Un jorn t'i tornaràs far !
Lo joèb de Jan Peire

Prumierament, las fotòs des òbras de Thomas Meyer son plan bravas. Ai trobat fòrça interessant un article escrich per lo "Guardian" sus la recession economica. Lo jornalista sap que quò causariá daus problèmas mas eu pren exemple sus la guèrra e la necessitat per temps de crisa d'èsser frugal e de pas balhar tròp d'importància aus objèctes futils (coma lo ipòd, lo ifòn, lo meu ordinator...)(1). Du còp, poiriam nos consacrar au mai important, se logar, minjar entr'autre (2).

Dins lo dorsier, doas obervacions :

1. i a beucòp de trancha de vita qui aprep aver coneguda la creissença per palhar la maison, se posan en modèl de vertut.
2. las organisacions son per beucòp americanas o dau nord de l'Euròpa. Òc, qu'es lo jorneu qui vòl quò. Es a desesperar per los poples "latins". De segur, i a los sitis de la decreissença aquí e 'quí mas changar las nòstras manièras sens contrarietats sembla pas chausa aisada. Ne mai de quò, faudriá pas tombar dins una vision romantica de la paubretat. Maitot se privat emb duretat per èsser malurós es pas brica malin.

Au trabalh : pendent un an ai tachat de metre en avant l'ecologia, la reciclabilitat per las furniduras administrativas. La sola chausa que compta es la moneda. Mos patrons sigueron suspres de veire 15% de diferéncia au benefici dau pitit gèst vers lo benaise de la planèta.

A la radiò, lo dissabde 5 de genier 08 : CO2 mon amor aviá per invitat un daus chantors d'I Muvrini per parlar de l'ecologia dins la lenga e dau seu liam emb la natura.

Notas : las fotòs son daus detalhs de la gara de Lemòtges (quante l'utile sabiá èsser beu).
1- i a mesma una tentativa de pas viure emb l'electricitat pendent una annada (blòg).
2- lo grop "Adbusters", los cassors de propaganda, son en tren de metre en rota l'operacion "una annada sens achaptar".