S'entornar de Barcelona
Las vacanças a Barcelona son 'chabadas...
Sieis jorns de plaser, faiçon torista, fòra lo divendres jos la pluèia, uech musèus, doas permenadas vilaudas, dietz exposicions, mai d'un luèc important, mai d'una librariá...
Auèi, los darniers devers per lo collegi d'Occitania, los prumiers velòmetres sus los cais e las levadas de la Lèire, la preparacion dau quasernet de viatge...
Sem dimenc e ai una pensada per los manifestants encontrats davant la Sagradà. Son 'quí per dire que mai de 2 ans passats ne'n preijon per injura au drapeu quo es tròp.
Sei pas segur segur qu'una vetz l'indepedancia 'ribada n'i aurà pas la mesma chausa per queu-quí que fará de mesme au drapeu de la Catalonha (1). Mas bon, 2 ans de preijon per una pelha, mesme una ora de preijon seriá de tròp.
Lo siti oèb : llibertatfranki
Nota : 1-ai totjorn queu escrich de Stefan Zweig a l'esperit : quante los drapeus son de surtida, l'intelligéncia passa per lo bot dau canon.
joan-peire @ 19:27 Categorias: barcelona
digg it
del.icio.us
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
