Un jorn t'i tornaràs far !

M'esmangonhe dins lo bilhet d'avant queu-quí perquè, e 'quò es conhat dins mon estre prigond, me songe que las creianças, qualas-que-siàian, representan totjorn un dangier per las libertats individualas ; e dire aquò es pas ne pas se pensar dins 'na colectivitat.

Per imatgear mon perpaus, vos convide de legir, non pas lu bilhet sus « lu tipe aprep cridar « omofòbia » perquè es pus n°3 sus 'na lista ente i a una majoritat de masles », la vergonha qu'aqueu PS tant merdós, e los gais totjorn après cridar. Non, vos convide de legir lu bilhet sus « lu filmonet que fai desbat ». Un filmonet « d'educacion a las sessualitat ». Fòra que parlar sessualitat a daus goiats e de las goiatas de CM1 & 2, 'quò me semble desjà un pauc tròp tòst, 'laidonc abordat l'omofòbia… mas bon, sei lu pair de degun e pasmai especialiste dins l'educacion e coma totjorn, los professors, e las professosas, saban trobar un equilibre, ne'n mai d'aquò lu filmonet es benleu una aida.

- Mas lu liam emb l'autre bilhet, me diratz v'autres, ente es-t-eu ?
- La Boutin, e sos amics creiants. 'Quò es ela que menet la dança contre lu filmonet.

• Lu sit dau filmonet