Coma l'erba en flor se para...
Perqué a 'quela epòca, escriguet sus la campanha lemosina e sus lo Perigórd coma degun a jamai saugut o far. Quò es de dire que Pestour erá considerat coma un trobador moderna, lo Mistral lemosin ( ai pas trobat l'òda a Mistral). Lo biais de descrire la natura, las sasons, los animeus es simple mas las imatges antau balhadas vòs trasportan dins 'na fòrma de « paradís ».
E pueis, per aquerir dau vocabulari, fau legir, tant en francés coma en occitan, adonc veiquí quauques poëmas tirats de : Lous jocs dau dezei mais dau dezaire ~ les jeux du désir et du regret.
La nevia duerm canda...
La nevia duerm canda au cròs de la reja,
E la clàrdat, entau
Que fas dins lo còrs l'amoroza envéia,
La chatilha suau.
Qu'es mofla, mon còr, la prumièra nevia
Au matin d'azur,
Ailàs ! Perqué chau que mieijorn la beva,
Mieijorn bleuge e dur ?
Aqueu doç cirier
Aqueu doç cirier sus la còla
Baja-li, mon còr,
Aqueu doç cirier que la clàrdat alisa
Coma un blanc recòrd.
En siular l'aronda...
En siular l'aronda (3) brecha
Sos ronds blúiaus sus lo prat
Que benla, còr enfeurat,
La 'rosina bleuja e frescha
L'ausela vira en baudor
Dins 'questa chaumassa boma
Ònte tota la terra groma,
Anonciarerie de freschor.
Mas per tu, paubra arma reuja,
Quau sinhe t'anonciara
La jòia d'amor que vendra
T'abeurar, subita plueja ?..
Coma l'erba en flor se para...
Coma l'erba en flor se para
A la druja fam daus braus,
Ieu code ton arma esparra
Fachilhier pasturau,Code ta jovença en flor,
O tu mai blosa e mai lena
Que l'abrilhosa palena
Qu'aus braus flanquits fai baudor.
Nòtas :
1/ quò sembla un pauc estranh de balhar lo nom d'un colabò dins un luòc conegut per los actes de resistenças
2/ Trobat sus gògolboc [...] imprime dans l'Action française un couplet d'Albert Pestour selon lequel Les Juifs chantent trop tôt victoire, La haine au cœur des Français croît [...]
3/ « arounda » dins lo libret = ironda.
La grafia dau libreton semble esser un boiradis entre la de Josep Ros e aquela dau Felibritge (Citacion de Peir Desrozier & Joan Ros "l'ortografia occitana").
Per 'chaptar, picatz sus libres rares
joan-peire @ 20:58
digg it
del.icio.us
Me songe estre 'na fòrma de quasernet de brolhon usat gairament que per la livrada estreita de la linga d'aur, la linga d'òc dau lemosin-charentès ;-) Jamai urós, jamai malurós de tròp, pas lemosin per ren, segur. Per me localisar sus 'na carta, 
