Administra ton blòg

Crea un blòg ara ! Es aisit e a gràtis

Categoria: politica

Anarcorean !

joan-peire 05/04/2009 @ 14:17
Lo lengareu de la setmana es balhat a l'amassada de la redaccion de radiò-frança per la propaganda guerrièra. Veiquí resumat d'un biais qua'iment subjectiu las infòs d'aqueu dimenc mandin : lo NATÒ - La Corèa dau Nòrd - Anarquo-autonomistes, mas 'n autre ordre es possible !

Anarquo-autono-ultrà-gauchistes per las viòlenças dau G20 e d'Estrasborg, sens obludar que mai d'un son benleu Alemand, quò es de dire, per los jornalistes aus ordres, un "pauc bòche". Lo president de París aima pas los alemands e tots los biais per los implicats son bons.

Lo NATÒ provoquet de la violença dins de las manifestacions. Benleu que la gent aguessan estats consultats, lo retorn dins lo NATÒ se feriá pas, benleu, mas per o saber fau viure dins 'na democratia. Una violença fisica pòt esser 'na responsa a de la violença simbolica, emai siàia contra totas fòrmas de violença, pòde zo comprener.

La Corèa dau Nòrd chausiguet ben lo moment per lançar son satelite ; perdon, los jornalistes son 'quí per nos manipular e nos dire que lo satelite porriá estre un biais per cachar una bomba nucleara. Quò es pas la bomba qu'es dangerosa segond los comentaris, quò es la "possibilitat de tochar l'Alasqua, donc lo Obamà (e lo Japan maitot mas dins la bocha dau « natònistes » quò compta pas gaire, e aprep tot, an desjà fach l'esperiença dau fuòc nuclear, non). Ai visat 'na carta, avant l'Obamàland, i a la Corèa dau Sud, la China, la Russia, l'Índia, lo Tibet (veire pagina 120 e aprep dau libret dau CLO per los toponims internacionaus).

Adonc, aura, tornem boirar un còp tot quò e vejam lo resultat :
Lo NATÒ pòt esser atacar per los nòrd-coreans e, los anarquomachinachausas serán 'quí per far de las violenças quante faudrá de la coësion.

N'invente ren, ai auvit lo Tsarkonard queu mieijorn dins lo pòste dire :

De veire la resulta de la manifestacion daus oposants au NATÒ, 'quilhs gent poden pas se far passar per daus non-violents.

Ne'n « OFF ».Vos fau, brave monde, vos tornar 'pelar los de Tarnac, vesetz, avem los n'autres d'enemics de l'interior.

E la mesma colha d'adjúnher :

La poliça de frança es 'na bona poliça perqué n'autres de la frança son melhors que los italians o b'etot los anglès ente i a 'gut daus mòrts totas las vetz.

Ne'n « OFF ».Vesetz ben, brave monde, que podetz me far confiança. Mesma se deman i a 'na guerra en Iogoslavia, pertant pas membra dau NATÒ, mesma se i 'na guerra ne'n Afganistan, pertant pas membra dau NATÒ, mesma se i 'na guerra ne'n Corèa per aidar los japonès... mon noveu amic american "deu poder comptar sus de la gent de'n pès" coma lo v'autre chap-d'estat. E los oposants son daus teroristes (comunistes, anars, socialistes, peitevins, non pas los peitevins...) violents e destructors.

Ai pas mestier de desvelopar mon biais de veire las chausas, adonc, un lengareu per radiò frança.

boita_lemosina.jpg

~~°{^!^}°~~

Mai d'informacions sus queu film de propaganda americana

~~°{^!^}°~~
1 Eurò = 177,79400 Won & 1 Won = 0,00520 Euròs
estudian.jpg
Sus aqueu bilhet, vesem un trabalhor que sembla gaitar l'avenir miraudiós dau bonur comuniste, mas per dire verai, assembla de las chausas per far lo bonur radioactiu dau camarada aquí dejós qu'a la man posada sus lo glòba per lo conquerir e l'esbolhar.
nuclear.jpg

Enquera un lemosin

joan-peire 02/04/2009 @ 10:36

Bon, i a l'autra colha de Val dins 'quela videò mas tornar auvir daus taus perpaus,  'quò es 'na bona chausa per lo benaise !

