La confitura de nesplas
Fau massar de las nesplas bledas (aprep las prumieras gialadas, son moflas e la charn es bruna). I a tres faiçons de far per ostar los nogeus :
1 - las pialar emb un coteu e botar los nogeus de biais (quò marcha ben quant elas son pas pro maduras. Los nogeus e la peu van au borrier.
2 - ostar lo restant de la flor e pressar per far surtir la char e los nogeus dins la caçairòla. Aprep cuecha, faudrá passar lo boiradís au molin.
3 - la metòda de lo coá dau margaud. Quò es de dire de prendre la nespla per la coá e la bradassar d'aici a veire los nogeus tombar. Quo es pas sens garentida.
Bon, aprep quo es coma totjorn, per 1 quilograma de fruch :
- 500 gramas de sucre blanc o b'etot de la cassonada
- lo suc d'un citron
- la meitat d'un veire d'aiga
- de l'òli de cobde
Cueire d'aici a aver 'na pasta espessa, un quart d'ora d'aici a la demiora, sus lo pitit fuòc.
Lo quart d'ora passat, tuar lo fuòc e botar la confitura dins los topinots, barrar fòrça-fòrçada e virar los pòts.
Las variantas son :
- de ne pas botar l'aiga e de far cueire mai longtemps. La pasta deu èsser fòrça espessa per l'estendre sus 'na 'sieta e l'esbocinar. V'autres avetz 'quí : de la pasta de fruchs.
- d'adjúnher de la vanilha o de la cardamòna dau temps de cueisson per la gietar aprep, dau ròm o dau cognac.
- de pas obludar de passar la pasta dins un molin per ostar los nogeus se v'autres los avetz laissar.
L'amassada-dinnar daus bloguidors e bloguidritz porria semblar a quò
joan-peire @ 21:23 Categorias: cosinaconfitura
digg it
del.icio.us
Me songe estre 'na fòrma de ciber-quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
