Un jorn t'i tornaràs far !

Salòperia de plueia, mon brolhon es tot aiga, pòde pas me tornar legir.
E be, veiquí per la sent Valentin un bilhet sus los animaus :

Una parelh de manchòts(1) gais an assajats de raubar los uòus daus manchòts eteròs per mostrar las lors possibilitats d'esser pairs. Quò-quí sembla 'ribat mai d'un còp de per lo monde per los manchòts barrats dins los zoos (2).

Los dos manchòts-raubaires, a la debuta, poseten de las peiras au pès daus manchòts eteròs avant de fure tot en trantalhan emb l'uòu raubat. Mas veiquí que los autre manchòts compreneten la chausa, e deciteten de botar defòra los gais (3). Los gardians dau zoo decideten d'isolar los dos jòunes ex-pairs atgats de tres ans per qu'ilhs se faguessen pas petar la gola per l'amassada manchòta e per aver la patz dau temps de la coada. Un gardian dau "Polar Land" (Harbin, nòrd de la China) contet que lo còble de gai aviá 'gut la mesma enveja naturala d'esser pairs, maugrat la lor sexualitat.

« Una de las responsabilitats per esser conegut coma "masle" chas los manchòts quo es de veilhar los uòus. Mesma se l'uòu es pas 'quí, l'enveja de coar i es 'la.» declaret un dau gardian a l'Austrian Times newspaper (4).

I a mai d'un eisemple de per lo monde d'omosexualitat chas los animaus (5) mas chas los manchòts quo es un subjet d'estudi per los savants. Dins un zoo alemand, la gent an tot de mesma essajats de fòrça un goiat manchòt en lu fasent anar bicar una manchòta suedesa. Coma quo es mai complicat d'una istòria de parpalhon, de trompa e de flors, lo manchòt vouget jamai 'nar la veire. De mai los gais, umans, an cridats a la normalisacion forcada.(6)
En 2002, aprep 8 annadas de vita comuna, un coble de manchòts dau zoo de New-York an estats surtits dau vaisselièr quante los gardians vegueten que quò erá dos masles.

nòtas :
1/ A la prumiera lectura, aviá revirat "penguin" per "pingoïn" e ai visat dins lo Lagarde per l'escrir, eu balha : pingouin (fr) = malmaridat (òc), l'invente pas !
2/ barrats dins un zoo, adonc un pauc deprimats.
3/ l'an un pauc charchar ilhs'tot.
4/ lo nom dau jorneu es per l'internacionalitat d'aqueu joèb :-)
5/ sei pas omofòbe, mas ai vut daus òmes lu far. Un pauc plus inteligent, i a quauques annadas, dins un zoo d'Alemanha crese, un parelh de gai flamenc adoptet un pio-pio ròsa que la mair es estada engolada per un rainard (dau temps que lo pair erá pertit corre la fumela, p'una moralitat chas los auseus, p'una !).
6/ los gais an cridats dins los aguts. Vole ben los trapar me los savants, e se an daus borrits dins los uelhs, los traparai per la coà per i botar de la sau, van veire coma quò fai de fòrça lo monde. Ne'n mai d'aquò, crese que normalisacion (o benleu estandardisacion, zo sabe pus) quò deu s'escrir emb un "z" coma "nazi", non ?

• La version originala e oficiala balhada per China novelas !
  
• La version riclanisada per los gais francés, manipulacion o metòda "Couet" ?
  

~o(ò;ó)o~

Una pagina de propaganda ortonormativa !