Un cinemà, 'na peticion

joan-peire 30/03/2009 @ 11:25

Dempuis quauquas annadas, dins lo paísatge culturau d'Orleans, i a un cinemà « d'Art & d'Essai », un vertadier queu-quí, lo cinemà « des Carmes ».

Ufrís per tots e totas de las decubertas, de las encontras coma los realisators e las realisatritz, actors...

Despuei 7 ans,  « les Carmes » se son instalats dins queu quartier populari, sens bruch, an fach s'encontrar la gent.

Sauvat 'na prumiera vetz per la comuna (dreita) i a 5 ans, jostengut pendant 3 ans, la comuna vòt copar l'aida ne'n obludent que lo Pathé© e l'UGC© fan 'na guerra au pretz e qu'un cinemà « d'Art & d'Essai » pòt pas tenir la distança.

Que vive le cinema Les Carmes

Lo fuòc

joan-peire 30/03/2009 @ 09:16

Sei pas aüros auèi, lo luoc autogerat d'Orleans a brulat queu dimenc.

Lo fuòc sembla 'ver pres dins lo comptor d'electricitat, benleu. La bastissa es vielha segur, lo luòc, conhat un ancian retaurant e son lojament situats dins lo centre vila d'Orléans, abritava un bar, una biblioteca, una librariá, de l'informatica...

Erá benleu la causa de mai d'un còp de gola mas, coma pertot, los luòc son los produchs de l'amassada de la gent que i son.

I ai apres beucòp, sus las accions politicas, sindicalas, sus lo monde, quò sembla normau per un luòc d'educacion populara. La gent mesma ne'n dessacòrd, eran 'quí per aidar a montar "un quauquaren"coma la tuta de "la-bas si...", eran pres maitot a te far tombar se tu començavas a prendre tròp d'importança, quò es coma quò, daus umans, ren de mai, ren d'avantage.

Quilhs darniers temps, aprep la festa per los 4 ans, i aviá de las novelas personas, benleu pas daus revolucionaris, mas de las energias nòvas, de las volontats per dubrir lo luòc la jornada e non pas que los sers.

Los scellats son estats posats per 15 jorns, sem a l'espera de tornar trobar lo luòc...

chiendent.jpg

La fotò es tirada dau sit Libeorleans, picatz aquí per legir l'articla.

E dins la premsa locala " La Republique du centre ".

le_chiendent.JPG

Còp de fodra, lo planh dau taureu-vacha.

joan-peire 15/03/2009 @ 20:01
Bon, coma nos fau a n'autres bloguidors e bloguidritz escrir daus bilhets "portors d'eidèias" per pas far purar lo pitit Jesus, anguí (1) veire los autres joèbs per legir de las conarias daus bilhets escrichs coma quò fau. Per eisemple, e sei seriós 'quí, ai aimat queu bilhet. Aprep l'aver legir, anguí querre lo libre a la mediateca, n'i erá pas, bon, aní (1') lu charchar dins 'na librariá, la sason de la bede erá pas enquera duberta. E be, i tornarai far, mas per lo moment, me veiquí de fussinar un pauc, istòria de veire quauquas noveutats e tombí sus "Coup de foudre T1-La Complainte du taureau vache".
fodra.jpg


L'istòria es 'quela d'un coble de farmier qu'an 'na vacha e per aver daus pitis vedeus e de las pitas vedelas, quo es mai aisat d'aver un taureu (2). Adonc, veiquí nostre farmier tornat de la feira coma un taureu "pas char"(3), lu portet dins lo prat tot urós coma un tipe pret per véser lo film dau dissabde ser sus anal+. Mas semblarai que lo taureu es pas interessat de tròp per la vacha, non pas que se senta gai, mas pus filha que goiat. Ne'n mai d'aquò, la fodra (4) tomba e vei-los-quí, vacha e taureu de parlar de lurs problemas esistenciaus a la farmièra e au farmier d'aiciant a la fin ente lo farmier torna revendre lo taureu.

