Banard 6
joan-peire — 2009-09-17 GTM 2 @ 13:15
digg it
del.icio.us
Partir un jour sans retour !
Enquera un de tirat avant la soá musica ! Afè, resta la Milèna e la Sheilà dins lo radeu de las i-cònas gaias, 'las devrian sonjar jugar las papajalinetas e prendre un merti, daus cachiers per durmir...
Segur, 35 ans 'quò es pas un atge per murir, mas quò es pus nimai un atge per continuar de siular totjorn. Fau saber esser rasonable.
joan-peire — 2009-09-16 GTM 2 @ 13:19
Confitura agra-doça - la sauvatgina
'Quo es pas tot de ramassar de las sauvatginas St Jan enquera fau-t-eu en far quauquaren. Alaidonc, ma prumièra confitura agra-doça.
Veiquí per 1 Kg de fruch, çò qu'ai 'massat :
- los fruchs lavats e copilhats en quatre bocins (fau gardar los pepins, la peu).
- 800 g. de sucre.
- 4 g. d'agar-agar (la mesura es de 4g. per 1 Kg).
- 3 culheras de vinagre de citre (lo "Xeres" fai l'afar, maitot).
- lo jus d'un citron.
- de la cardamona.
Dins un prumier temps, fau far cueire, fuòc fort, las pomas esbocinadas emb la meitat dau sucre, dietz a quinze minutas (juscanta poder las molinar). Aprep, fau las passar dins un molin, justamant :-)
Aquela purèa, fau la tornar sus lo fuòc, reglat doç 'questa vetz, per quaranta minutas de cueisson. Botar lo vinagre, lo citron, la cardamona maitot dins lo topin, puèis boirar tota la cinc minutas environ. La cueisson es lenta, 'quò sent bon e v'autres setz benaise. Escumatz donc un pauc ! Non pas sinar coma se eriatz aprep vos droguar, paubres pitits.
Aquela purèa, fau la tornar sus lo fuòc, reglat doç 'questa vetz, per quaranta minutas de cueisson. Botar lo vinagre, lo citron, la cardamona maitot dins lo topin, puèis boirar tota la cinc minutas environ. La cueisson es lenta, 'quò sent bon e v'autres setz benaise. Escumatz donc un pauc ! Non pas sinar coma se eriatz aprep vos droguar, paubres pitits.
Dins un veire, botar 4 g. d'agar-agar, lo descalhar emb un pauc d'aiga e botar iò dins la topina. Far cueire 2 minutas de mai sens dobludar de boirar.
Tuar lo fuòc e versar la confitura dins los pòts, pas sus los flancs, los barrar e los cuar tota 'na jornada.
Dins la seconda cueisson, podetz pebrar o metre un batonet de canela.
joan-peire — 2009-09-15 GTM 2 @ 12:00
La jalada de pometas dau bargier
'Quò es la sason de 'chabar d'emplir lo confiturier, alaidonc 'n'avantura de mai per vòstre chaçorculhor bloguidor.
Fau massar las fruchas d'espina blancha, pitas bolas rojas 'peladas « poires à bon dieu » en francés, « pometas dau bargier » en occitan. Mesfiatz v'autres, i a un òs sos la peu. Aprep las aver 'massadas, fau las desgrapilhar, las escoatar avant de las far bonhar 'n'ora dins un demiei litre d'aiga freda e 'na culhera de vinagre (blanc o de citre, o sabe-iò qué me).
L'ora escolada, fau gietar l'aiga e gardar las fruchas ;-) per las botar dins una cassairòla emb un autre demiei litre d'aiga. Far chaufar dietz minutas. Aquí, i a doas faiçons per ostar los nogeus :
-
passar las fruchas e lo jus dins un molin a legums. 'Quò es pas aisat, segur, e fau i far dos o tres vetz per aver beucòp de « pulpa ».
-
far un colador emb 'na pelha, puèis passar las fruchas. 'Quò es mai autentica, segur, mas pas 'cepte dau tot.
Fau pesar la pulpa e botar qua'iment lo mesma pes de sucre (personalament 0,5 Kg de sucre per ~1 Kg de frucha, mas i a de la gent que montan jusca 1 Kg per 1 Kg, la resulta es 'na confitura mai espessa), adjúnher un jus de citron (verd per mon peiron) e tornar la cassairòla sus lo fuòc, 30 minutas, fuòc doç. Vos fau escumar.
Dins un veire, botar 4 g. d'agar-agar e lo descalhar emb un pauc d'aiga ('tention, lo agar-agar sent pas la ròsa), gietar 'quela preparation dins la cassairòla e far cueire 2 minutas de mai tot en boirent.
Dins un veire, botar 4 g. d'agar-agar e lo descalhar emb un pauc d'aiga ('tention, lo agar-agar sent pas la ròsa), gietar 'quela preparation dins la cassairòla e far cueire 2 minutas de mai tot en boirent.
Tuar lo fuòc e metre la jalada dins los topinots, barrar fòrça-fòrçada e cuar los pòts. Los laissar virats dau temps que fregissan.
Preparar las etiquetas per las jaspir.
joan-peire — 2009-09-13 GTM 2 @ 14:00
Ai mestier d'un còp de man
Aprep l'Òmi de la fotografia ©, sei lo seguiant a dever damandar un còp de man per identifiar una frucha.
Me songe que son de las pomas Sent Jan sauvatginas mas bon, i a benleu daus especialistes de botanica dins lo monde virtuau. I ai gostat, sei pas enquera mòrt, 'quò sembla mai 'na poma qu'un virus coma aqueu de la gripa HN1, segur.
Me songe que son de las pomas Sent Jan sauvatginas mas bon, i a benleu daus especialistes de botanica dins lo monde virtuau. I ai gostat, sei pas enquera mòrt, 'quò sembla mai 'na poma qu'un virus coma aqueu de la gripa HN1, segur.
Las ai 'massadas sus lo bòrd de la rota, dins lo fossat. Son gròssas coma de las balas de ping-pong.
Lo prumier, la prumièra que me balha la responsa o b'etot 'na responsa 'cepta aurá ma reconeissença e un topinon de confitura ; fau be balhar envèia a la gent de far 'na responsa ;-)
joan-peire — 2009-09-10 GTM 2 @ 18:45
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
