertadier luòc d'emancipacion e non una ocupacion per esperar una veitura, una serviciala, una consola de jòc ; que fonctionari sera non pas un estatut per la vita mas un contrat limitat dins lo temps (per exemple dins una contrada rurala, l'òme d'una cofaira poiriá èsser cantonier (1, 2, 5 annadas) en esperant un autre trabalh. Una secretari en tornant d'una operacion dau càncer poiria 'chabar sa vita professionala emb un miei temps a la comuna, a l'ospitau, a la crecha...
Lors disi d'anar veire sus lo oèb los comunicats de quauques independantistes auvernhàs reaccionaires, miei fascistes, miei Polpolt sens i a saber. Si aver un estat independent (occitan o breton, còrsa) quo es per far la mesma merda qu'en França, n'en vise pas l'utilitat. Mas si un partit politique 'riba a me far bandar emb un programa laïc, sociala e maitot un pauc "liberal", poiriái en èsser.

Bon, aviái begut un pitit vin dau Chili...

Dissabde tòst dins la matina - bruch dins la rua, vau quand mesma pas 'pelar los flics.
Dissabde mandin - merchat e lavò·matic.
E merda, quo es tòst 'bolhat 'quí. un coble de jòunes troban agre de pas poder sechar lo pitit linje dau nenet. Una goiata 'riba e ela maitot se fai minjar un bilhet. i a daus moments coma quò.
Li balhat 2 euròs e pren mon torn de sechador. Ela apela lu tecnician, posa son linje. E la vaiquí tornat emb un gasteu, simple moment d'umanitat (Non ai pas fumat los films de Disney).

Dimenc aprep miegjorn
Tè, cafe, gasteus, bilan de l'annada passada, projectes per l'annada que ven : una novèla banda dessenhada (niveu amator), escrire los bilhets sus Bordieu, los films... e coma chasque an a venir, las promessas dau Dalaï-Lama :

Diluns, dimars son daus jorns de la setmana, non ?

De notar : ai marcat "solstici d'ivern" e pas "nadau" car los catolistes an inventats lo 25 per anar contra las festas populars dau solstici (festa celta e romaina, festa de l'aubre verd (melze ?), festa dau solelh que va tornar frutjar). Dins la bible (Matthieu 1·6), Jesus es nascut ara que los josieus devian se far recensar, quò a la data de la pascas josieuva. Lo jorn dau 25 de decembre ven au IV sègle.
1-I a un vielh film qu'aime ben "los revoltats dau Bounty", ai modernisat la formula.
2-Fagots de bruja, per botar lo fuòc. Sabe pas si quo es la bona ortografia.

De navigar sus lo joèb de Jacme m'a bailhat a veire una lista de libres (avèm quauques lectures comunas : Onfray, lo libre daus mòrts...) e quela imatge.

Ela me fa penser qu'una vetz, quel estiu, dins lo quartièr pedon, i aviá una familha en linha au mitan de la rua. Èran pas en fila indiana. 'Ribe a bicicleta e passe de costat sens tròp ralentir. La granda-mair s'escrida :

E ! Lo velò fai 'tencion...

Me retorne pas e me 'reste chas lo bolengier. Ne'n sortant, vaiquí tornada la granda-mair, m'insurtant :

Mas v'autres los velòs respectatz ren. Vos cresètz èsser los reis dau monde...

Non Madama, mas es mai aisat de cridar sus un velò que sus una bagnola...

Fin finalament, ai tornat los veire en naut de la rua. La goiata se manjava la portièra de lor, espere, veitura. Quo es colhon mas era plejat de rire.

Vaiquí lo meu d'i-fòne, fargat en porcelana "of course", perqué ieu lo vali ben :-)

Allò Freud
Auèi au merchat, dissè bonjorn a un coble d'amics e nos barjavam un pauc tot en 'chaptant los legums. Quand ilhs partèron, lo vendeire me dissèt, tot en arrengant mas corgettas dins lo sachon.:

N'i a de mai en mai, coma fan per se reproduir ?

Lu vise emb un uèlh negre e respondè pas. Lu laissèt careçar mas corgettas. La setmana que ven lui bailherai lo numerò de Freud e una aubergina a calinhar.

Malur aus fablas per JEEP.

Ai recebut quelas fotòs per corièl. Quò semblariá èsser la novela propaganda de JEEP. Vese doas lecturas :

1- Maugras las borlonarias dau mes d'octòbre, devèm tornar betumar e godronar, mai que mai e vite, i a de las eleccions l'an qué ven. Un bon elegeire es un elegeire autoterroristes que posa sa banhòlas coma un chin posa sa merda.
2- Un marcheir extremiste a tuat un brava tipe en veitura. Michelle Alliot Marie mena l'enquesta emb l'adjuda de Kouchner entre dos pitits forn.

Vaiquí de las senas probablas. Benleu, la Kosciuscko-Morizet a volgut 'nat querre Cecilia per un sejorn a Djerbà (veire Marianne). Mas vaiquí la Cecilià que ditz :

Oo ! Vole 'nar chas GAP. Lu pitit Loïs i trabalha a talhar daus abits. Benleu, trobaràs un pitit quauquaren per te. Passas tòst chas la Claire Chazal, n'oblidas pas...

Pendant queu temps, un piéton maufasent surtèt un coteu e tuet la paubra banhòla posada sus las gentas flors.