Per esser franc, m'es 'vís que traitar d'aquela tematica dins 'na bede grand public es 'na bona chausa, mas, conjoncion botada 'quí per contrabalançar la positivitat de la prumièra preposicion, mas perdequé far tant bargassar la gent dins tant de paginas quante la maitat i sufiriá ? Una vetz la situacion coneguda, pas la pena d'i tornar 36 còps per o tornar dire.

Lo taureu eispausa mai que ben la situacion dau punt de vuda de la question dau genre :

« sei una vacha dins un còrs de taureu, quo es coma aquò »

dau punt de vuda de la sexualitat

« non, podetz pas me damandar de me forçar a bicar per vòstre benaise»

e de la normalitat

« lo veterinari ven per me far quauquaren ? Ai pas tot sasit ! »

Una autra critica per mon perron de criticor-jamai-content, quò es la vacha. Ai beu aver estudiat la mecanica de la reproduccion chas los animeus, me semble gaire aver compres que la fumela erá somisa a son desir e totjorn presta per se far engrossar. Le traitament de la vacha, un pauc nècia e aürosa tant aprep aver bicar coma dins la maternitat, es sexiste.
Per 'chabar, los farmiers : la femna es un pauc concervatritz dins sos perpaus, mas 'la a 'na 'tituda pratica ; lo tipe es despassat per los eveniments, juga sus la soá masculinitat per far dau chantatge a la taurela. Quo es pas ben brave tot quò, s'en obludar que los dos se desbarassen dau fotor de merda emb son questionament sus l'eisistença.

Lu dise 'quí, lo taureu m'a fach rire dins sas mimicas, e quo es un plaser tau que tau de veire lo subject abordat ne'n bede mas mesfia de pas esser tròp mocandier.

Los amators de bede sus lo subjet daus trans~genres/sexuaus poden legir "Soleil cou coupé" de Lax & Bertoix. Bede un pauc negra mas plan interessanta sus lo biais de viure per "quilhs gents".

Nòtas :
1/ Pode far sens cultivar mon embonilh dins mon pitit cuenh.
1'/ Mas ai lo sens de l'umor.
2/ Sem dins 'na bede grand public tanben, l'engrossatge artificiau n'es pas lo subject mesma se dins la vertadièra vita...
3/ Un chavau bon merchat quò es rale, mas çò qu'es rare es char, adonc, un chavau bon merchat es char (Ionescò, per la pagina granda cultura).
4/ Second punt de cultura d'aqueu bilhet. Eisista ne'n francès e benleu en occitan una diferença de genre dins "fodra". La fodra tomba dau ceu e lo fodra es un atribut de Jupiter-Zeus dins los ciaus. Sens liam emb la question dau genre, a la prumièra legida aviá compres que qu'erá la fodra que "rendava trans" e segur que sei restar chas me dès que quò montava brun [nòta dau Desire : los perpaus transfòbes an pas besonh de propaganda, te dise pas marci Jipe]. Vau aura parlar de la transexualitat dins la mitologia, 'n'autre biais culturau d'aqueu bilhet, t !

