Un jorn t'i tornaràs far !

Normand Baillargeon es professor a l'Universitat dau Quebèc (sciéncia de l'educacion). En mai d'aquò es un militant libertari e alternatiu.

2005 fuguet l'annada de la sortida dau "pitit cors d'autodefensa intellectuala". Presentat a la radiò per Mermet, queu libre fuguet la pòrta d'entrada de l'autor dins lo grand espaci public, fòra las librariás especialisadas. Lo libre es un catalògue d'astúcias per dejugar las trapèlas dins las ditas de la fabrica deu vejaire tant chas los jornalistas que chas los militants. Lo libre es estat recompensat per lo prèmi "Québec Sceptique 2005".

• Per legir lo libre sus la tiala, seguètz queu liam
• Per auvir "là-bas", seguètz queu liam

De segur Mermet es pas perfech, mas tornèt far una emission sus lo Baillargeon per la sortida de "Propaganda, coma manipular l'opinion ne'n democracia". Quò es una presentacion de las teorias d'Edward Bernays, l'inventor de las relacions publicas. Bernays èra lo nebot de Freud. Queu tipe a usat lo saber sus l'inconscient per far vendre e tanben far passar las idèias de sos comanditaris.
I a tota una explicacion sus la creiença que la democracia es pas l'ideal per lo pòple. La finalitat d'una tela «sciéncia» es estada que queu libre èra lo preferat de Goebbels.

• Per auvir "là-bas", seguètz queu liam

Vau 'chabar 'quí queu bilhet sens oblidar de balhar lo liam dau joèb dau Baillargeon, e de recomandar de tuar la television e legir.