Miettes de coeur - Jean Ansaldi
L'ai 'chaptat chas lulu.com aprep aver fach quauques recharchas sus lo mot "occitan" dins lo motor integrat dessur lo siti. Ne'n mai d'aquò, qu'era un eissai d'impression a la damanda (au trabalh, charcham de far una pita tièra d'un libret de formacion, autrament que per las fotocopias).
Mes en pagina per l'autor, imprimat per Lulu, livrat per lo factor aprep una granda espera, l'objèt "libre" es fin finalament un objet medriocre, sens grandas qualitats quantben que l'important dins un libre es a l'interior.
L'autor (nascut ne'n 1934) es un ancian pastor, a publiat daus articles sus Lacan, sus Paul (lo sadò-masò misogine que se prend per un evangeliste) e sus Luther.
Los tèxtes son estats escrichs ne'n occitan e la revirada es balhada ne'n regard. Los tèxtes son pas gaire joiòs. Quò parla de sufrir per viure, de la mort maitot.
I a quauques belas paroles sus la jounessa mas elas son pas de tailha a far de queu libre un libre per 'nar ben.
I a quaques belas parolas sus la vita, los aubres mas ai 'gut l'impression que des que l'autor balha dau lèste dins sa testa, un ratonlavor o b'etot diu torna venir per imposar una suffrança de mai.
joan-peire @ 07:19 Categorias: ansaldi
digg it
del.icio.us
Un
joèb per usar de la lenga d'òc de la
charanta lemosina juscanta Lemòtges 