Dins las metamorfosas d'Ovide, i a l'istòria d'un jòune bargier, un pauc vinvòla, lo Tiresias. Queu bargier un jorn vés dos serps s'acoblar. Còp-sec, veiquí Atena 'ribada per lu tresmudar ne'n filha. Son coma 'quò los ancians dius. Bon ben nòstre goaiata aura, vís coma 'na filha, as mesma un pitit. Mas, los dius s'einuian dins los ceus e un jorn, Jupiter & Junon se chamalhavan per saber qui de la femna o b'etot de l'òme preniá lo pus plaser dins l'acte sexuau ? Coma Tiresias erá estat goiat e dròlla, van la-lu far chiar emb 'quò. E lo-la Tiresias de dire que quò es la femna, provocant la furor de Junon. Còp-sec, lo veiquí tornat òme, mas se un diu pòt pas chamjar çò qu'a fach 'n'autre, Jupiter li crebet los uelhs per lu far devin.

~~o(*!*)o~~

Per restar dins la tonalitat e dau mesma còp tornar chas los gais, un pitit comentari sus los gatges disponibles sus lo Hitlerfòne per Google©.

Lo darrier gatge es un detector de gais. A la debuta me sei dich, ouf, aurai pus mestier de surtir ma grossa antena dins la rua per saber se un goiat es gai o pas. Me fau 'chaptar la merda ondactiva, installar lo gatge e esperar que mon veisin paubres-pitits-queu-goiat-e-sem-bentòt-l'estiu-e-vai-se-parmenar-meitat-nut-espres-davant-chas-me-enquera-ujan faja clinhotat lo chause. Mas non, quò marcha pas coma aquò.
Los americans, ilhs son fòrts 'quela gent, los americans an realisats de las recharchas (1) sus l'origina de la conaria de l'omosexualitat per 'chabar per creire que benleu la genetica, benleu lo cerveu, e benleu, tendetz v'autres, benleu "las marcas digitalas e lo biais d'usar la man mança (2)" es un sinhe per reconeitre los gais. Per las lesbianas, quò es desparrier e las charchas son menadas autrament. Sens obludar que :

Me, las lesbianas, se las 'trapava emb mon gros biron, 'chabarian ben d'esser lesbianas. Segur !

Tornam a nòstre detector de gais, 'pelat "straight", per eterò. Sufís de pausar la partida superiora dau guinhaire sus l'escran dau hitlerfone per veire los messatges «Sorry, sweetie, you are» o b'etot «You are the man».

Bon, aus USA, los gais an mai de poder, economicament, qu'en Euròpa e m'es 'vís que lo boicote es aprep s'organisar. Çò qu'es un pau estranh fòra lo desvelopament d'una tela merda-mesma-pas-aquí-per-rire (3), quò es la responsa de Google©.

« 'Queu gatge pòt ofensar d'aucuns, mas pensan pas violar la lei. Usar daus estereòtipes per tau o tau gròp de persona es pas aguir queu gròp». Quo es ben conegut que : los josius an las mans crochudas, un gròs nas e per mielhs se far reperar, perqué son pas francs, portavan a una epoca una estela jauna sus la peitrina.

Nòtas :
1/ Los dets daus gais sus alteròis
2/ Despuei 'quela legida, ai 'restat de me tripotat a gaucha, vole esser de dreita, vole esser de dreita ;-)
3/ Ai fach de las charchas, lo gatge es pas jamai botar dins la casa "umor".

perverti.jpg

La lei HADOPI

joan-peire 04/03/2009 @ 21:59
Avetz benleu auvits parlar de la lei HADOPI. Que de nuòu dins 'queu project de lei "creacion & rantela" ?

1/ La Ministra Albanel faguet subretot perdre lo chap a la tiala quante a balhada la soá responsa sus los descharjaments illegaus.
Coma far la pròva que quo es ben lo proprietari de la linha d'ente vene lo descharjament e non pas una tèrça persona ?
Fau 'na "securisacion" de la linha oèb per far valer la bona fe dau proprietari.

Los socialistes an fachs remarcar que coma quò-quí la presomption d'einocéncia passa a la trapela. L'accusat es presumat copable còp-sec.

