"quefir (kefir)" e "pan vitament fach" Un jorn t'i tornaràs far !

"quefir (kefir)" e "pan vitament fach"

Un bilhet rapidament fach per 'chabar la trilogia "confitura" (1 & 2). Quò pudít de tròp restar sus 'n'istòria pan tant bona. Ne'n mai d'aquò, los estagiairs l'an pas volgut per l'espectacle ; an mai aimat lo conta sus lo nan de jardin, lo cosin dau gigant verd, lo de las boitas de pitits peseus (charchatz pas, quo es un espectacle de teatre amator e quò devriá lo restar, aürusadament.

Bon, lo coupable es lo pan. Quela saloperia ne vòl que de la margarina sus la soá mija. Adonc per venjar lo topin citrolha-tomata, per me venja, l'ai copilhat e minjat.

Punt finau.

Lo títol d'aqueu bilhet es "quefir" e "pan vitament fach".
Per lo quefir, vos fau :

Un litre d'aiga freja (1)
la meitat d'un citron pressat
Una culhiera dèmia ('na granda lòcha) de bestiolas (las granas dau quefir)
Una culhiera de sucre
Una frucha sechada (prun, aubricòt, figa)

'Tencion de jamai far tochar dau metau a las bestiolas, adonc la lòcha de plastica per far las bolas de glaça quò vai, mas pas de culhiera a sopa...

Dins lo pòt de l'aiga, botatz l'aiga, lo sucre, lo jus dau citron e boiratz tot quò. Aprep fau botar las granas de quefir, la frucha e daissar posar 48 o 00 (la vertat es que quante lo fruch es montat, charjat de gas, la preparacion es presta).
Vos fau filtrar lo jus (2), dins 'na botelha e daissar posar 24 o 00 de mai. Per conservar lo quefir e l'aver pas gasós de tròp, conservatz lo dins lo refrigerator. Las bestiolas son tornadas de biais dins lo refrigerator, dins un bocau emb un bocin de sucre. 'Tention de pas barrar ermeticament perque las bestiolas fan dau gas (3).

Lo títol d'aqueu bilhet es "quefir" e "pan vitament fach".
Per lo pan vitament fach, vos fau boirar dins un topin :

100 gr de semola de bigarraud (o blat roja, o milh) o b'etot de froment
100 gr de farina blancha (o froment)
1 sachon de levura quimica (fau passar per 'quí de las vetz)
1 culher de sucre
1 demiei culher de sau
1 gran de 'lhissa apchada
20 gr de parmesan rapat
de las erbas. Se vautre aimatz mielh : erbas sechas coma lo tèlh, la menta, la frigola, o erbas frechas coma la menta, la doceta, o de las flors, de las algas, daus fruchs secs...

Ben boiratz aurá.
Dins 'na cassairòla, fau far chaufar 100 ml de lach e 50 gr de burre. Avant que quò bulhís, lo tirar dau fuòc per braçar un uou dedins. Botatz lo boiradis dins lo topin emb las farinas e tornatz brasugar.

Emplenar daus pitits motles burrats, o un grand, e far cueire 20 minutas, forn 200°.

Nòtas :
1-o dau tè freg, de la tisana freja...
2-queu jus pòt èsser utilisar per los calhets de sojà. Un cuilher per 500 ml de lach, 'na nuech d'espera e vautre avetz daus calhadis. Los gost es un pauc amer.
3-podèm dire 'quí qu'elas petan. Ja que las granas sechadas sentan los pès. Fòra connarias, n'anatz pas 'chaptar de la granas, pode balhar quauques sachons de granas sechadas (per un litre, aprep, las bestiolas fan daus pitits rapidament).

joan-peire @ 11:43 Categorias: cosina