Un jorn t'i tornaràs far !
Lo joèb de Jan Peire

- una bòta de pit'espargues verdas
- quauque grun de sau
- una pincada de sau
- dau pebre
- un gran d'alh
- dau burre
- una padela e dau fuòc.

Preparacions : se las espargues son gròssas, las fau blanchir (2 minutas dins de l'aiga bulhinta). Ne'n mai d'aquò, fau apchar l'alh.

Dins la padela chauda, botatz dau burre. `Tencion de pas lu far ennegrir. Aprep, botatz las espargues, l'alh apchada, salatz, pebratz, boiratz lu tot e crubretz la padela.
Tres minutas coma quò e fau remuar una prumiera vetz. Tornatz salar e pebrar. Daissatz cueire, cubert, tres minutas de mai, tuatz lo fuòc e qu'es `chabat.

Facil de far, quò pòt èsser acompanha d'una poma (la frucha) cueicha de la mesma vetz.

A saber : quò es afrodisiac, quò fai tornar la femna dins la maison ne'n tres jorns e quò pòt adjudar dins las revisions dau bac.

Oo ! La lausa, lo logicial de fichatge usat per la polícia es mes en pausa per lo moment. Nos fau restar atentius perqué dins queu beu fichièr se troba una rubrica "estat de la persona", es un biais per botar de las informacions tan importantas que :

[] sens domicili fixe
[] andicapat
[] gai
[] transexuau
[] travestit
[] prostituat-ada
[] frequenta las cantonièras
[] trebol espsichique (?)
[] fa usatge d'estupefiants
[] permanent de l'UMP, dau PS, sindical

Pense que la polícia de Vichy, de tsarkosy a obludat :
[] negre
[] josieu
[] musulman
[] occitaniste ...

Ai laissat un espaci vierja, bòtatz i çò que volètz, lo signe [] es per botar una crotz. Se vos vos trobetz sens crotz, podètz durmir tranquille.
`Tencion ! Portar planh o tesmonhar es tot parier. Des las informacions sus vos, vòstra vita son inscrichas dins lo fichièr.

Devèm dire maitot mercé aus condés de FLAG (pas de comentaris sus las miàs contradiccions, las son miàs). Ei merda, 4 crotz per me e quò es pas lo jòc dau morpion.

Ai `chaptat sus livre-rare-book un exemplari de "lou galetou pebra (1935)".

"Per dehargnâ lous Lemouzis" pòde pas far sens ne'n balhar una :

Un bon vielh curat confessava
`Na genta dròlla de chas nos
Que cor un pauc tròp los garçons.
Bravament eu la sermonava
Dins l'ombra dau confessionau
Sus quauques pechats capitaus
Que nostra vinvola (1) obludava.
Eu li posèt tant de questions (2)
Metèt tant los punts sus los "i"
Que quò faguèt montar la mina
A la malurosa gamina.
« Si `us platz, disètz-iò, mon pair,
Parlatz-me de quauque ren mai.
Vos m'avetz (3) talament enervada
Qu'en m'en tornant, sus mon chamin (4),
Se trobava mon bon amic,
io siriá d'abòrd decidada ! »

Moralitat :
La prudéncia ditz que vau mielh
Laissar durmir lo chat que duèrm.

Notas sus l'escrich :
1 - ... notro vinvolo
2 - Per far la rime, fau prononçar [questî] coma la gen de l'oèst de Lemotges.
3 - Vous m'as talomen...
4 - sus mon [chami] per far la rime emb [ami]

De las emissions sus lo tèma de la poësia daus trobadors d'auvir sus France Cultura, tots los mandins, a 6 oras dins "l'elògi dau saber".

Despuei lo siti, cliquatz dins la casa "arquivas" e sus lo jorn.

'Tencion, i a una diférença entra lo tèxte e le son de deschargar. Fau debutar per lo diluns 21 d'abriu 2008.