2/ Es-quò un problèma d'aquela securisacion ?
Òc-es, quo es un problèma e un brave. Perqué dos deputats, per l'un socialiste e per l'autre dau nouveu-centre, volen un "utilh de securisacion gratuït e interoperable". Per zo dire tot emb-d-una, p'un eurò de desborsar per esquipar un ordinator, Linux, MacOS, Windos.
Franck Riester, lo raportor dau project de lei, diguet : Non !

Los fornissors d'accès a l'internet (FAI) devon esser urós perqué serán los profitors d'aqueu sistem coma los internautes van aver mestier d'instalar la "securisacion". Podriam dire, bon, quauques euròs de mai sus la nòta, mas non, los mesma ministra-raportor-sabe-pas-tròp-quò-de-las-vetz volon pas de l'interoperabilitat, tròp de dificultat per un editor. Siatz segur que Linux es obludat d'en prumier per MYcrau-crau$òft€$ Windoz, lo merchat es mai aprofechatble.

3/ Ai legit sus la tiala. Lo nos dau problèma es que lo Franck Riester sembla pas comprendre que l'interoperabilitat es 'na libertat dau consomator (Nòta dau JP : Pertant lo tipe sembla tirat de la dreita liberala !). L'Associacion per los logiciaus liures (APRIL) lança un apel aus internautes per los far escrir a lors deputats e los alertar sus aquela menaça.

Un blogor, Korben per lo denonciar, eisplica que per se, aquela lei es un pauc coma :

« 'Chaptar de las cameras certifiadas (adonc un pauc mai chèra) per las instalar chas vos. Coma quò, se dau monde es atacar pas luenc de vos, poretz totjorn provar que setz restar chas vos (seretz mai cregut perque las cameras son certifiadas UMP)».

--> Legir lo sit oèb de l'APRIL
-->Queu bilhet es l'ocasion de vos far 'nar sus lo sit punt-BZH, istòria de far le bilanç per lo nostre de punt, lo .OC segur.
amor1.jpg

I a maitot la propausicion de far una banda negra dins la cima dau sit, un riban, una casa... visatz los autres e copiatz.

Mai de 100 jorns de preijon ! ! !

joan-peire 04/03/2009 @ 19:54

Quò es 'queu divendres, 14 oras que la chambra d'instruccion de la còrs d'apel de París deu eisaminar, una vetz de mai, la damanda de mesa ne'n libertat dau Julien Coupat. Quò es lo quatresme còp.
Torne 'pelar 'quí que Julien Coupat, 35 annadas, metut en examen e incarcerat despuei lo 15 de novembre 2008 per « direccion d'una entrepresa terrorista e destruccion ne'n amassada a visada terrorista ».

Mestra Irène Terrel, son avocata, faguet apel de l'ordonança dau regiet de mesa en libertat balhada lo 23 de febrier per un jutge de las libertats. A la fin de decembre, un prumier jutge de las libertats aviá acceptat aquela remesa en libertat, mas lo parquet aviá còp-sec fach apel e lo Julien Coupat aviá tornat en celula a "la Santé". Mestra Irène Terrel diguet que son client « era estat per tres vetz, auvit per lo jutge d'instruccion e s'es larjament eisplicat sus los fachs que li son repruchats. Las pretendudas charjas de la debuta se son esbolhadas. »

Ma Terrel eisplica maitot que las uech autras personas mesas en examen dins 'queu afar son totas liuras jos contraròtle judiciari. Adonc, perqué pas Julien Coupat ? Es balhat coma « lo menor presumat d'un grop qu'auriá "sabotat" de las linhas TGV a la fin d'octobre e a la debuta de novembre ».

Per son pair, Gerard Coupat, Julien es un "preisonier politica", un "ostatge de la Republica".

