Un jorn t'i tornaràs far !

Doas dròllas gardavan l'ovelhas en parlant
De ço que las parlan totas : de lor galant.

«Ma mair m'a defendut de veire queu que vòl»
Disiá en sospirant la genta Madelon,
«E deve l'escotar sens rebutir queu dròlle»

«T'as ben tròp de malur. E coma fas-tu donc
Per veire ton galant ? li dises la Mion,
Tu deves, Madelon, n'en èsser ben privada.»

«Pas tant que tu creses, respondet la rusada,
De viure sens galant quò ne'n es pas question.
Io ne vòl, segur, jamai lo rebutir,
Mas coma ne fau pas que ma mair sia trompada
Eu ven quand quo es ben brun, e quand auve sos pas,
Barre vite los uelhs, entau lo vese pas !»

Anóncia : sabe pas ònte damandar los drechs per far una re-edicion de queu libre. Seriá d'ataca per investir de la moneda e de l'energia dins un tau project.