O b'etot, qu'es la Boutin que en anant charchar los formularis per lu PACS de son filh (emb lu confessor de Laporte) ela se ditz :

Pode pas i 'nar emb una escorta de ministre a causa de la Lagarde.

Pode pas i 'nar emb la veitura de mas fonccions auprep de la ciutat dau Vatican.

Vau mai prene lo quatre quatre. En passant, si trobe una negra sòrtida de sa meuta, la retornarai me-mesma dins sa casa, coma lo tsarkosi. Bon veirai quò aprep lo veterinar. T ! Sei ben bèstia, aprep lo tribunau. Daus vetz, quò fach pas bon de beure tròp d'aiga benita. O ben, portarai la filha au president per l'ocupar e coma quò degun poirà pus dire qué sei raçista...

Pendant lo temps dau tribunau, una andicapeda emb son fautuelh, paiat char, franchisa compresa, reussiguèt a far tombar la banhòla dins los eschaliers.

Ela se batèt tota la nuech, mas au pitit matin, la veitura se desviret e se daisset crebar.

La fin dau monde.
Auei au dejunar emb mos coleges, nos avem 'gut una discutida sus la faiçon d'anar far las corsas. Si-tòst dich, la secretari s'enportet contra la ministra, la Lagarde :

E coma fau far sens sa veitura. Mon òme vai querre lo pan tots los jorns, quò comença a far char d'aver una veitura.

Ai vougut 'nar au supermerchat en bus, l'autre dissabde. una ora de temps, ai mancat lo jornal de miedjorn.

Aquí n'ai mon confle e lors fach remarcar de un, que l'òme es retirat, laidonc a lo temps d'anar querre lo pan de biciclèta (2 x 2 km son bon per son diabet (?), son colesteròl (?)); de dos que voler 'nat vite per visar la television, con es.

A una perioda ònte la banquisa a perdut la mieja de la França, n'i a benleu mai greu que d'èsser sans televicon e que lo bon pan pòt se gardar cinc jorns; Qu'ilhs n'an qu'anar au merchat paisan e de 'restar de 'chatar daus produchs mòrts (los plats tot-prests, los "yahourts"...)...

Per fin de rendre vostra lectura mens penabla, vaiquí lo títol de "Courrier international" n°887 :

Aborigènes, enquesta sus un pòple sens destin.

Entre l'asimilacion forçada despuei dos siècles e la tentativa de "reconciliacion" dau primier ministre australian, un article de la polemista Germaine Greer sèrv de fil roja au pitit dorsier presentat sus una comunauta invisibla. I a un brave exemple de l'inconpatibilitat entre lo capitalisme e lur vita :
Una artista, Emily Kngwarreye (veire pintura) damandet d'un client de lui balhar una veitura nuòva per son nebot, çò per paiar un tableu. Lo client fuget d'acòrd e Emily ufrit la veitura. Tres setmanas aprep, lo tipe aprenguet que lo nebot aviá vendut la banhòla 300 $ australians, solament. En colera, damandet a Emily perqué si pauc char. La responsa fuget :

N'aviá besonh que de 300 $, pas mai.

De notar :
- una expausicion a l'ambassada d'Australie, 4 rue Jean-Rey (Paris 15, m°Bir-Hakeim) jusca a 11 de genier 2008
- en 2007, un tableu d'Emily Kngwarreye a estat vendut 1056000 $ australians (672000 èuros).

Sei eterofòbe. Pòde vos le dire.

Ai pas apelat a los tuar, los brular o solament los metre en preison. Ai pas demandat a los botar defòra dau paradís (las afars daus creienças son pas las miás), ai pas exercat de chantatge per aver de las relacions emb mos collègues, queraque.
Non, ren d'aquò.
L'annada passada, ai agut per la boita onte trabalhe, ai agut una nòrma de qualitat e de servici. Ujan nos som examinat per contròlar si nos avem ben fach nostre trabalh.
Aí ! Aí ! Aí ! despuei lo mai de junh, ai tirat l'alarme (som dins la securitat incendi, sabe far), despuei lo mai de junh, n'ai pas 'restat de dire que quauqueren ne vai pas. Mas mos duos patrons m'an dich que sei jamai content (T !), que sei pas chas me... Ren a far.
E ben, auei, som dins la merda, la cagada. Degum n'a jamai vougut remplir los papiers coma fau e ardi que tu marchas, o córrisses, querre una data de dorsier, una signatura.
Bon, fin finala, balhe a un collègue una lista d'aparelhs a aver dins las veituras (una lista emb daus casas voidas per marcar ÒC o NON). E l'autre de cochar davant me e de dire :
"Je sais pas où trouver le reste"
Li disi que benleu, pòt far un esfòrç e 'nar 'chatar çò que li manca. Me ditz :
- Comment je fais pour savoir ce dont j'ai besoin ?
- Bap ! Vaiquí una lista, non ? Qu'es coma per far las corsas.
- Ch'ais pas, c'est ma femmes qui les fait.
- Per una vetz, quò será te...

£ ¤ Å Æ È ¨ © « xxx

- Et puis, t'es homo de toutes façons, il y a des choses que tu peux pas comprendre. Faire les courses, c'est contre les gens qui vivent en couple. Tu te démerdes avec ton organisation hétérophobe.

Aqui benleu, sei eterofòbe vos dise.