  • Se v'autres voletz escrir, veiquí son adreça :

Julien COUPAT N° d’écrou 290173 42 rue de la santé 75014 PARIS

  • Reportatge Tarnac « N'oublions pas Julien Coupat » sur Dailymotion©
  • Legir sus lopòst©
  • Una tentativa de reorganisacion dins lo temps de l'afar sus lotigre©
anar1.jpg

Lo Libertin

joan-peire 25/01/2009 @ 14:30
Bote 'quí un pitit tèxte dau Geoffroy Vallée. Lo 9 de febrier de 1574, pès nuts, testa nuda e en chamisa, emb una crotz entre las soás mans liadas, Geoffroy Vallée 'ribava ne'n plaça de Grève per i esser pendut e "miei-viu" bruslat sus un buschier.
Avant, queu filh ainat d'una granda familha orleanèsa aviá degut veire lo copilhatge puei lo bruslatge de tots los esemplaris de son libre "La béatitude des chrétiens ou le fléau de la foi". Queu libre criticava las creienças consacradas de queu temps per lurs opausar la rason e la sciéncia.
Veiquí un daus chapitres, d'abòrd en ancian francès (grafia de 1571) puei la revirada occitana

Nòta : ai gardat la ponctuacion de l'epòca. Passatz la rata sus los mots solinhats per veire una transcripcion.


Le Libertin

Ie ſuis doubteux de Dieu
Sans Dieu ſuis tourmanté

Le Libertin ne croit,ny decroit,ne ce fiant,ne deffiãt du tout,ce qui le rent toufiours douteux,pouuãt venir s'il eſt bien ῖſtrui,ou qu'il medite ſouuãt, à pl⁹ heureux port ǭ to⁹ les autres qui croiẽt (pourueu quilay paffé ҏ la huguenotterie) d'aultant qu'il mõte en intellec pl⁹ que le Papiſte,auffy s'enferreil lourdemãt fil ne ce retire,pouuant tomber à l'Atheiſme, (il eſt vray que l'hõme ne peut iamais eſtre atheiſte & eſt ainfi cree de dieu)mais il peult tomber au pl⁹ mauuais eſtat que tous les deffuſdiz [1] encor ǭ le Papiſte ſoit du tout beſte (comme il a ia eſté dit) car le Papiſte eſt fi beſte,quil dit&croit que le bien,ſoit mal, & le mal,bien,ce que n'a pas le Libertin,car il ſe diſpence pour auoit le bien, mai il ne le veult que pour luy,≠ le peult prendre en dieu par ce qu'il en doubte. Aufi que toutes les Religions ont obſerué , d'oſter à l'homme la felicité du corps en dieu , affin de la rendre toufiours plus miſerable ,& que le meilleur ſoit pour eux (qui les ont inuẽtees)ou pour ceux qui les maintiẽnent.

La revirada occitana

Dobte de Diu,
Sens Dieu, sei tracassat.

Lo libertin creu pas nimai denege, se fia pas nimai se desfia de tot, quo es quò que lu rend totjorn dobtós. Se es ben instruit o se medita soven, pòt abordar d'un pòrt mai urós que los autres que creisen : siguesse passat per lo Calvinisme, es estat elevat mai intelligament que non pas lo papiste. Se es pas mesfiós, per aquò, pòt se perdre pesament e tombar dins l'ateïsme o per dire mielhs (perqué l'òme es entau creat de Diu que pòt jamai esser totalament atèu), tombar dins un estat d'inhorança e de tracat pièger que tots los autres qu'avem parlats, fòra benleu lo papiste que se trobe esser tant einucent que prend lo ben per lo mau e lo mau per lo ben. Mas lo libertin s'eschapa : quo es dins la vuda dau ben que s'afranchís de las religions.
Mas queu benaise lu vòu que per se-mesma, per ne'n tirar l'avís vertadier d'un Diu qu'eu-mesma dobta. Es verai que totas las religions an dòstadas per l'òme la nocion d'una felicitat dau còrs ne'n comunion emb la vertat divina, per far l'òme totjorn mai miserable, e per confiscar lo mielhs de l'eisisténcia per los inventors e los chins de garda de las religions.


