Un jorn t'i tornaràs far !

L'artista a balhat una conversa ònte eu ditz :

La mòrt e lo chamin que i mena son auèi una sufrança.

La realitat de la mòrt es crudela, quò, dins los ospitaus alemands, dins los servicis de suènhs intensius e dins los blocs d'operacions. Es 'quí lo vertadier escandal.

Gregor Scheiner (39ans) adjunh que l'ideia data de 1996. L'artista es lo laureat de la Bienala de Venècia ne'n 2001. Dins queu projècte, l'intencion es «d'exposar una persona ne'n tren de morir d'una mòrt naturala o que ven de morir».
L'artista a precisat que la persona recharchada per quò balhará son acòrd en tot. I a mesme ja un colleccionor d'art que l'artista espera lo mòrt per realisar la soá "installacion".

Per ma pera, qu'un artista vòlha interrojar la societat sus la mort, perqué non, i a motlonada de fotografes que l'an fach (e daus scultors, daus pintres). Mas far dau fric e voler marcar l'istòria de l'art ne'n exposant una persona morenta, quò es un manca de respiech per 'qela persona, emai fuguessan liat per un "contrat merchand". Quò se fa pas. Non la mòrt reela es pas un espectacle per una mòstra.