Un jorn t'i tornaràs far !

• 'Vetz vergonha perquè parlem un meschent dialècte occitan que sembla lu francès,
• Atz vergonha de n'autres perquè volem pas servar vos miradors ne'n devenir,
• La vergonha que n'autres am la mar a Royan ! È !
• Que sem lus prumiers (aprep los japonès) d'espandir las teorias daus plasers a nòstras amijas las bestias.

L'avenir es pensat per de la gent de las Charentas, subretot lo benaise de las bestiàs coma iò ditz lu chapeu, alaidonc, la presentacion dau prumier juec sexuau per los chins (*). 'Queu juec es fabricat a Mòrnac (pròpche d'Eigolesme) dins l'usina Rotodesign e es estat dessenhat per dos frairs de l'agença Feeladdicted. Iò sabe, Mòrnac se troba dins l'anciana-partida-occitana-qu'es-pus-occitana-desempuèi-lu-XVèma-segle mas bon, l'economià 'quò compta maitot dins un país, podem pas tot~a~s surtir de las tèsas o b'etot daus lexics, e m'es 'vís que iò un merchat.

« D'un certan punt de vuda, 'quò sembla 'na catisson gonflabla per los chins » se 'musa Monsur Delimoges, lu director de l'usina (**).

« Hot doll » podriá passar coma un chause « design » per causa de sas fòrmas rondas e sas colors ; eu es livrat emb una natura de plastic e 'na notiça ! Fau balahar 400 euròs per un juec que totjorn a lu cuòu en jardòla ! Me semble char, mas 'na tela inovacion semble trobar son merchat dins l'esportacion vers lu Japon, l'Espanha e Israël... Ne'n mai d'aquò, 'queu juec es realisat dins un plastic 100% reciclable, 'la es pas bela la vita per Kiki©.

Per lu moment i a doas colors solament, blanc o neir, e 'na talha maitot. Mas los chins de bargiers, los dalmacians e autres grands chins deven pas desesperar, las grandas talhas 'riban bentòst...

*lu plaser de la fumela es totjorn ne'n esploracion dins la testa daus charchors.
** los noms son pas estats chamjats

• Lu sit per lu 'chaptar
• De legir maitot dins la ciber-premsa e sus 'queu joèb ente i a mantunas fotografias dau Kiki© tot nud.