Un jorn t'i tornaràs far !

Lo cuòu entre doas chadieras.

A la debuta, voliá far un bilhet sus Radiò-França-París e la soá setmana de la diversitat :

« Radio black blanc beur salarié chômeur chrétien laïc... gay hétéro ; c'était un peu long, on a préféré l'appeler Radio France »

La propaganda per l'operacion "diversitat" usa dau mot "gai" mas obluda las autras lingas per eisemple. Bon, lo regent ne'n profita per 'chabar sa sortida dau vaisselier.

Voliá far un bilhet sus las avançadas societalas (mai d'un còp, progressivas e usadas per los gais) e las culadas socialas. Un bilhet illustrat per un Cambacères "enterinant la supression de la repression" de l'omosexualitat entre grandas personas (eritada dau Code Revolucionari), mas dau mesma biais lo Cambacères es lo redactor dau Code Napoléon (adonc dau libret de contraròtle per los obriers per eisemple).

Voliá far un bilhet sus los gais qu'an mai d'una vetz, lo cuòu entre doas chadieras, entre la libertat personala e l'interès colectiu.

Un pitit boiradís intelectuau d'analisas realisadas dempui mon fenestron. Queu bilhet auriá degut se 'chabar sus la banda anóncia de queu dévédé reçaugut per Nadau.

Ren de mai a dire despuei lo 25 julhet de 2007 sus queu film metaforic ; l'aviá pas dich dins lo prumier bilhet, quò 'chaba mau, très mau !

Plus d'infos sur ce film
E puei !

E puei, i a 'gut "l'apel per la manifestacion" per lo dissabde 10 de genier. Sei 'nat veire sus "Libeorleans" l'ora que m'aviá eschapat, e 'quí, i a 'questa videò.

Filh de garça, la fin es pas per me plar, ai donc pres la desicion de pas i 'nar.

'Riba lo diluns, puei lo dimercres, puis queu dissabde emb la mesme critica de mai d'un militant :

-Perqué ses pas vengut ?

-Ai pas mestier de me justifiar, quo es pas la prumièra vetz que ne fau pas 'na manif.

-Òc-es mas 'quí...

-Bon, sei 'nat veire la videò e ne vole pas manifestar coma daus "nazislamistes".

-Quò vai pas ! I a 'gut quauques "allah-akbar" mas...

-Sei un l-a-ï-c ! E benleu un laïciste, marcha veire !

-Te fau pas tot confondre [...]

Bon, comence a ne'n aver mon confle daus dos tipes, per un de l'alternativa liberticida e l'autre, un gai, dau-PCF-CGT, e damande a aver la patz, sens jòc de mots purrits. Dau mesma biais, affirme voler militar per que mas gonadas restan a lur plaça, prefere investir en borsa que dins las servietas de taula.

Bon, lo mot "nazislamiste" es un pauc fòrt, segur, mas, merda, l'autre gai quo lu deranga pas d'anar emb 'quela gent. Ai dich que segur, sei pas 'vugle de la situacion per los palestinians, que sei prest d'anar dins una manif "l-a-ï-c-a", e ne vole pas de religiositat boirada emb la politica. Los dos tipes se son un pauc enervats, lu comprene ben, mas quante ne vole pas far quauquaren, ne lu fau pas.

E quante ai lo cuòu entre doas chadieras, chausi la posicion la mai confortabla per mon embonilh. Quo es egoïste ! Quo es pitit borgés, me'n fote.

Lo tipe cegetisat es gai. Perqué pas, mas viu dins l'espera de la revolucion e dau grand amor. Maints militants gais son estats : comunistes, puei maòistes, puei castristes e... e ren, perque lo bonur poviá pas venir de l'America, lo grand satan capitaliste & borgès (1). Adonc maints an jamai estat uros, e faudriá ren lurs dire d'aver preferats los camps de trabalh aus bonurs individuaus (quo fai pas de me un individualiste forcenat ! 'Tencion !).

Queu tipe a pas 'gut de vita. L'espera, l'espera, mas am qu'una vita.

E veiquí 'ribat n'autre tipe, de la Federacion Anarchista, e nos dos tipes tornan emb las mesma refleccions. L'anar balha las mesma rasons que me, mas los autres... Queu tipe es desjà 'nar dins 'na mission civila ne'n Palestina, es pas indiferent. Vòu pas veire tant de religios dins 'na manif.

Me visa e me damanda. Mesma chausa, dens obludar que per los gais, las lesbienas e per las femnas de la region, d'una manièra generala, vau mielhs viuvre ne'n Israel.

Bon, avem tornar nos insurtats jusca que l'alternatiu liberticidat crida :

AL -E los bodistes, son pas daus religios benleu ?

Me ...

Al -Adonc, as ren de dire per lo dalai-lamà teocrate autoproclamat.

Me ...

CGT -subretot que la constitucion dau Tibet es xenofòba

Me ...

Al -E los bodistes devan pas esser ben tolerants emb los gais e las lesbienas.

Me -Mas d'ente surtissetz vos tant de conarias. Ieu, ne'n dise, segur, e mai d'una vetz, mas 'quí ! Pitits, setz fòrts tots dos. Lo dalidalamà (per far cort) a totjors dich que esser gai per un monge quo es pas possible, mas ren de nuòu. La constitucion dau Tibet seriá xenofòba ? Be 'quí, am pas las mesmas informacions, mesma lo Melenchon-tse-tong es pas tant con. La futura constitucion es benleu pas perfecha mas, la nòstra tenben. Xenofòba ? Comprenes queu mots ? ? ?

Me sei sarrat chas me aprep aver 'chabat mon cafe.

Una tripotada de nòtas liadas :

(1) ne vole pas generalisar, ai rencontrat un tipe de la LCR Marselha qu'es gai & uros, aurosadament, quo es possible ! E tenetz vos ben, lo tipe de Marselha a mesma de l'umor.

Dins lo bodisme,

-son "autorisat" : divòrci, fecondacion "in vitro" (per los cobles), la masturbacion, la pilula, lo preservatiu, la felacion, l'IVG (sus condicion).

-son "defenduts" : adultere, zoofilia

-son "nuançats" : omosexualitat, sodomia, fornicacion

Sus lo bodisme e los gais veire aquí (avetz maitot "gai & islam", "gai & cassolet" e tot e tot...).

Sus lo Tibet, quauques liams :

Lo diplodocus aquí

Rua89, los tibetans exilats

Punt de vuda sus l'invasion chinèsa

La charta e lo vejaire de melanchon-tse-tong aquí

Lo govern exilat dau Tibet aquí

Un bilhet sus l'iman de Drancy (resume : Hassen Chalghoumi a mancat se far petar la gola de pas voler manifestar « religiosament » contra la guerra)

Sus la construccion dau mur, un film

La charta dau Hamas e dau Likoud, integrismes per intergrismes, sus lo joèb dau Tristan Mendès France (fau legir los comentaris. 'tencion, sei pas en accòrd emb 'na partida dau joèb, sei pas sioniste)

E per 'chabar, l'Associacion Internacionala de las Lesbienas e daus Gais ILGA e la carta daus dreits dins lo monde.

Associacion francesa dau gais jusieus (benleu la mai ancianna assò LGBT ne'n França), Beit Haverim

Per la gent musulmans

Per los asiatiques

Ai pas verifiat los liams. Me fau durmir un pauc e vos laisse 'quí sens obludar de remercejar حشام per m'aver mandat las fotòs d'aqueu bilhet ; elas venan d'un site d'iranians exilats aus USA.

joan-peire @ 01:12

digg it | del.icio.us