Escandal ne'n Soïssa
La campanha per lo sèxe sens risc (SSR) erseja ne'n Soïssa. Lo tèma es : Practicar lo SSR mesma dins las situacions particulièras.
Las afichas montran daus cobles ne'n vacanças, viatges d'afar, seradas... e subretot, ben cubert per dau latex.
Coma la campanha es desclinada sus lo mòde umoristic, los gropuscules religiós van contra. Pas tant per las situacions jutjadas normalas mas per la representacion daus gais ne'n plena sodomia sus la luna. A la debuta ai pensat, an degut montrar un bocin de cuou o una ereccion, mas non, son soïssas, laidonc seriòs. Ai descharjar las imatges ne'n grand fòrmat per comprendre :
Totas situacions balhant de veire lo soïssa masle autrament que dessur la feme es per fòrça devalòrisanta per la moralitat dau país.
Lo sèxe pòt se far deguisat ne'n tarzan, ne'n serana emb un gros sosmarin. Podetz visitar una chauna tanben, mas associat affar e sèxe, a quò, jamai, encara mens, affar e gai.
Los gropuscules deurián èsser uròs, los gais son pertant mandats sus la luna. Mas non, dins quauques cantons, an cachats la penetracion gai avecque un bocin de carton... ròsa, e perqué pas un triangle ? Se'n son pres maitot a l'aficha de la chauna.
Dins los joèbs, los comentaris son :
- Quò es pas coma quò que l'argent dau contribuidor deu èsser empleiat !
- Quò es un encoratgament per baisar pertot !
- N'i a pas de lesbienas (1).
- Am (2) una bona imatge internacionala, n'i a pas besonh de quò per la far restar bona.
Segur, ne'n Soïssa, los garçons an pas 'chabats de náisser dins los chauls e las filhas dins las flors.
Lo siti AIDS soïssa es 'quí
-=*=-
Ne'n mai d'aquò :
Per la Mela que vòl totjorn far de las esperiénças, lo pulverisator de preservatius es 'quí
Per lo Maine que voldrà benleu musar emb la soá amija, lo preservatiu femenin es 'quí (quò es particular per l'instalat mas aprep total libertat per la filha).
Per los autres, quo es bentòst las vacanças, laidonc fau 'chaptar las proteccions segon vostre gòst : perfumadas, nervuradas, emb de la perlas, sens latex, coloradas, grandas o pitas talhas... o 'nar ònte las son balhadas (sus los bòrds de la Lèire quel estiu per l'orleanais).
1- quò es una vertat, las lesbienas son sistematiquament obludadas perqué n'i a oficialament pas de cas de SIDA per las lesbienas dins lors praticas de lesbiènas. An daus riscs tanben se una partenarie es seròpositiva.
2- Per Joan, vaiquí la forma contractada de "avem". (Jean Roux, per aprener l'occitan - Novelum (IEO Perigòrd))
digg it
del.icio.usComentaris(3) »
:DDD mercé ;)
kina reputacion me fas :P
Pasha — 2008-05-27 - 08:42:57 GMT 1
Crese que t'as pas mestier de n'autres per la reputacion ;o)
I'ai 'na question tecnica : eu sierv mai d'un còp lo preservatiu feminin ????
JP dau trabalh — 2008-05-27 - 13:30:28 GMT 1
Per LAS reputacions, ai solament legit los comentaris dins quauques bilhets sus lo oèb
o(^!^)o
Lo preservatiu feminin ne deu èsser utilisar qu'una vetz coma per lo masculin, mas, avem 'gut de las cantonieras que nos an dit l'aver gardat la serada perqué los òmes volián pas usar de proteccions.
Quò es benleu un pauc "crade" mas ela vòlon pas 'trapar de malautias.
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
Mel — 2008-05-25 - 14:05:07 GMT 1