Lo taure e le vedèl
Lo taure e le vedèl
Un vièlh taure tombèt dins un espés bartàs.
Un vedèl, que paissiá dins la vesina prada,
li diguèt : « Fai atal, pèi atal, camarada,
E d'aquital lèu te trairàs ! ».
Lo taure li respondèt : « Çò qu'ara me cal faire,
Oc ai apres avant que foguèsses nascut.
Es a pro-pena qu'ès banut,
E voldriás ensenhar ton paire ? »
Quantis jovents, qu'encara al nas an de vormèl
Fan soscar a-n-aquel vedèl !
Prosper Estieu
- Lo Fablièr Occitanjoan-peire @ 18:55
digg it
del.icio.us
Un
joèb per usar de la lenga d'òc de la
charanta lemosina juscanta Lemòtges 
