Mon prumier de mai
Veiquí un bilhet per parlar daus verds dau Loiret. Ai promes dins la manifestacion dau prumier de mai de far un pitit bilhet, lo veiquí. Per dire verai, quo es 'na revirada vuda de mon peron, mas coma am vuts las mesmas personas, pòde ben far lo mesma bilhet :-)
Dau temps que lo muguet 'chabava de flurir au vargier, erá de la manifestacion dau prumier de mai, 'na de las bravas per aquí. Los prumiers de me trapar fugeten los d'Euròpa Ecologia, un bocin de la manifestacion segur, eran pas los darriers per balhar la propaganda. Òc, i serai de l'amassada de la fin dau mes.
Bon per me far petar la margoleta, veiquí mai de tractes amassats dau temps de la manif :
- Lo FSL d'Orleans, 'na bona initiativa mas serai a la Senta Estela de París.
- 'Na pita fuelha per la defença de l'isla d'Arrault, sus la Leira. La comuna vòu bastir e betonar.
- Ai promes de pas far de segregacion, adonc, veiquí la propaganda daus Melancho-tsé-dong.
- Un bocinet per ma pera, la fuelha d'amistat dau Chiendent ~ Tranuja.
- E per 'chabar lo colectatge, ieu sei per lo TGV, agueí jamai a lu cachar, sei pas 'na rapieta per ren. Dins la version francesa i a de las refenrenças que son pas las miennas, adonc, bote 'quí los liams sens saber de que ilhs parlan, quò es pas la prumiera vetz maitot. L'inspiracion vendriá dau Lafargue e de l'abolicion dau trabalh dau Bob Black. I a una peticion, sabe pas de tròp de que ne'n pensar de totas 'quelas peticions, mai o mens ciber, mas vau benleu la sinhar.
Liams :
- Lo sit de la campanha Europe-ecologie.
- Lo joèb dau T.Soler e aqueu dau JP.Grand
'Queu quite muguet ven dau ciberespaci, es 'ribat de Tolosa, marcé.
joan-peire @ 21:44
digg it
del.icio.us
Me songe estre 'na fòrma de ciber-quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
