Un jorn t'i tornaràs far !

Fin d'annada 07 e la familha.

Tot es conhat en pagalha 'quí, dins queu bilhet, quo es per ne pus trop i pensar dins l'annada qui ven...
Sei dins la capacitat d'exprimat las miàs contradiccions, ne'n es pas totjorn de mesma per los autres dins la familha. Nos avem jamai tròp parlat, la familha e me. Sei totjorn a visar lo meu embonilh, totjorn dins lo questionament e pas saber jauvir dau moment present. Simplament beure un veire de vin sens a la minuta, intelectualisar l'alcoòl, la qualitat de produccion.

Quò debutet emb los present per Nadau, enfin per la novela annada. Mos nebots e nebodas m'avián balhat una lista :

Mas tres sors e mon fraire an un pauc romat (qu'es dins lo sang), mas coma ai pas de dròlles, pòde jugar au tonton gateu qu'aima ben los goiats chas los autres :-)
Aurián volgut daus films mai "grand public" que "Renaissença" o lo dessenh animat qu'es pas un "Disney". Per lo "dà Carcassona còde", ai presentat lo libre coma quò, i a 'gut una levada de bloquièrs. Tornet lors dire que per saber çò qu'un libre conta, fau le legir. La dobla eroïna màgera a una psicologia fòrça interessanta mas l'ensemble es un copiat-collat dau "dà conaria code", libre juste bon per calar una armari, per la toristalha tecnologisada ne'n manca d'espiritualita dins la galariá merchanda dau "Louvre"...

De veire lo devede "1907" sus la revolta daus vinhairons, mon beu-frair me parlet daus gens qui aimarián de la vacha de qualitat mas anirian contra palhar lo pretz. Eu pren exemple sus una emission de la television sus los fromatges. Comprenguei ben lo seu rasonement dau punt de vut "paísan" mas li damandei perqué aver achaptat una banhola japonaisa. Quò es pas los obriers qui l'an fabricada qui van venir 'chaptar lo lach en Charenta...

Ma bela-sòr me damande si comptava tornar viure en Lemosin. Voldriái ben mas me fau trobar lo trabalh (de vendor de pan jusca a dessenator (en passant per la qualitat, la misa en pagina, lo magasinièr, lo manobrier, l'acuelh dau public, la formacion (informatica, extinctor, prevencion (sexuala, securitat))). De la mesma vetz, aimeriái ben 'nar viure en Bretanha, ai plan aimat l'isla d'Ouessant l'an darrier e tota l'encontrada.

Au cafe, botei sus la taula "Occitania". Me seria fach insurtat :

-Qu'es quò ? Mesma pas escrich en francés !
-Si un pauc, vija 'quí un article sus Guingouin.
-E vòlon qué dins 'quela revista ?
-Parlan de la lenga, dau país, se posan de las questions.
-E perqué far tornar aprendre la lenga ? Son pas urós en França, s'anujan ?
-Sabe pas per ilhs, mas quò m'aporte de comprendre perqué i a daus noms de luòc coma "la Coldebouye, la Ribière, Loubignac" o les "peladis", "las retondas"...
-Bon, continua si quò te balha a minjar un jorn, quò será ben.

Notar : darniera fotò de la gara de Lemòtges, si-òc-ben, i a la mar
1- "Matin Brun" de Franck Pavloff, tot pitit libre e maitot un film d'animacion.

joan-peire @ 16:58

digg it | del.icio.us