Vaiquí la pita presentacion dau Baillargeon per la tuta de "là-bas", fòrça ouikipediana la presentacion :p

Normand Baillargeon es professor a l'Universitat dau Quebèc (sciéncia de l'educacion). En mai d'aquò es un militant libertari e alternatiu.

Ai recebut queu chiatari auèi. Ai botat quauques mots (pres sus : Au país de la metafòra - I. La Valada) en mai de la ravirada mot per mot.

Adiu, m'apele Alexandrà !
De segur, sei fadada coma un panier traucat e laida coma un grapaud, laidonc me sei inscrita dins una agéncia. Lors ai ben especifiats que cercha qu'un tipe d'òmes. M'an assurats de me'n trobar un ne'n una setmana. Sei tornada a l'agéncia per far lo bilanç e aquí, m'an balhats ton corièl.
Ara póde t'escrire que sei :
Béstia coma 'n'aucha, risenta coma un cent de claus e seriosa coma un pòrc que pissa.
Vòle pas restar tota sola, vòle trobar mon amorós, ma meitat e me maridar

I am looking for a man who will fall in love with me and I will fall in love with him.

Quò es la prumièra vetz que vau me maridar. Vòle tot plen de nenet e raive d'una granda e bela familha posada a costat de mon òme. T'assegure que sei pas sorda coma un topin. Sabe mesme cosinar e legir. Pòde maitot parlar englés mesma se au liech parle pas la bocha plena.

Se vòles , pòds m'escrire a corièl : Odinokaya29@gmail.com

Pòde de mandar d'autre fotòs de me tota nuda. Espere un messatge...

Alexandrà la cantonièra.

Yossel ! de Joe Kubert
L'autor es una legenda dins l'univèrs de la banda dessenhada, un pauc mens conegut que Will Eisner, mas un grand. Aquí, eu vira visar l'istòria de la soá familha : sos parents, polonés, an daissats lo país ne'n 1926.
Queu libre es una istòria inventada, non pas per lo fons mas perqué quò es una istòria que es la resulta de la soma daus «se».

Entraucats dins los esgots, permés los darniers subrevius dau "ghetto" de Varsovia, lo dessinator-narator se representa coma un jòune garçon de 15 annadas. Yossel continua de dessenha los supereròis que li an balhats tant de coratge, de las fòrças per traucar las espròvas...

Altertorn de la diversitat cultivada per una planeta non dopada.

L'altertorn es una manifestacion itineranta destinada a far la promocion d'una agricultura non intensiva, respectuósa de la natura e daus umans que la fan valer. Dins un ambient de festa, las coneissenças balhadas aus politics e a la gen per l'ocasion, se crocharan a la nocion de dopatge que tots son d'acòrd per ne'n denonciar l'existéncia dins l'espòrt. Fasent remarcar que lo dopatge de la terra e de la plantas es una practica correnta dins l'agricultura intensiva (engrais, pesticides, plantas geneticament modifiadas...), l'altertorn balha de veire d'autres modèls agricòlas mai respectuòs per l'environament, balha de pensar la biodiversitat tot en garentissent la soveiranitat dins l'alimentacion.

Queu concèpt de diversitat es egalament declinat per la cultura (cosinas, lengas (1), musicas, danças...) sus los sitis de pausa d'una granda bocla realisada sus de las vias verdas, percorudas a bicicleta dins un esperit de paratge.

Notas : ai reçaubut quò per lo grop de la simplicitat volontária. pense que lo program es fòrça ambicios. la ccordinacion es realisada per los verds, acuèlh païsan, la FNAB, los amics d'acuelh païsan, los amics de confederacion païsana, attac, Terraliança e altercampanha.

1- per las lengas quò es lo 21 de julhet, Vilanòva/Olt. 'tencion, quò deuriá èsser chapotar per los esperantistes benleu pas per las lengas autre que lo francès (pense pas que la gen van 'nar deschargar lo programe informatic IKURSO per aprendre l'esperantò e parlar solament dins 'quela lenga).