Glücklich wie Gott in Frankreich ! Un jorn t'i tornaràs far !

Glücklich wie Gott in Frankreich !

La revirada dau titre es : Sarkozy « viu coma Diu en França », calada sus lo dire alemand sus la nòstra doçor per viure...

La legnda de la fotò : lo Rei-Solelh e la soá Madama Pompador : Nicolae e Carlitonetà

8 avions, 61 veituras de fonccion, 1000 emplegats... Tota la França es tochada per de las mesuras de recession. Tota la França ? 'Na persona juga pas lo jòc : lo Regent Nicolae ~~Ceauşescu~~ Tsarkosy.
La moneda alojada a la presidença es estada totjorn tenguda cachada ne'n França. Per la prumièra vetz, lo secret es levat :

Dins los 300 m² dau lotjament de fonccion, las flors deven estre freschas en permanència (per 280000 euròs l'annada).
Emai quante lo tsar viatge a titre privat, fau que i aguesse un avion gorvernamentau voide ne'n 'companhament per lo còp que fauguesse rentrar a París dins l'urgència.
Lo chaponet disposa de quauquas 61 veituras, 2 avion Airbus© e 6 avions Falcon© (lo darnier que lo chafre es « Carlà » costet 60 milions d'euròs, trobetz 'quò minhard, per lo pretz, 'quò pòt i estre, segur).
L'abeurador (champanhe etc.) costa 1 milion d'euròs.
I a qua'iment 1000 emplegats, dos còps la reina d'Angleterra. Demest queu-quilhs, 44 conductors e 87 cosiniers. Los chap-cosiniers poden se servir liurament dins las cavas dau chateu ; los dejunars son servits per daus lacais.
Carlitonetà e Nicolae poden damandar de la nuritura o de la bevenda 24 òras sus 24. La cosina es en servicí continut.

S'esmalir ? S'esmaiar ? Romar ? Non-pas, subretot pas en França, 'quò sembla un onor que lo chap de l'Estat siàia la « Glòria de la nacion ». Eu se troba estre l'eretier dau Rei-Solelh, e quo es entau qu'eu viu.

Trobat dins daus comentaris sus un bilhet de Rua89.

~~oO(^!^)Oo~~

Sabe que comparason es pas rason, mas veiquí la carriòla de la lusor celesta per l'anniversari de la China.