Las actualitats gaies
Quò fasia un pitit moment qu'era pas 'nat veire lo siti soïssa 360°. E ben sabe perqué. De las vetz, i a de qué èsser paranoïac.Dins lo mesme resumat d'actualitat, i a una brèva sus la propagacion d'una socha de bacteria resisténta aus anti·biotics, quò a San Francisco e Boston. Quela bacteria seriá la causa d'abcès, d'ulceracion e maitot de pneumonia e de problèmas cardiacs. Una bona igièna e se lavar emb dau sabon son recomandats.
Davant una tela infò, me mesfie totjorn, talament i a 'gut de conerias de dichas sus lo virus dau SIDA. E maitot, fau far 'tencion perqué a la debuta de l'epidemia, los gais (1) an pas pres las alertas medicalas plan seriosament. La seguida fuguet l'ecatomba.
L'autre informacion es l'istòria de dos jòunes que se son fachs rosas per un poton. Merda, cresèm totjorn veire lo bot dau tunel e esperèm poder se posar un pauc, mas non, i a totjorn quauqu'un per vos far chiar dins vòstra vita.
«Quante me sei deveilhat, dimenc, aviá pus envia d'èsser gai. Aviá vergonha, me sentiá colpable de pas aver pogut me rebifar, de pas aver saugut protegar mon amic. Per un còp que me montrava...»
Per rintrar chas ilhs, Marc e paul prenon un corredor sosterranh. Sus l'elevator, fan pas 'tencion d'un gròp de sieis goiats, e 'quí, se potonan. 'Ribats en naut, quò es un "saloperia de pedalas" e daus còps per los dos gais. Sens i o saber, se trobavan pas luenh d'un luec de draga e, queraque, los tipes eran 'quí per "cassar de la pedala".
Sabe : quò es en Soïssa e devèm metre de la distància.
Sabe : eran 6 contra 2, laidonc, i a pas de se sentir colpable.
Sabe tot quò, lu sabe ben, mas aquí, a Orléans, ai 'gut un amic virat de son trabalh per èsser gai (avèm ganhar au tribunau), ai 'gut un amic per qui la mesma istòria es 'ribada (veire lo siti dau GAGL aquí e aquí). Ne dise pas que los gais (e las lesbienas) san tos de braves tipes (e de bravas goiatas), daus ángeus, luenh d'aquí. Mas merda, me semble pas que lo regent de París (2) a botat daus eteros, daus creients, daus religios dins la Sèina. Me sembla pas maitot que Labarrère a Pau a fach montat sos oposants ne'n denaut de la pus nauta montanha de las Pirenèus per los gietar dins un ravin. Ne vòl pas parlar aquí de Doumergue (e òc, lo Gaston era de la jaqueta).
E merda, torne romar...
Notas :
2- veire una banda dessenhada sus la question.
-=°=-
joan-peire @ 21:55 Categorias: omofobiagay
digg it
del.icio.us
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
