Coma promès, veiquí 'na pita esplicacion sus ma fiertat dau jorn :
òc-es, ai fach una cròstoneta dins lo pòt mas me pòde l'esplicar e pas lu pitit nanet ;p
Laidonc papà & mamà fau me laissar contar l'istòria dau perque lo paris d'un-jami-content-totjorn-de-romar-quela-granda-gola emb un prof de dessenh se transformet ne'n un « combat ordinari » contra 'n'amassada de gent tots pus colhon los uns que los autres.
I a quauqes tres mes, una amija venguet passar quauques jorns a Orleans. L'ocasion de bargassar un pauc, ela, son amic e quauques autres « ancians » de la mesma banda.
La prumièra escharpida verbala fuguet sus la denominacion : « prof de dessenh » contre « ensenhaire d'art plastic ». Semblariá que las fonccions son desparrièras emai los escoliers s'enmard...
La segonda sus lo besonh d'aver de las subvencions e un congier sabatic per « far quauquaren ».
La tresesma chapoinada fuguet sus marcar lo genre dau trabalh : « un professor » « una professosa ». Òc-es, 'quo es pas ben brave mas 'quò me semblava mai respectuós de l'egalitat.. un pauc mai coma 'quò fau. 'Quò me semblava, per ma pera sola, perque avetz comprès que lo chior, lo cagaire coma se ditz chas la gent instruits, setz aprep legir un bilhet dau seu joèb.
D'abituda iò comprene quante ai pas rason o pusleu, coma vòle esmaiar degun sabe esmeitar 'na situacion, ne'n pense pas mai mas aime pas de tròp m'enfuronar per pas far purar « lo pitit bouda », per menajar mon cur. 'Queu ser me sei enfonsat dins ma pensada e ai ben taschat de me desengaulhar, ren. Aviá lo cerveu en roda liura, la boscha grand' uberta per trapar las conarias que passavan ; e 'quò manquet pas d'arribar :
40 paginas en 3 mès.
Credetz que 'quela saloperia de cervela se 'restaria de la vetz ? Ben non !
La debuta de julhet es 'quí, la bede 'la-tot. Ma copina tornet me visitar, nos nos escusem, afé, presente de las escusas se-tòst acceptada e nos veiquí pertit sus lo chamin de la vita.
Mas, emb las prumièras planchas realisadas, i aguet de la gent alentorn de me per coma dire, c r i t i c a r.
Criticar, sabe iò far mas tasche totjorn de rire un pauc, ne'n mai d'aquò, quante 'quò es un « quauqaren » que se monta, tasche de pas l'esbolhar. Espera solament que 'queu quauquaren siá 'chabat :-)
E mesma, critique, adonc sei criticable, segur. Mas 5/40 planchas per predire 'na merda, benleu pas. Me dire que 3 mès sens se 'restar de trabalhar quo es cort, d'autant mai que 'quò fai ben 15 ans qu'ai pas pres un cralhon.
E la fas en occitan, mas pus degun iò parla !
Auvit de gent que saban que prene de las leiçons. Ai 'gut beu tornar balhar lo quasernet de las charjas dins sa livrada la pus simpla : 40 paginas X 3 mès.
Avem jamai parlats d'edicion, de qualitat, d'edicion...
Dau còp ma volontat eriá pus de ganhar la pizza mas de contunhar per far barrar lur boitia a tots qu'ilhs embrenors de prumièra.
Fase 'na version corta sus la bede qu'es un chause de goiat, sus l'occitan (fau 'nar legir las conarias sus lo sit de la Depecha©) per parlar un pauc daus artistas lemosins, de dos artistas Marcela Delpastre & Jan dau Melhau per los pas nomar.
Quante voguí prestar daus libres, bilingues evidament, me siguet dich :
M'an pas l'aer d'estre tant interessants que 'quò. Te fau benleu portar interès sus daus « vertadiers » escrivans.
Flacatau lo JP.
Non aürasadament perque es ben plantat sus la terra, mas sei estat nafrat, d'autant mai que 'queu jorn, sem 'nat veire un « vertadier » artista. Ai solament fach remarcar que per far tenir las pretencions poëticas ilustradas per « l'artista » faliá un brave libraràs (cuberta d'un metre sus cinquanta centimetres), e qu'ausariá pas l'estendre a costat d'aquelas dau J...
Veiquí per 'na pita esplicacion benleu per ren, benleu per romar un còp de mai, benleu per comblar los mancas de virtualitat dau temps daus « dessenhs » qua'iment tots los sers.
De las chausas negativas :
- Sei pas content daus dessenhs ;-(
- Sei pas content de mantunas planchas ;-((
- L'istòria es mai que mai nècia ;-(((
- ;p
De las chausas positivas :
-
Ai tengut lo paris, YEAAAAAAAAAAAAH.
-
Ai tengut bon sol contre tots, YEAAAAAAAAAAAAH.
-
Ai trobat un biais de presentar nòstra plaqueta (per lo trabalh perçòque fau ren perdre d'una esperència de vita).
-
Me fau dire marcé a la gent que m'an sostengut : Maime, QP-lo francòcatalan de Tolosa, mon pair e ma mair que m'an aidat per lo vocabulari (qu'eriá minhard 'quel estiu).
-
Me fau dire marcé a Freud© per l'istòria coma ma paubra granda e lo Bouda.
-
- La raca de margaud de ma maire que pisset dins ma biaça, lo chat e non pas ma mair. Eu aiguet tot lo quasernet.
digg it
del.icio.us
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
