Un libre occitan e descreissent - l'Arquibaunobiliconofatz
Queu recuèlh de novelas es per la jounessa (12<17 ans) o per los començants coma me. Queu recuèlh es de bon legir de per la diversitat d'autors e d'autritz : Chapduelh jusca a Barís ne'n passant per Pessamessa, Roanet, Vernet e dau lemosin jusca au gascon ne'n passant "encò dels salvatges" fasem un brave viatge linguistica :-)
Las istòrias son variadas, cortas, per una, un pauc vielhota mas quò compta pas.
Bon, dau bon legir, mas descreissent perqué ? Perqué i a tres novelas que son dins quel esperit :
Far autrament e mielhs emb mens de mestier.
- "Los lutins, las chaiolas (1) e l'ANPE" - Chapduelh : conta la faiçon que sem 'ribats de minjar de la merda. Bon vos dise que quò es la fauta daus matematicians que son totjorn a comptar. L'istòria es vertadierament bona.
- "Albèrt" - Vernet : novela ònte un ordinator apren de la poësia, quò zo fai tombat ne'n amor d'una goiata. De notar per la jounessa des annadas 2008 que dins las annadas 80, msn©, lo pergaaurelha, lo balador MP3 quitament la mirga n'existavan pas ; adonc, jòune, l'istòria pòt te semblar estrannh ela es tipica d'aquelas annadas.
- "L'òmi qui avè esposat ua marquesa" - Barís. Se aviá legir quò dins los meus quinze ans, seriá estat benleu mens colhon d'escupir sus lo patrimoni. Quo es una istòria emb lo diable, un "praube òmi" e "ua hemna de grana beuta". Lo tipe rencrontret lo diable, lo diable tornet querre sa moneda... Per saber se i a una caissa de veire, de las fadas e perque pas un rei sus lo seu chavau vos fau legir la novela...
... e tanben las autres.
L'arquibaunobiliconofatz - Colleccion "A tots-a votz" IEO (1982)
nota : 1 - chaiolas o limaç, churga
digg it
del.icio.us
Quan Apple sortiscó lo MAC 128k au mes de genèr de 2004,seguit deu MAC 512k au mes de noveme de 2004… la mirga/rata, etc. èra de la partida e las icònas tanben.
Qu'es pr'amor d'aquò que'm soi mes a l'informatica ; que m'agradava un ordenador/ordinator qui'm disèva "Hello" prumèr e qui'm demandava d'introdusir ua disqueta e qui'm demandava tanben çò que volèvi NON - OUI _ Annuler
Desempuish los progrès que son estats fantastics e que soi demorar fidèu a Apple ; n'èi pas pr'aquò assajt los logiciaus Linux.
Tà picar los accents dab lo clavièr OSMac qu'es aisit e tot qu'es a portada de clau (tocha)
A lèu
A.
Andriu de Gavaudan | 2008-08-06 - 11:40:00 GMT 1 #
Mercè per lo messatge. Linux es lo mitan dintra lo MAC e lo pécé "ouinedoze".
Linux a estat un mestier per me de saber coma es realisat un ordinator, saber que n'i a mai d'un biais per far los accènts, d'èsser lo "mestre" de la machina.
Se ai botat 'quí e dins d'autre bilhet de las astuças, quò es non pas per far lo malin, mas aidar los autres.
Aprep, lo MAC es beu, aisat dins la comunicacion emb l'uman, M$oft es espandit pertot sus la planeta e de la vetz, quò es una bona chausa de poder interchamjar 'na mirga, 'n'escran...
Sei emb Mandrake/Mandrakesoft/Mandriva dempuei bentòt 10 ans... pas sens problèmas, mas ai telament après.
jp | 2008-08-06 - 12:46:46 GMT 1 #