Un jorn t'i tornaràs far !
Lo joèb de Jan Peire

Lo 17 de mai, quo es la Jornada Internacionala contre l'Omofòbia. Bon, coma a chasque vetz, fau-t'i ne'n èsser o pas ?

De quala faiçon que quò sia, ne'n sei : dau bastiment, de la jaqueta, de las folas, daus jan-filhas, de la pedala, daus amators de la terra jauna, de la bogralha, dau mitan daus badacuols, dau botís, de la gossa (per las filhas), un afemelit, un invertit brèf un omosexuau, un pedé, un gai o b'etot un chivalièr de rampeta ;-)

Quò pòt èsser ben per far un bilan, mas pas per chamjar las mentalitas, un pauc coma per la Jornada de las femnas.

La JICO (IDAHO ne'n anglés) es estat iniciada per LG TIN : universitari, coordinator dau diccionari de l'omofobia e un daus iniciators deu CRAN (Conselh Representatiu de las Associacions Negras). Omofòbia es un neologisme manchat coma un balai (aver paur dau mesme quo es pauc probable) mas tot lo monde an sasit.

Per mon perron ai perpausat a la Federacion daus Centres Gai e Lesbian, una eschala dins l'omofòbia :

• 0 : galejada sus lo zinc
• 1 : perpaus omofòbas contra o tochant una persona ne'n particular
• 2 : perpaus butant a aïr los gais
• 3 : còp e violenca entrainant una incapacitat de trabalh < 2 jorns
• 4 : còp e violenca entrainant una incapacitat de trabalh > 2 jorn
• 5 : tentativa de meurtre

Per exemple, la decision dau governament es omofòba, mas la reaccion de ELLE l'es que mai, mas dins los dos cas, degun es mòrt, la sola violenca es d'òrdre espsicologique (ne dise pas 'quí que ne falia ren dire o qu'una violenca espsi quo es pas grava). Per lo governament, quò vai èsser tòst reglat, per la jornalista, ela pòt trobar que los gais exagerants totjorn (quo es un vejaire), mas es maloneste de tot boirar (marridatge, nanets...) e la Federacion prepara un boïcot de la revista un comunicat de premsa. Numerò 1.
Ai 'gut dos amics que se son fach petar la gola per un poton (veire 'quí), numerò 4. Afar Vaneste = 2.

Quo es una perpausicion, per évitar los excès, dins las alertas a l'omofòbia mas pas per 'restar de las comptar.

Imatge tirada dau siti "homophobie.org"

Sus la tela, vos balhe lo siti de l'ILGA (Internacional Lesbian Gai Associacion). I a una carta daus estats e lors legislacions ('quí).

Coma los quebeces son un pauc ne'n avança (an mesme una linha d'escota per las lesbianas victimas de violencas per la conjunda (ai pas botar quò per se mocar de las camionosas de las conduseiritz tant gentas)), vos bote un liam "ressorça" sus l'educacion.

E un siti de mai, belge queu-quí.

Per de las ressorças de França, quò es gaire existant fòra quauques assòs (Metz, Le Mans, Reims, Lille, Orléans, Tours, Angers, Lyon, Brest... qua'iment la meitat de la Federacion, mas ren au nivèu nacionau) per la bona raison que dès que la gen an realisat un bon trabalh (mesme de la vetz, un trabalh d'amator), i a totjorn un fonccionari de la DRASS, un regent d'una autre assò, un tipe que passe ne'n detailh las fautas, d'autre membre dins l'assò per far chiar e fotre lo project dins l'aiga. Quo es un problèma francés, mas chas los gais, ònte i a beucop de damandas, beucop de besonhs mas pauc de gen per far, quo es lassant. Sans oblidat las vergonhosas, lo mitomana, los normatius...

Lo siti de SOS omofòbia, lo telefòne : 0810 108 135

'Quela videò fuguet "censurada" l'annada passada ne'n França.