Un jorn t'i tornaràs far !

Apolon e Iacint

Queu mandin, fuguei desendurmit des sèt ora-dèmia per Aznavor ("Comme ils disent"). Mercè France Inter per la programacion especiala JICO. La chançon a un pauc vielhit, ma la fin es totjorn d'actualitat. Mercé au Baraton, l'ortalièr de l'emission, per la cronica sus la jacint.

Mercé per la chausida daus intervenants e fin finalament, l'emission era 'quí per far la sortida de l'armari dau jornalista. Sei pas tròp d'acòrd per far parlar los gais daus autres gais, las femnas de las femnas, los negres daus negres... los eteròs pòdon tamben parlar daus gais... tant que quò es pas per dire de las conarias.

Ren a veire emb l'omofòbia, mas quo es d'escoutar :

1. Tota la setmana "sur les docks (12 jusca au 16 de mai, 16h00)" sus França Cultura fuguet consacrat a la dictatura cambotjana.
2. Le dijòus 15 de mai, emission sus Paul Rebeyrolle, pintre lemosin e lo mesme jorn, lo ser, emission sus la question negre ne'n França. Podètz botar "occitan" en luòc de "negre".

Apolon e Iacint, vaiquí la pita istòria :
Lo beu Apolon jugava au disc emb son amorós, Iacint. Lo diu, Zefir, amorós maitot dau jòune Iacint, a buffat, per gelosiá, un pauc mai fòrt sus lo disc, queu-quí, se desviret e nafret mortalament Iacint. Apolon poguèt ren far per sauvar son amorós, solament lu daissar se tranformar ne'n jacint, la flor.

joan-peire @ 13:08

digg it | del.icio.us