Nòtas de la transcripcion
Ancian francés (SMS) ~ noveu = eisplicacions
ã, ῖ, ẽ ~ an, in, en
pouuãt ~ pouvant = tots los "v" son notats "u"
ῖſtrui ~ instruit = ſt lo "s-long" liat a un "t"
pl⁹ ~ plus = ⁹ egau "us"
ǭ ~ que = dins lo tèxte quo es un "q" susmontat dau sinhe "~"
to⁹ ~ tous = ⁹ egau "us"
ҏ ~ par = dins lo tèxte quo es un "p" sus lo sinhe "~"
auffy ~ aussi
le Papiſte eſt fi beſte ~ le papiste est si bête
[1]tous les deffuſdiz ~ ? ? ? ? ?

La crisa ?

joan-peire 16/01/2009 @ 15:24

Veiquí 'na broetada, una rodilhada, d'ancianas propagandas per los credits. Migratz pas de la lenga, i a pas mestier de comprener l'anglés per passar per un colhon !

Agar e Ismaël

joan-peire 14/01/2009 @ 21:57

Un pauc de cultura sus queu joèb.

Dins la genèsa (XVI)

Abram e Saraï vivián urós tots dos dins lo desèrt : 'na pita tenta, quauquas chabras...

Mas 'n'ombra ennivolaviá queu ceu tendéncia biblica : Saraï erá vaciva.
Bon, lo coble erá liberat non pas coma lo Ratzinger©, adonc la Saraï balhet la soá serventa au Abram a l'espera que quela quí asseguresse sa descendéncia. Abram, be, erá pas tròp colhon e bichet la serventa. Quò sens far 'tencion, Abram metet pas la capòta, Agar prenguet pas la pilula, adonc, pas mestier de far un dessenh, siguet presa.
Quò dura jamai gaire las afars a tres, Saraï botet defòra la serventa 'na prumiera vetz. Agar espaurujada (1) fuguet dins lo desèrt e aquí, un ángeu venguet la visitar. La paubra filha se faguet farcir la testa e l'employat daus dius li prometet lo bonur per ela, son goiat se ela erá obeïssanta. Vei-la-quí nòstra pita Agar que tornet chas Abram e Saraï.

Agar enfantet Ismaël.

Dins la genèsa (XXI)

Dins queu temps, lo vielh diu, un pauc vinvòla, se tornet 'pelar d'una promessa faita a la Saraï. Bon, ela maitot anet far las emplètas. Abram tornet dins l'istòria per balhar lo nom d'Issac au goiat, lu retalhar e per veire sa femna jalosar la serventa. Un brave tipe queu Abram, damandet conseilh a diu, directament (2), los ángeus quo es per las filhas. Diu rasseguret lo Abram per lo pitit Issac, quo es queu-quí lo bon, pòt botar la servanta defòra (veire ilustracion).

agar1.jpg

Horace Vernet : "Agar chassée par Abraham".

Abraham se levet de bon matin ; prenguet dau pan e 'n oire d'aiga, balhet tot quò a Agar, e la pita coma lo goiat s'en fuget se pardre dins lo desèrt de Beer-Schéba.

La seguida, la seguida d'aquela istòra, ben lo Ismaël balhet naissença aus prumieras tribús arabas, Issac aus tribús d'Israèl e dempuei degun dintra lo prumier mas bastard e lo second mas legitime, degun vòu calar dins quela afar d'esser lo preferat d'un diu fotor de marda.

Nòtas : los noms an pas estats chamjats dau sit Insecula.
1/ "Agar agarde dans le desert" en francés, EDR :p
2/ los contaires dins la bible an pas botats lo numerò per damandar de 'restar la guerra.

~~oOo~~

~~oOo~~